Farz karo hum ahle wafa hon

Farz karo hum ahle wafa hon, farz karo deewanay hoon

Farz karo yeh dono batein jhootee hoon afsanay hoon

Farz karo tumhain khush kernay kay dhoondhay humnay bahany hoon

Farz karo yeh nain tumharay such much kay maykhanay hoon

...

Farz karo yeh jee ki bipta, jee say jorh sunai ho

Farz karo abhi or ho itni, aadhi hum nay chupai ho

Farz karo yeh rog ho jhoota, jhooti peet hamari ho

Farz karo is peet kay rog main sans bhi hum per bhari ho

Farz karo yeh jog sanjog ka hum nay dhong rachaya ho

Farz karo bus yahi haqeeqat baqi sub kuch maya ho..