Jab gunmbaday Khuzra pae woh pehli nazar gae,

Jab gunmbaday Khuzra pae woh pehli nazar gae,
Ankhon k rastay meray dil main utar gae,

sir hum tha lab thay khamosh thay ankhain thi ashkbar
ik saate baydar thi jo ke ghur gae
Ankhon k rastay meray dil main utar gae,

main barish-e-karam main naha sa gaya udhar
woh barish-e-karam meray dama ko bhar gae

dil bhi hai shad shad tabiayt hai pur bahar
lagta hai aj meri madinay khabar gae

ho na ho aj kuch mera zikr huzoor main hua
warna meri taraf khushi dekh k muskurai kyun

taiba se lautna kisi ashiq se poochiye
aisa hai jaisay rooh badan se guzar gae

Jab Husn Tha Unka Jalwa Numa, Anwaar Ka Alam Kya Hoga

Jab Husn Tha Unka Jalwa Numa, Anwaar Ka Alam Kya Hoga
Har Koee Fida Hai Bin Dekhe, Deedaar Ka Alam Kya Hoga

Ek Simt Ali Ek Simt Umar, Siddiq Idhar Uthmaan Udhar
In Jug Mug Jug Mug Taraun May, Sarkaar Ka Alam Kya Hoga

Jis Waqt Haleemah Ki Godi, Anwaare Khuda Say Raushan Thi
Us Waqt Haleemah Daee Kay, Ghar Baar Ka Alam Kya Hoga

Jab Inke Gada Bhar Detay Hain, Shahaanay Zamana Ki Jholi
Mohtaaj Ka Jab Yeh Alam Ha, Mukhtaar Ka Alam Kya Hoga

Chahay To Ishaaraun Say Apne, Kaya Hi Palat Day Duniya Ki
Yeh Shaan Hai Unke Ghulamau'n Ki, Sardaar Ka Alam Kya Hoga

Sun Sun Kay Sahaba Ki Batein, Kuffar Musalmaan Hotay Thay
Phir Mere Rasool-E-Akram Ki, Guftaar Ka Alam Kya Hoga

Taibah Say Hawaein Atee Hai Baikal Ko Sukoon Mil Jata Hai
Iss Paar Ka Jab Yeh Alam Hai, Uss Paar Ka Alam Kya Hoga