Reham Khan says ..

Ryham Khan share the grief of the parents of infected children reached Kasur ..

قصور: چیئرمین تحریک انصاف عمران خان کی اہلیہ ریحام خان نے قصور کے گاؤں خان والا کا دورہ کیا جہاں انہوں نے متاثرہ بچوں کے والدین سے ملاقات کر کے ان کے دکھ کم کرنے کی کوشش کی۔

ریحام خان قصور پہنچیں تو تحریک انصاف کی مقامی قیادت نے ان کا استقبال کیا جس کے بعد وہ گاؤں خان والا گئیں جہاں انہوں نے بدفعلی کا شکارہونے والے بچوں کے والدین سے ملاقات کی۔ اس موقع پران کا کہنا تھا کہ بچوں سے زیادتی کرنے والے ہی نہیں ہم سب اس کے ذمے دار ہیں، افسوس کی بات ہے کہ 4 سال قبل پیش آنے والے واقعات پر اب کارروائی ہورہی ہے، ان واقعات کو سیاسی رنگ نہ دیا جائے اور متاثرہ خاندانوں کا درد سمجھنے کی کوشش کریں، قصورواقعے سے متعلق وزیراعلیٰ پنجاب پر بہت بھاری ذمے داری ہے۔ انہوں نے کہا کہ عوام کو تحفظ فراہم کرناحکمرانوں اورریاستی اداروں کی ذمے داری ہے، چائلڈ پروٹیکشن ڈپارٹمنٹ اس معاملے میں فوری ایکشن لے۔

چیئرمین تحریک انصاف کی اہلیہ کا کہنا تھا کہ قصورواقعات کو شہہ سرخی کے بعد بھلایا نہ جائے، ایسے واقعات کراچی اور پشاورسمیت ہر جگہ ہورہے ہیں، قصور واقعے کے مجرموں کو مثالی سزا دی جائے، ہمیں پورے پاکستان سے اس معاشرتی برائی کا خاتمہ کرنا ہے۔ ان کا کہنا تھا کہ سانحات کی جوڈیشل انکوائری ہوتی ہے لیکن اس کے آگے کچھ نہیں ہوتا اورحادثات کی ہونے والی انکوائریوں کا کوئی نتیجہ نظرنہیں آتا، وزیراعلیٰ پنجاب قصور نہیں آ سکتےتواس واقعے پر ایکشن ہی لے لیں تاہم تحریک انصاف اس معاملے پر سخت موقف اپنائے گی۔

Reham Khan says ..

         

Ryham Khan in politics, not totally embarrassed, Haripur address ..

ہری پور: تحریک انصاف کے چیئرمین عمران خان کی اہلیہ ریحام خان نے عملی سیاست میں قدم رکھتے ہوئے نوجوانوں کو مخاطب کرتے ہوئے کہاہے کہ پاکستان کا مستقبل نوجوانوں کے ساتھ ہے۔

فیصلہ خود عوام نے کرنا ہے کہ ووٹ کسے دینا ہے ظالموں کویا کسی پڑھے لکھے نوجوانوں کو، نوجوانو! اپنی سیاسی طاقت کا مظاہرہ کرو اور بھابھی کو شرمندہ نہ کرنا۔ ہری پور میں ہونیوالے ضمنی انتخابات کے لیے تحریک انصاف کے امیدوار عامر زمان کی انتخابی مہم میں اردو، ہندکو اور پشتو میں جلسے سے خطاب کرتے ہوئے انھوں نے کہا کہ پاکستان کا مستقبل نوجوانوں کے ساتھ ہے اور تحریک انصاف کو یہ اعزازحاصل ہے کہ اس جماعت کے پاس خان ہے۔ نوجوان ہے اور بھابھی بھی ہے، عمران خان کی بیوی اسے کبھی بھی جھکنے نہیں دیگی، خان صاحب نے ایسی لڑکی سے شادی کی ہے جو اسے کہیں بھی چھپنے نہیں دیگی۔

انھوں نے کہا کہ اگر عمران خان نے عوام کے مسائل حل نہ کیے کہ اس کے اپنے گھر میں مسئلے ہوجائیں گے اور اگر اس نے اپنی بیوی کی بات نہ سنی توکہاں جائیں گے۔

جلسے سے پہلے میڈیا سے گفتگوکرتے ہوئے ریحام خان نے کہا ہے کہ انھوں نے پی ٹی آئی اے کے امیدوار کی انتخابی مہم کا آغاز کر دیا ہے۔ خان صاحب کو مکمل سپورٹ کریں گی لیکن غلط مشورہ کبھی نہیں دیں گی۔ ان کا کہنا تھا کہ سیاست میں فرنٹ فٹ پرکھیلنے کا ارادہ ہے، عورتوں کوبھی اس میدان میں آنا چاہیے۔عمران خان کوفضل الرحمن کی درخواست پراسمبلی جانے کامشورہ نہیں دوں گی۔