Sab sey Chuppa Kar Dard,

Sab sey Chuppa Kar Dard, Jo Woh Muskura Diya
Us Ki Hansi Ney Tou Aaj Mujhey Rulla Diya

Lehjey Sey Uth Raha Tha Har Ek Dard Ka Dhuwaan
Chehra Bata Raha Tha Kay Kuch Ganwa Diya

Awaaz Main Tehrao Tha Aankhon Main Nammi Thi
Aur Keh Raha Tha K Main Ney Sab Kuch Bhulla Diya

Janey Kiya Usko Logon Sey Thein Shikayaten
Tanhaiyon Kay Dais Main Khud Ko Basa Diya

Khud Bhi Woh Hum se Bicher Kar Adhura Sa Ho Gaya
Mujh Ko Bhi Itnay Logon Main Tanha Bana Diya