Shane Watson Retirement ..

Shane Watson

Australian all-rounder Shane Watson Test abandoned

سڈنی: آسٹریلوی آل راؤنڈر شین واٹسن نے ٹیسٹ کرکٹ سے ریٹائرمنٹ کا اعلان کردیا ہے۔

کرکٹ آسٹریلیا کی جانب سے جاری بیان کے مطابق آل راؤنڈر شین واٹسن نے ٹیسٹ کرکٹ سے ریٹائرمنٹ کا اعلان کردیا ہے۔ واٹسن نے ایشر سیریز میں انگلینڈ کے ہاتھ شکست کے باعث ٹیسٹ کرکٹ سے ریٹائر منٹ کا اعلان کیا۔

واٹسن نے 2005 میں ٹیسٹ ڈیبیو کیا اور 59 ٹیسٹ میچز میں آسٹریلیا کی نمائندگی کی جس میں 35.19 کی اوسط سے 3 ہزار 731 رنز اور 33.68 کی اوسط سے 75 وکٹیں حاصل کی۔

Shane Watson

Michael Clarke Retirement ..

Michael Clarke

Australian players Michael Clarke won the guard of honor

لندن: انگلینڈ کے خلاف آخری ٹیسٹ میں شاندار کامیابی کے بعد آسٹریلوی کھلاڑیوں نے اپنے کپتان مائیکل کلارک کو گارڈ آف آنر پیش کیا ۔

جنھوں نے آخری مرتبہ انٹرنیشنل مقابلے میں بیگی گرین کیپ اپنے سر پر سجائی تھی، اس طرح اس میچ کے ساتھ ہی اوپنر کرس روجرز کا بھی کیریئر اختتام کو پہنچ گیا۔

کھلاڑیوں نے فیلڈ پر ہی اپنے ان دونوں ساتھیوں کو خراج تحسین پیش کیا جبکہ سپورٹنگ اسٹاف نے سیڑھیوں پر ان سے مصافحہ کرکے شاندار کیریئر پر مبارکباد پیش کی۔واضح رہے کہ انھوں نے چوتھے ٹیسٹ میں ناکامی پر ایشز گنوانے کے بعد ریٹائرمنٹ کا اعلان کردیا تھا۔

Michael Clarke

Sangakkara Retirement ..

Sri Lankan Great Batsman

Sangakkara wept parting from international cricket

کولمبو / دبئ: انٹرنیشنل کرکٹ سے جدا ہوتے ہوئے سری لنکا کے سپر اسٹار بیٹسمین کمارسنگاکارا رو پڑے، پورے کیریئر کے دوران سکھ دکھ میں ساتھ دینے پر والدین کا بھرائی ہوئی آواز میں شکریہ ادا کیا۔ انٹرنیشنل کرکٹ کونسل نے سنگاکارا کو کرکٹ کا عظیم سپوت قرار دے دیا۔

تفصیلات کے مطابق سری لنکن اسٹارکمارسنگاکارا نے آخر کار انٹرنیشنل کرکٹ سے 15 سالہ ناطہ توڑ دیا، انھوں نے آنسوؤں سے لبریز آنکھوں کے ساتھ کھیل کو خیربادکہا، بھارت سے کولمبو ٹیسٹ کے اختتامی روز انھیں  الوداع کہنے کیلیے شائقین اور اعلیٰ شخصیات کی بڑی تعداد پی سارا اوول اسٹیڈیم میں موجود تھی۔

اسکول کے بچے سری لنکن جھنڈے لہراتے رہے،جب 37 سالہ سنگاکارا کو رسمی طور پر الوداع کہا گیا تو وہ جذبات پر قابو نہیں رکھ پائے اور آنکھیں جھلملا اٹھیں، اس موقع پر انھوں نے اپنے والدین کا شکریہ ادا کرتے ہوئے کہا کہ آپ نے ہر سکھ دکھ میں میرا ساتھ دیا، جتنے برس میں کرکٹ کھیلا مجھے آپ کی سپورٹ حاصل رہی، میرے لیے دنیا میں ایک ہی ایسی جگہ رہی جہاں پر میں خود کو محفوظ سمجھتا اور وہ ہمارا گھر ہے، ’اما‘ (ماں) اور ’اپاچی‘ (والد) آپ کا بہت بہت شکریہ۔ سنگاکارا اپنے آخری مقابلے میں عزت افزائی پر بھارتی ٹیم کے بھی شکرگزار دکھائی دیے۔

دوسری جانب آئی سی سی کے چیف ایگزیکٹیو ڈیو رچرڈسن نے سنگاکارا کو کامیاب ترین کیریئر پر مبارکباد دیتے ہوئے کہا کہ وہ کرکٹ کے عظیم ترین کھلاڑی اور سفیر ہیں، انھوں نے بیٹنگ، وکٹ کیپنگ اور قیادت ہر شعبے میں اپنی صلاحیتوں کا لوہا منوایا۔ یاد رہے کہ سنگاکاراکیریئر کے دوران 7 مرتبہ کونسل کی ٹیسٹ ٹیم آف دی ایئر کا حصہ رہے، انھوں نے 2012 میں کرکٹر آف دی ایئر کیلیے مختص گیری سوبرز ٹرافی جیتی اور ٹیسٹ پلیئر آف دی ایئر بھی قرار پائے، انھیں 2011 اور 2013میں ون ڈے پلیئر آف دی ایئر کا ایوارڈ دیا گیا۔

Sangakkara 

Sangakkara's last Test ..

Great Batsman Sangakkara

Guard of honor was presented

کولمبو: سری لنکاکے اسٹار بیٹسمین کمارسنگاکارا کو کیریئر کے آخری ٹیسٹ کیلیے گراؤنڈ میں قدم رکھنے پر گارڈ آف آنر پیش کیا گیا۔

وہ کولمبو میں بھارت کے خلاف جمعرات سے شروع ہونے والے میچ کے اختتام پرانٹرنیشنل کرکٹ سے ریٹائر ہوجائیں گے۔ جب میزبان سائیڈ فیلڈنگ کیلیے میدان میں داخل ہوئی تو سب سے آگے سنگاکارا تھے، انھیں دیکھتے ہی اسٹیڈیم میں موجود 6 ہزارسے زائد تماشائی اپنی نشستوں سے اٹھ کھڑے ہوئے اور تالیاں بجا کر خیرمقدم کیا، اس موقع پر وہ بچوں کے ہاتھوں میں پکڑے بیٹس کے سائے میں فیلڈ میں داخل ہوئے۔ سنگاکارا نے 2000 میں ڈیبیو کیا تھا۔

وہ تاریخ کے ان 6 بیٹسمینوں میں سے ایک کی حیثیت سے ریٹائر ہورہے ہیں جن کی ایوریج 57 یا زائد رہی۔ اگر وہ اپنے اس آخری ٹیسٹ میں مزید 132 رنز بنا لیں تو پھر ایوریج میں عظیم ویسٹ انڈین بیٹسمین گیری سوبرز کو بھی پیچھے چھوڑ دیں گے۔ بھارتی کرکٹ بورڈ نے شاندار کیریئر پر سنگاکارا کو خراج تحسین پیش کیا، ان کے الوداعی ٹیسٹ میں بی سی سی آئی کے سیکریٹری انوراگ ٹھاکر بھی شریک ہوئے اور شیلڈ پیش کی۔

Great Batsman Sangakkara

Imran Khan says ..

Imran Khan press conference ..

Shah Mehmood Qureshi ..

دھرنے میں جنرل ظہیراورپاشا کا ہاتھ نہیں، شاہ محمود

 اسلام آباد: پاکستان تحریک انصاف کے مرکزی رہنما شاہ محمود قریشی نے کہا ہے کہ پی ٹی آئی کسی بھی غیر جمہوری طریقے سے اقتدار میں آنے کے حق میں نہیں اور کسی کو جمہوریت پر وار کرنے کی اجازت نہیں دیتی۔

بدھ کو پارلیمنٹ ہاؤس کے باہر میڈیا سے گفتگو کرتے ہوئے انھوں نے کہا کہ دھرنے کے پیچھے خفیہ ہاتھ کے ملوث ہونے پر اگر حکومت کمیشن بنانا چاہتی ہے تو ضرور بنائے، دھرنے کے پیچھے ظہیر الاسلام اور پاشا کا ہاتھ نہیں۔

جب یہ لوگ اہم عہدوں پر تھے تو یہی لوگ ان کے گیت گاتے تھے، آج وہ رٹائرڈ ہوگئے ہیں تو  ان پر بلا جواز تنقید کی جارہی ہے۔ انھوں نے کہا کہ غیر ضروری بیانات سے کچھ حاصل نہیں ہوگا، جاوید  ہاشمی کو باہمی احترام کے رشتے کو برقرار رکھنا چاہیے۔

Misbah-ul-Haq says ..

دو دوستوں نے میدان چھوڑنے کا اعلان کر دیا