Showing posts with label Officer. Show all posts
Showing posts with label Officer. Show all posts

Saturday, August 1, 2015

A stunning performance came on Anwar Ali Khan was made official ..



کراچی: سری لنکا کے خلاف آخری ٹی ٹوئنٹی میچ میں شاندار کارکردگی کی بنیاد پر آل راؤنڈر انور علی کو پی آئی اے میں ترقی دے دی گئی۔
ترجمان پی آئی اے کے مطابق پی آئی اے کے چیرمین اور ایم ڈی نے قومی کرکٹ ٹیم کو سری لنکا کے خلاف جیت پر مبارکباد دی جب کہ آل راؤنڈر انور علی کو شاندار کارکردگی پر پی آئی اے میں ترقی دے کر افسر بنا دیا گیا ہے۔ انورعلی کو مین آف دی میچ سے بھی نوازا گیا اس موقع پر ان کا کہنا تھا کہ ٹیم مینجمنٹ نے نیچرل گیم کھیلنے کو کہا جب کہ میں نے کوچ اور کپتان کی ہدایت کے مطابق ہر بال کو میرٹ پر کھیلا۔
واضح رہے انور علی نے سری لنکا کے خلاف دوسرے ٹی ٹوئنٹی میں صرف 17 گیندوں پر 4 چھکوں او ر3 چوکوں کی مدد سے 46 رنز کی اننگز کھیل کر ٹیم کو فتحیاب کروایا۔