بہترین تصاویر

تصویر کی بہترین جگہ

اٹھائیس ہفتوں میں 28 مختلف ملازمتیں کرنیوالا انوکھا شخص

نئی دہلی : وہ فوٹو گرافر بھی ہے، استاد بھی اور فلم ایگزیکٹو اس کو تو بس نت نئی ملازمتوں کا ہی تو شوق ہے۔

جی ہاں بھارت کے 28 سالہ شخص جوبانسہوا مشرا نے 28 ہفتوں میں 28 مختلف ملازمتیں کرنے کا انوکھا تجربہ کیا۔

اپنے اس انوکھے شوق کو پورا کرنے کیلئے اس شخص نے گزشتہ سال مئی میں چنئی میں اپنی سافٹ ویئر انجنئیرنگ کی ملازمت چھوڑی اور ہر ہفتے ایک نئی ملازمت کے عزم کیساتھ گھر سے نکل پڑا۔

بس پھر کیا تھا اس نے بھارت بھر میں 28 ہفتوں کے دوران 15 ہزار میل کا سفر کیا اور اس دوران 28 مختلف کام کئے۔

مشرا کے بقول وہ بھارت میں میڈیکل اور انجنئیرنگ کی تعلیم کا رجحان بہت عام ہے اور اکثر افراد اپنے بچوں کو ان ہی شعبوں میں بھیجنا چاہتے ہیں، حالانکہ ہر انسان کے اپنے خواب ہوتے ہیں جو والدین کے ہاتھوں ختم ہوجاتے ہیں۔

اپنے اس پراجیکٹ کے ذریعے اس نے یہ رجحان توڑنے کی کوشش کی ہے۔