Ashfaq Ahmad In Zavia Program.....!!

میری ایک بھانجی تھی بڑی دیر کی بات ہے ، اس کو اپنے دادا سے بڑا پیار تھا - 
ہوتا ہے پوتیوں کو اپنے دادا سے پیار ، تودادا اس کے سیر کرنے جاتے تھے - اچانک فوت ہو گئے - 

تو اس کو بڑا صدمہ ہوا - اکیلی بیٹھی رہتی تھی - 

ذرا زیادہ ہی پریشان رہتی تھی ، تو ایک دن اس کے گھر کی ملازمہ نے کہا ، 
" منی تیرا دادا کہاں گیا ؟ " 

اس نے کہا میرے دادا روز صبح سیر کو جاتے تھے تو میرے دادا اور الله تعالیٰ اکٹھے سیر کیا کرتے تھے - 

بہت لمبا چکر لگایا تو میرے دادا تھک گئے ، تو الله تعالیٰ نے کہا ، اب تم واپس کدھر جاؤ گے ، تم میرے گھر میں ہی رہ لو - 

ریسٹ کر لو ، تو میرے دادا وہاں ریسٹ کر رہے ہیں - 

تو الله تعالیٰ ان کے بڑے دوست ہیں - 

اتنی گہری بات اس نے کہی ، بڑی عجیب و غریب بات کر دی - 
تو یہ مشرق کے لوگ بات کرتے ہوئے مانتے ہیں کہ موت زندگی کا ایک اہم ترین حصہ ہے - 

از اشفاق احمد زاویہ ١ موت کی حقیقت صفحہ ١٤٠