Showing posts with label Cricket. Show all posts
Showing posts with label Cricket. Show all posts

Saturday, September 12, 2015

Muhammad Hafeez Bowling action

Domestic Event

Domestic Event, Making criticism for Hafeez Bowling action

Domestic Event, Making criticism for Hafeez Bowling action
لاہور: قومی ٹی ٹوئنٹی ایونٹ میں بولنگ کو تنقید کا نشانہ بنانے پر حفیظ بلبلا اٹھے اور اس حوالے سے رپورٹ کو غیر ذمہ دارانہ قررا دے دیا۔
تفصیلات کے مطابق ایکشن غیر قانونی قرار دیے جانے پر محمد حفیظ ایک سال تک انٹرنیشنل کرکٹ میں بولنگ نہیں کرسکتے، البتہ انھیں قومی ٹی ٹوئنٹی میں بطور بولر بھی صلاحیتوں کے اظہار کا موقع دیدیا گیا ہے، ڈائریکٹر ڈومیسٹک کرکٹ انتخاب عالم کا کہنا تھا کہ عالمی سطح پر پابندی کے باوجود کسی بھی کرکٹر کو ملکی سطح کے مقابلوں میں شرکت کا موقع دینا بورڈ کی صوابدید ہے، اس سے ہمیں اندازہ ہوگا کہ ایکشن میں کس حد تک بہتری آئی ہے۔
امپائرز ان کی بولنگ کا جائزہ لے رہے اور رپورٹ بھی کرسکتے ہیں، ایک غیرملکی ویب سائٹ کے مطابق محمد حفیظ ایکشن کی اصلاح کیلیے کوئی کام ہی نہیں کر رہے تو دوبارہ جائزہ لینے کی ضرورت کیا تھی؟ قوانین کے تحت پابندی کا ایک سال پورا ہونے سے قبل آل رائونڈر آئی سی سی سے ریویو کی درخواست بھی نہیں کرسکتے۔
ایسے میں بولنگ کا موقع دینے کا کیا مقصد ہے؟ اس حوالے سے ردعمل کا اظہار کرنے کے لیے محمد حفیظ نے سماجی رابطے کی ویب سائٹ کا سہارا لیا،انھوں نے کہاکہ 9ماہ سے بولنگ ایکشن کی اصلاح کے لیے نیشنل کرکٹ اکیڈمی میں کوچز اور اینالسٹ کے ساتھ کام کررہا ہوں، بہت جلد ایکشن میں نظر آئوں گا،انھوں نے ویب سائٹ کی خبر کو غیر ذمہ داری کی بہترین مثال قرار دیتے ہوئے کہا کہ یہ باتیں نجانے کہاں سے آئی ہیں۔

Domestic Event

Muhammad Hafeez

Umer Gul injured nose during the match ..

Umer Gul injured

Umer Gul injured nose during the match

Umer Gul injured nose during the match
لاہور: فارم اور فٹنس کی بحالی کے لیے کوشاں پیسر عمر گل قومی ٹی ٹوئنٹی میچ کے دوران ایک بار پھر زخمی ہوگئے۔
اسلام آباد کی نمائندگی کرنے والے کرکٹر کراچی بلوز کے خلاف مقابلے میں خرم منظور کے اسٹروک پر کیچ پکڑتے ہوئے ناک زخمی کرا بیٹھے، وہ 2 ہفتے کے لیے کرکٹ سے بھی دور ہوگئے ہیں، یوں دورہ زمبابوے کے لیے انتخاب کی رہی سہی امیدیں بھی خاک میں مل گئیں۔
یاد رہے کہ کسی وقت پاکستان کے نمبر ون پیسر کی پہچان رکھنے والے عمرگل مئی 2013 میں گھٹنے کی سرجری کے بعد سے کبھی مستقل ٹیم میں جگہ نہیں بنا سکے ہیں۔

ENG vs AUS,, ODI Series ..

Australia´s Pat Cummins (L) appeals successfully for the dismisal of England´s Alex Hales (R) out lbw for 0 runs during the fourth one day international (ODI) cricket match between England and Australia at Headingley in Leeds, northern England.


ENG vs AUS

Captain's chair is empty ..

Captain's chair is empty

Captain's' empty chair '' at the heart of Michelin's players

Captain's' empty chair '' at the heart of Michelin's players
کراچی: دورئہ زمبابوے میں اظہر علی اور سرفراز احمد کی ممکنہ عدم موجودگی نے بورڈ کو قیادت کے حوالے سے دیگر آپشنز سوچنے پر مجبور کر دیا،خالی کرسی دیکھ کر بعض پلیئرز کا دل بھی مچلنے لگا ہے، یونس خان کو براہ راست کپتان بنا کر ون ڈے ٹیم میں لانے کی تجویز سامنے آگئی۔
اظہرکے ساتھ بھی ایسا ہی ہوا تھا، البتہ کوچ وقار یونس سے سینئر بیٹسمین کے مراسم زیادہ خوشگوار نہیں، یہ بات ان کیخلاف جا سکتی ہے، بعض حلقوں کے خیال میں شعیب ملک بھی اس ذمہ داری کے اہل ہیں، ان کیلیے کوچنگ پینل اور ریگولر قائد بھی نرم گوشہ رکھتے ہیں۔
اسی طرح احمد شہزاد حالیہ کچھ دنوں میں بعض بورڈ آفیشلز کے خاصے قریب نظر آئے، محمد حفیظ بھی تجربہ کار پلیئر ہیں مگر بولنگ پر پابندی نے ٹیم میں پوزیشن کو دھچکا پہنچایا ہے، اس حوالے سے چیف سلیکٹر ہارون رشید نے کہا کہ حج کا فریضہ انجام دینے کے فوراً بعد اظہر علی اور سرفراز احمد کیلیے زمبابوے میں قومی ٹیم کی نمائندگی کرنا شاید ممکن نہ ہو، البتہ نئے کپتان کا تقرر ہمارا دائرہ اختیار نہیں، چیئرمین بورڈ ہی کوئی فیصلہ کرینگے۔
شہریارخان کا کہنا ہے کہ سلیکشن کمیٹی نے اگر ہمیں بعض پلیئرز کے آرام کرنے کا بتایا تو ہی وقت آنے پر متبادل پر غور ہوگا۔تفصیلات کے مطابق قومی کرکٹ ٹیم 24 ستمبر کو ہرارے پہنچ کر زمبابوے کیخلاف2 ٹی ٹوئنٹی اور 3 ون ڈے میچز پر مشتمل سیریز میں حصہ لے گی، مختصر طرز میں قیادت شاہد آفریدی کے پاس ہے جو ون ڈے سے ریٹائر ہو چکے، ریگولر قائد اظہر علی اور ان کے نائب سرفراز احمد حج کی ادائیگی کیلیے سعودی عرب جا رہے ہیں۔
ایسے میں بورڈ کو نئے کپتان کا تقرر کرنا پڑیگا، اس حوالے سے ایک تجویز یونس خان کو براہ راست قیادت سونپ کر ٹیم میں لانے کی سامنے آئی ہے، وہ ورلڈکپ میں مایوس کن پرفارمنس کے بعد ایک بار پھر ون ڈے اسکواڈ سے باہر ہو گئے تھے، حالیہ کچھ عرصے میں سینئر بیٹسمین کئی مرتبہ ایک روزہ کرکٹ کھیلنے اور قیادت کی خواہش کا اظہار کر چکے حالانکہ ماضی میں انھوں نے ازخود اس ذمہ داری کو ٹھکرایا ہے۔
ذرائع کے مطابق سلیکٹرز اور بعض بورڈ آفیشلز بھی ان کیلیے نرم گوشہ رکھتے ہیں، قومی ٹی ٹوئنٹی ایونٹ میں بھی یونس نے بہتر پرفارم کیا ہے، البتہ کوچ وقار یونس سے ان کے مراسم آئیڈیل نہیں ہیں، سری لنکا سے واپسی پر ایک انٹرویو میں یونس نے یہ بھی کہا تھا کہ ’’اگر میں سنچری نہ بناتا تو ٹیسٹ ٹیم سے بھی ڈراپ کر دیا جاتا‘‘، جواب میں وقار یونس نے سختی سے اس تاثر کو غلط قرار دیا تھا، ’’شارٹ ٹیمپر‘‘ ہونا بھی یونس کے خلاف جاتا ہے۔
دوسری جانب شعیب ملک کے نام پر بھی غور جاری ہے، قومی ٹیم میں واپسی کے بعد سے انھوں نے عمدہ کارکردگی کا مظاہرہ کیا، انھیں اظہر علی اور کوچنگ اسٹاف کی سپورٹ بھی حاصل ہے، البتہ بورڈ کے بعض حلقے انھیں کپتان بنانا نہیں چاہتے۔ اسی طرح احمد شہزاد ان دنوں پی سی بی کے ایک اعلیٰ آفیشل کے خاصے قریب نظر آ رہے ہیں، محمد حفیظ کو کپتانی کا تجربہ حاصل مگر مشکوک ایکشن کے سبب بولنگ پر پابندی نے ٹیم میں ان کی پوزیشن کو خاصا دھچکا لگایا ہے۔ اس حوالے سے جب نمائندہ ’’ایکسپریس‘‘ نے چیف سلیکٹر ہارون رشید سے رابطہ کیا تو انھوں نے تصدیق کی کہ اظہر علی اور سرفراز احمد کے زمبابوے جانے کا امکان انتہائی کم ہے۔
سابق ٹیسٹ بیٹسمین نے کہا کہ حج کی ادائیگی کے بعد دونوں کرکٹرز ممکنہ طور پر 28 یا 29 ستمبر کو واپس آئیں گے، پہلا ون ڈے یکم اکتوبر کو ہونا ہے، ایسے میں انھیں فوراً زمبابوے بھیجنا درست نہ ہو گا، وہ پریکٹس میں بھی نہیں ہوں گے، انگلینڈ سے اہم سیریز قریب ہے ایسے میں خطرہ مول لینا درست نہیں، نئے کپتان کے حوالے سے سوال پر ہارون رشید نے کہا کہ یہ کام سلیکٹرز کے دائرہ اختیارمیں نہیں آتا، چیئرمین پی سی بی ہی کوئی فیصلہ کریں گے۔
یونس خان کی ٹیم میں واپسی کے حوالے سے انھوں نے کہا کہ ابھی ہم ٹی ٹوئنٹی ایونٹ میں کھلاڑیوں کی کارکردگی کا جائزہ لے رہے ہیں اسکواڈ پر رسمی تبادلہ خیال نہیں ہوا،انھوں نے یونس سے ملاقات کی تصدیق کرتے ہوئے کہا کہ سب ہی کھلاڑیوں سے بات چیت کا سلسلہ جاری رہتا ہے اس میں کوئی غیرمعمولی بات نہیں۔ دوسری جانب نمائندہ ’’ایکسپریس‘‘ کے رابطہ کرنے پر چیئرمین بورڈ شہریارخان نے کہا کہ جب سلیکشن کمیٹی ہمیں کپتان و نائب کے آرام کرنے کا باضابطہ طورپربتائے گی تب ہی وقت آنے پر متبادل کا فیصلہ کیا جائے گا۔

Pakistan Cricket

Thursday, September 10, 2015

Pakistan Super League ..

Pakistan Super League

Super League, had weakened the building, taking strong pillar

Super League, had weakened the building, taking strong pillar
لاہور: سپرلیگ کی کمزور عمارت کو سنبھالنے کیلیے پی سی بی کو مضبوط ستون مل گئے،وسیم اکرم اور رمیزراجہ نے برانڈ ایمبیسیڈر بننے پر حامی بھر لی، گذشتہ روز دونوں نے  نجم سیٹھی کے ہمراہ پریس کانفرنس سے بھی خطاب کیا،  سابق آل راؤنڈر نے کہاکہ فی الحال ایک چھوٹا سا آغاز ہے۔
آئندہ ایڈیشنز کے ملک میں انعقاد کیلیے غیر ملکی کھلاڑیوں کا اعتماد حاصل کرنے کی کوشش کرینگے،اسے ایک کامیاب پراڈکٹ بناکر بتدریج پاکستان میں لایا جائیگا۔سابق اوپنر نے کہاکہ70کے قریب کرکٹرز کو مالی فائدہ اورایسا تجربہ حاصل ہوگا جس کا کوئی نعم البدل نہیں ہے۔
تفصیلات کے مطابق وسیم اکرم اور رمیزراجہ کو پاکستان سپر لیگ کا برانڈ ایمبیسیڈر مقرر کرنے کا باضابطہ اعلان کردیا گیا، بعدازاں پی سی بی کی ایگزیکٹیو کمیٹی کے چیئرمین نجم سیٹھی نے قذافی اسٹیڈیم لاہور میں دونوں سابق کرکٹرز کے ہمراہ پریس کانفرنس سے بھی خطاب کیا، انھوں نے بتایا کہ پی ایس ایل کا منصوبہ ایک قدم مزید آگے بڑھ رہا ہے۔
دونوں سابق کپتان شاندار کیریئر کے ساتھ کوچنگ اور کمنٹری کی بدولت بھی کھیل سے وابستہ رہے ہیں، یہ تجربہ اولین لیگ کیلیے بڑا کارآمد ثابت ہوگا،ان کی سپورٹ اور ہدایات کے ساتھ معاملات تیزی سے آگے بڑھیں گے۔
انھوں نے کہاکہ پی ایس ایل خواب نہیں بلکہ عملی شکل اختیار کرنے جا رہی ہے، 20ستمبر کو لوگو کی تقریب رونمائی ہوگی، اگلے 2،3 روز میں نشریات سمیت مختلف حقوق کی فروخت کیلیے اشتہار بھی آنا شروع ہوجائینگے، نجم سیٹھی نے کہا کہ ایونٹ میں7،8ممالک کے کھلاڑی آئینگے، ابتدائی طور پر مقابلے بیرون ملک ہورہے ہیں تاہم بعد میں پاکستان میں انعقاد کرنے کی کوشش کرینگے،لیگ کی ہر ٹیم میں 2 ایمرجنگ پلیئرز شامل ہونگے۔
اس موقع پر وسیم اکرم نے کہا کہ اگر ہمیں سفیر نہ بھی بنایا جاتا تو پاکستانی ہونے کے ناطے پی ایس ایل کو کامیاب بنانے کیلیے اپنا کردار ادا کرتے، ایونٹ کا انعقاد ملکی کرکٹ کیلیے بہت ضروری ہے، اس سے نہ صرف پاکستان کا تاثر بہتر ہوگا بلکہ کرکٹرز و کوچز کو مالی استحکام اور غیر ملکی پلیئرزکے ساتھ کھیلنے سے تجربہ حاصل ہوگا، کم بجٹ کے باوجود بڑے کھلاڑیوں کو بلانے اور ایونٹ کی کامیابی کے امکانات کے حوالے سے سوال پر انھوں نے کہا کہ فی الحال یہ آئی پی ایل جیسا بڑا ٹورنامنٹ تو نہیں ہوگا تاہم کئی نامور کرکٹرز نے شرکت پر رضا مندی کا اظہار کیا ہے۔
ان میں لسیتھ مالنگا اور انجیلو میتھیوز بھی شامل ہیں، انھوں نے کہاکہ فی الحال ایک چھوٹا سا آغاز ہے، کامیاب ایونٹ سے آئندہ ایڈیشنز کیلیے غیر ملکی کھلاڑیوں کا اعتماد بھی حاصل کرنے کی کوشش کرینگے، پی ایس ایل ایک طویل مدت پلان ہے،اس بار مقابلے قطر میں ہونگے، اسے کامیاب پراڈکٹ بناکر بتدریج پاکستان میں لایا جائے گا۔
وسیم اکرم نے کہاکہ آئی پی ایل کو شروع ہوئے کئی سال ہوگئے، اس ایونٹ سے بھارتی کھلاڑیوں کو بے پناہ فائدہ ہوا،کئی پلیئرز ملک کی نمائندگی کا اعزاز حاصل کرنے میں کامیاب ہوئے، پاکستانی کرکٹرز کو بھی اعتماد کی دولت حاصل اورکئی نئے کھلاڑی سامنے آئینگے، قومی ٹیم کو جو نیا ٹیلنٹ 2سال کے بعد ملتا تھا وہ پی ایس ایل کے انعقاد سے ہرسال حاصل ہوگا، نئے کھلاڑی سلیکٹر ز کی نظروں میں آئینگے۔ رمیز راجہ نے کہاکہ اس نوعیت کا ایونٹ کرانے کیلیے زبردست انتظامی صلاحیتوں کی ضرورت ہوتی، پی ایس ایل کی بدولت پاکستان کرکٹ پر اعتماد میں اضافہ ہوگا۔
نیا تجربہ ہونے کی وجہ سے اسے بھرپور سپورٹ کی ضرورت ہوگی، میرے لیے خوشی کی بات ہے کہ ملکی پراڈکٹ کی کامیابی کیلیے کچھ کرنے کا موقع ملے گا،انھوں نے کہا کہ ہر ٹیم میں 2ابھرتے ہوئے کھلاڑی بھی شامل ہوں گے جنھیں صلاحیتوں میں نکھار لاتے ہوئے آگے نکلنے کا چانس مل سکتا ہے۔
انھوں نے کہا کہ بڑے کرکٹرز کیساتھ پریکٹس، ڈریسنگ روم اور میدان میں حکمت عملی میں شراکت سے بہت کچھ سیکھنے کا موقع اور اعتماد ملے گا،کوچنگ اسٹاف کی بھی بہتر ٹریننگ ہوگی،اکثر ڈومیسٹک کرکٹ میں پیسہ نہ ہونے کا شکوہ کیا جاتا ہے،کنٹریکٹ صرف 20یا 25 کھلاڑیوں کو ملتے ہیں، پی ایس ایل سے 70کے قریب کھلاڑیوںکو مالی فائدہ اورایسا تجربہ حاصل ہوگا جس کا کوئی نعم البدل نہیں۔

Pakistan Super League

Trophy slipped from the hands of Pakistan ..

Disabled Cricket

Trophy slipped from the hands of Pakistan

Trophy slipped from the hands of Pakistan
کراچی: 5 قومی ڈس ایبلڈ ٹی ٹوئنٹی کرکٹ ٹورنامنٹ میں ٹرافی پاکستان کے ہاتھ سے پھسل گئی،تجربہ کار انگلینڈ نے19 رنز سے شکست دے کر چیمپئن بننے کا اعزاز حاصل کرلیا۔
موصولہ اطلاعات کے مطابق بنگلہ دیش کے شہر ڈھاکا میں اپنی نوعیت کے پہلے انٹرنیشنل ٹورنامنٹ کا گذشتہ روز اختتام ہو گیا، فائنل میں دلچسپ مقابلہ دیکھنے میں آٰیا، انگلش ٹیم نے اپنے تجربے کی بدولت کامیابی کو گلے لگالیا جبکہ جارحانہ حکمت عملی اختیار کرنے والی پاکستانی سائیڈکو رنر اپ ٹرافی پر اکتفا کرنا پڑا، بی کے ایس پی گرائونڈ 3 پر انگلینڈ نے ٹاس جیت کر مقررہ 20 اوورز میں 4 وکٹیں گنوا کر 175 رنز کا پہاڑ کھڑا کردیا، کیلم فلائن نے 8 چوکوں کی مدد سے 29 گیندوں پر 45 رنز کی ناقابل شکست اننگز کھیلی، گورڈن لیڈلا نے31بالزکا سامنا کرتے ہوئے40 رنز بنائے،اس میں6 چوکے شامل تھے۔
الیکس ہیمنڈ نے28 گیندوں پر 30 رنز کا اضافہ کیا، جہاں زیب ٹوانہ، فیاض احمد اور عبداللہ اعجاز کو 1،1 وکٹ ملی۔ برق رفتار انداز اپنانے والی پاکستانی ٹیم ہدف کے تعاقب میں 156 رنز جوڑسکی، ریحان غنی 25 گیندوں پر ایک چوکے اور ایک بلند و بالا چھکے کی مدد سے36 رنز بناکر ٹاپ اسکوررر ہے، کپتان میجر(ر) حسنین عالم نے جارحانہ انداز میں 14 گیندوں پر26رنز اسکور کیے، انھوں نے 5 مرتبہ گیند کو بائونڈری کے پار پہنچایا، نہار عالم نے 25 گیندوں پر 26 رنز کی اننگز کھیلی، پاکستان کو شکست کی جانب دھکیلنے والے اسپنرفریڈ برج 4 اوورز میں 24 رنز کے عوض 4 کھلاڑیوں کو میدان بدر کرکے مین آف دی فائنل رہے۔
کیلم فلائن ٹورنامنٹ کے بہترین بیٹسمین اور بیسٹ پلیئر بھی قرار پائے، پاکستان کے فیاض احمد نے سب سے اچھے بولر کا اعزاز اپنے نام کیا، انگلینڈ کے کپتان آئی نائر نے وننگ اور پاکستانی کپتان نے رنر اپ ٹرافی وصول کی، تقریب میں ایشیائی ریجن کے لیے آئی سی سی کے ڈیولپمنٹ افسر اور سابق بنگلہ دیشی کپتان امین الاسلام، انٹرنیشنل ریڈ کراس کمیٹی کی کرسٹین سیپولا،بنگلہ دیشی کرکٹ بورڈ کے بریگیڈیئر جنرل علی مرتضیٰ خان و دیگر شریک ہوئے، پاکستانی ٹیم کے منیجر اورڈس ایبلڈ کرکٹ ایسوسی ایشن کے اعزازی سیکریٹری امیر الدین انصاری نے مہمانوں کو روایتی سندھی اجرک پیش کی۔

Cricket

I can leave everything to Pakistan, Wasim Akram ..

Wasim Akram

I can leave everything to Pakistan, Wasim Akram

I can leave everything to Pakistan, Wasim Akram
لاہور: پاکستان کرکٹ ٹیم کے سابق کپتان وسیم اکرم نے کہا ہے کہ ان کی اولین ترجیح پاکستان ہے جس کے لیے وہ سب کچھ چھوڑ سکتے ہیں۔
قذافی اسٹیڈیم لاہور میں میڈیا سے بات کرت ہوئے وسیم اکرم نے کہا کہ پاکستان سپر لیگ کے انعقاد سے قومی کرکٹرز میں مثبت تبدیلیاں آئیں گی اور فوری طور پر اس کا موازنہ انڈین پریمیئر لیگ سے کرنا درست نہیں کیونکہ آئی پی ایل شروع ہوئے 8 برس ہوچکے ہیں جب کہ پی ایس ایل ابھی کا ابھی آغاز ہے، پاکستان سپر لیگ جیسے جیسے آگے بڑھےگی اس میں کرکٹ کے بڑے نام نظر آئیں گے اور اب بھی اس میں اینجیلو میتھیوز اور لیستھ ملینگا جیسے اہم کھلاڑیوں نے کھیلنے میں دلچسپی ظاہر کی ہے۔
سابق کپتان کا کہنا تھا کہ انہوں نے متحدہ عرب امارات میں ہونے والی ماسٹر لیگ سے معاہدہ ضرور کیا ہے تاہم میں پاکستانی کرکٹ کے لئے سب کچھ چھوڑ سکتا ہوں کیونکہ میرا مقصد پیسہ کمانا نہیں بلکہ اپنی خدمات قوم کو فراہم کرنا ہے، اور میری اولین ترجیح اپنے ملک کی مدد کرنا ہے۔
واضح رہے کہ پی سی بی نے سابق ٹیسٹ کرکٹرز رمیز راجہ اور وسیم اکرم کو پاکستان سپر لیگ کا ایمبیسڈرز مقرر کیا ہے۔ پاکستان کرکٹ بورڈ نے یہ سپر لیگ آئندہ سال قطر کے شہر دوحا میں منعقد کروانے کا اعلان کیا ہے جس میں امید کی جارہی ہے کہ غیر ملکی کرکٹرز کی بڑی تعداد اس لیگ میں شرکت کرے گی۔

Younis Khan made the second Fifity ..

Younis Khan

Younis Khan off the bat in the flood, The second Fifty

Younis Khan off the bat in the flood, The second Fifty
اسلام آباد / لاہور: قومی ٹی 20 کرکٹ ٹورنامنٹ میں ایبٹ آباد نے لاہور وائٹس کو83 رنز سے مات دے دی،یونس خان کے  بیٹ سے رنز کا  سیلاب جاری رہا اور انھوں نے مسلسل دوسری نصف سنچری بنائی، خالد عثمان نے5 وکٹیں لیں۔
سیالکوٹ نے سنسنی خیز مقابلے کے بعد حیدرآباد کو 4 رنز سے قابو کرلیا، بلال آصف نے ففٹی کے بعد3 شکار بھی کیے، شعیب ملک 52رنز کی عمدہ اننگز کھیلنے میں کامیاب رہے، ان فارم بیٹسمین فیصل مبشر نے بہاولپور کو کراچی وائٹس کیخلاف 42 رنز سے سرخرو کرایا۔ پشاور نے فیصل آباد کو 5 وکٹ سے مات دی،افتخار احمد نے 51رنز بنائے۔
اسپاٹ فکسنگ اسیکنڈل میں سزا یافتہ عامر نے راولپنڈی کی نمائندگی کرتے ہوئے 3 وکٹیں اپنے نام کیں۔ تفصیلات کے مطابق راولپنڈی اسٹیڈیم میں ایبٹ آباد نے اسٹار کھلاڑیوں پر مشتمل لاہور وائٹس کو83 سے مات دیدی، فاتح سائیڈ نے تجربہ کار بیٹسمین یونس خان کے 39 گیندوں پر 61 اور یاسر حمید کے67 رنز کی بدولت 3 وکٹ پر198 رنزبنائے، محمد عرفان نے ایک پلیئر کو آؤٹ کیا، وہاب ریاض 39 رنز کی پٹائی برداشت کرنے کے باوجود وکٹ سے محروم رہے، جواب میں لاہور وائٹس کے بیٹسمین 16 اوورز میں 115 پر ڈھیر ہوگئے، محمد حفیظ31، سعد نسیم 19 اور احمد شہزاد 16 رنز بنا سکے۔
عمر اکمل 10 اور کپتان اظہر علی 5 رنز کے مہمان بنے، خالد عثمان نے آدھی ٹیم پر ہاتھ صاف کیا۔ ڈائمنڈ گراؤنڈ اسلام آباد میں سیالکوٹ نے حیدر آباد کو4 رنز سے زیر کیا، فاتح ٹیم نے7 وکٹ پر 163 رنز بنائے، کراچی وائٹس کیخلاف 123 رنز کی ریکارڈ ساز اننگز کھیلنے والے مختار احمد کھاتہ بھی نہ کھول سکے، بلال آصف نے53 اور شعیب ملک نے52 رنز کی اننگز کھیلی۔حیدر آباد کی ٹیم مقررہ اوورز میں 9 وکٹ پر 159رنز تک محدود رہی، مین آف دی میچ بلال آصف نے 3 وکٹیں لیں۔
ڈائمنڈ گراؤنڈ میں بہاولپور نے کراچی وائٹس کو 42 رنز سے مات دی، کامیاب سائیڈ 4 وکٹ پر 174 اسکور کرنے میں کامیاب رہی،فیصل مبشر نے ناٹ آؤٹ 56 اور معین الدین نے58 سکور کیے، کراچی وائٹس کی ٹیم 132 پر میدان بدر ہوگئی، شہریارغنی 32رنز کے ساتھ نمایاں رہے۔
چوتھے میچ میں پنڈی اسٹیڈیم میں پشاور نے فیصل آباد کو 5 وکٹ سے ہرایا۔ مصباح الیون نے کپتان کے 38 رنز کی بدولت 133رنز اسکور کیے،عمران خان جونیئر نے 4 وکٹیں اڑائیں۔ پشاور نے ہدف 7 گیندیں قبل ہی حاصل کرلیا، 51 رنز بنانے والے افتخار احمد آخری دم تک ڈٹے رہے۔ قبل ازیں منگل کی شب آخری میچ میں راولپنڈی نے بہاولپور کو 3 وکٹ سے قابو کیا، فاتح ٹیم کے ناصر جمشید نے ففٹی جڑی، محمد عامر نے 3 وکٹیں لیں۔

Younis Khan

Cricket

Wednesday, September 9, 2015

India cricket team can survive without,, Shahryar Khan ..

Pakistan Cricket Board (PCB)

India cricket team can survive without

India cricket team can survive without
لاہور: پاکستان کرکٹ بورڈ کے چیرمین شہریار خان نے کہا ہے کہ بھارت سے کھیلنے کے لیے اس کے پیچھے بھاگے نہیں جارہے اور اس سے کھیلے بغیر بھی زندہ رہ سکتے ہیں۔
غیر ملکی خبر رساں ادارے سے گفتگو کرتے ہوئے چیرمین پی سی بی شہریار خان کا کہنا تھا کہ گزشتہ چند سالوں میں بھارت نے پاکستان سے کرکٹ نہیں کھیلی اور اگر بھارت نے دسمبر میں متحدہ عرب امارات میں طے شدہ سیریز نہیں کھیلی تو بھی ہم گزارا کرلیں گے،ہمیں اس بات کی فکر نہیں کہ بھارت ہم سے نہیں کھیل رہا تاہم بھارتی کرکٹ بورڈ کو چاہیئے کہ وہ معاہدے کی پاسداری کرے اور مستقبل میں دو طرفہ سیریز کیلئے بہتری لائے۔
شہریار خان نے کہا کہ موجودہ حالات میں دونوں ممالک کے درمیان کرکٹ سیریز کے امکانات بہت کم ہیں تاہم ابھی بی سی سی آئی نے تحریری طور پر سیریز کھیلنے سے انکار نہیں کیا، انہیں بھارتی حکومت کی اجازت کا انتظار ہے۔ انہوں نے کہا ہمیں علم ہے کہ بھارتی بورڈ معاشی طور پر مضبوط ہے اور ہم مشکل حالات سے گزر رہے ہیں لیکن اس کا مطلب یہ نہیں کہ ہم ان سے کھیلے بغیر زندہ نہیں رہ سکتے، ہمارا مطالبہ یہ ہے کہ کھیل کو سیاست سے الگ رکھا جائے اور دونوں کو ایک ساتھ ملایا جائے۔
واضح رہے کہ پاکستان اور بھارت کے درمیان 2018 سے 2023 تک دوطرفہ 8 سیریز پر دستخط ہو چکے ہیں جن میں سے پاکستان نے دسمبر میں متحدہ عرب امارات میں سیریز کی میزبانی کرنی ہے تاہم بھارت معاہدے کی پاسداری نہیں کررہا اور سیریز کا انعقاد مشکل نظر آتا ہے۔

PCB

PAKISTAN vs INDIA Cricket Series

Pakistan vs Bangladesh Cricket Series ..

Bangladeshi Delegation Visits Pakistan

Bangladesh delegation expressed satisfaction over security in Pakistan

Bangladesh delegation expressed satisfaction over security in Pakistan
لاہور: بنگلہ دیشی وفد نے پاکستان میں سیکیورٹی پر اطمینان کا اظہار کر دیا، ارکان صورتحال سے  بی سی بی کو آگاہ کریں گے، ویمنز ٹیم کو بھجوانے کا حتمی فیصلہ دونوں بورڈز کی بات چیت کے بعد ہوگا۔
تفصیلات کے مطابق بنگلہ دیش کے سیکیورٹی وفد نے گذشتہ روز لاہور میں قذافی اسٹیڈیم، نیشنل کرکٹ اکیڈمی اور پنجاب اسپورٹس بورڈ کا دورہ کیا، بی سی بی کے ہیڈ آف سیکیورٹی حسین امام، ہائی کمیشن کے سیکیورٹی مشیر مرزا عزیز الرحمان، لیفٹیننٹ کرنل رفیق الاسلام، ڈی آئی جی مظہر الاسلام اور ڈی آئی جی مصباح الدین  نے انتظامات پر اطمینان کا اظہار کیا۔ پی سی بی کے چیف آپریٹنگ آفیسر سبحان احمد، ڈائریکٹر کرکٹ آپریشنز انتخاب عالم اور دیگر عہدیداروں نے مہمانوں کو اسٹیڈیم میں سیکیورٹی سسٹم کے بارے میں بریفنگ دی، انھیں این سی اے میں رہائشی و دیگر سہولیات کے بارے میں بھی آگاہ کیا گیا۔
بعد ازاں وفد کے ارکان پنجاب اسپورٹس بورڈ گئے جہاں پر ڈی جی عثمان انور نے کنٹرول اینڈ کمانڈ سسٹم، سی سی ٹی وی کیمروں اور دیگر حفاظتی اقدامات کے بارے میں بتایا۔ اس موقع پر میڈیا سے بات چیت کرتے ہوئے وفد کے سربراہ حسین امام نے کنٹرول روم کو جدید اور مکمل قرار دیتے ہوئے کہا کہ یہ سہولت سیکیورٹی کیلیے مددگار ثابت ہوگی۔
انھوں نے کہا کہ نشتر پارک اسپورٹس کمپلیکس میں حفاظتی انتظامات فول پروف ہیں،اپنی رپورٹ میں بی سی بی کو مجموعی صورتحال سے آگاہ کرینگے، ٹیم کو بھجوانے کا حتمی فیصلہ دونوں بورڈز کی بات چیت کے بعد  ہوگا۔یاد رہے کہ کراچی کا دورہ مکمل کرکے لاہور آنے والے وفد کو اس سے قبل پیر کو ہوم سیکریٹری پنجاب، سی سی پی او لاہور اور ڈی آئی جی آپریشنز نے بھی بریفنگ دی تھی۔سیکیورٹی کلیئرنس ملنے پر بنگلہ دیشی ویمنز ٹیم  27 ستمبر سے 8 اکتوبر تک لاہور اور کراچی میں 2ون ڈے اور 3 ٹی ٹوئنٹی میچزکھیلنے کیلیے آئے گی۔

PAK vs BAN

Mukhtar Ahmed set a new domestic record ..

Mukhtar Ahmed

Mukhtar Ahmed, National Cricket tournament set a new domestic record

Mukhtar Ahmed New Domestic Record
اسلام آباد: سیالکوٹ کے کھلاڑی مختار احمد نے قومی ٹی ٹوئنٹی ٹورنامنٹ میں سب سے بڑی اننگز کھیلنے کا نیا ڈومیسٹک ریکارڈ قائم کردیا۔
قومی ٹی ٹوئنٹی کے اوپننگ بیٹسمین مختار احمد نے سیالکوٹ کی جانب سے کھیلتے ہوئے ڈومیسٹک ٹی ٹوئنٹی ٹورنامنٹ میں سب سے بڑی اننگز کا نیا ڈومیسٹک ریکارڈ قائم کردیا۔ مختار احمد نے کراچی وائٹس کے خلاف 67 گیندوں پر 123 رنز کی شاندار اننگز کھیلی جس میں 3 چھکے اور 18 چوکے شامل تھے۔
واضح رہے ڈومیسٹک ٹی ٹوئنٹی کی سب سے بڑی اننگز کھیلنے کا ریکارڈ اس سے قابل لاہور کے عمران فرحت کے پاس تھا۔

Domestic Cricket

Imad Wasim ..

Immad Wasim

While on board the debris typist Imad Wasim was given the contract
While on board the debris typist Imad Wasim was given the contract
لاہور: عماد وسیم غلطی سے سینٹرل کنٹریکٹ  فہرست میں شامل نہ ہوپائے، پی سی بی نے ملبہ ٹائپسٹ پر گراتے ہوئے ڈی کیٹیگری عنایت کردی۔
عماد وسیم نے دورئہ سری لنکا میں دوسرے ٹی ٹوئنٹی میں ناقابل شکست 24رنز کی اننگز کے دوران آخری اوور میں چھکا لگاکر پاکستان کو ایک وکٹ سے ڈرامائی فتح دلائی تھی،یاد رہے کہ بورڈ نے اتوار کو 27 کرکٹرز کو سینٹرل کنٹریکٹ دینے کا اعلان کیا تھا۔
چیف سلیکٹر ہارون رشید کا کہنا ہے کہ عماد وسیم کا نام تیار کردہ فہرست میں موجود تھا لیکن ٹائپنگ کرتے ہوئے درج نہ ہوپایا، اب اس غلطی کو سدھارا جارہا ہے۔ڈی کیٹیگری میں قبل ازیں بابر اعظم، سمیع اسلم، صہیب مقصود، عمرامین اور ذوالفقار بابر کے نام موجود ہیں۔

Cricket

Monday, September 7, 2015

Oldest Cricket Ball ..

World's Oldest Cricket Ball

Discover the world's oldest cricket ball, was used in 1760

Discover the world's oldest cricket ball, was used in 1760
ندن: دنیا کی قدیم ترین کرکٹ گیند سسیکس کرکٹ میوزیم میں موجود ہے، اس کی سلائیاں تقریباً ختم ہوچکیں جبکہ چمڑا بھی کئی جگہ سے اکھڑچکا ہے۔
یہ گیند سائوتھ اسٹریٹ میں واقع لیواس کے علاقے میں ایک گھر کی تزئین وآرائش کے دوران دریافت ہوئی، اس کے ہمراہ تین سنگل جوتے بھی پائے گئے ہیں، یہ گیند ان کے ساتھ رکھی گئی تھی، غالب امکان ہے کہ یہ جوتے 1760 اور 1770میں استعمال ہوئے لہذا یہ گیند بھی اسی دور کی تصور کی جارہی ہے، کرکٹ مورخ نکولس شارپ کے مطابق ابھی تک ہمارے سامنے اس سے پرانی کوئی چیز نہیں آئی ہے۔

Shahid Afridi New Record ..

Boom Boom Afridi

Afridi was overturned a few balls on the record

Afridi was overturned a few balls on the record
یہ بات ہے 31 جنوری 2015 کی جب پاکستان کے آل راؤنڈر شاہد آفریدی نے نیوزی لینڈ کے خلاف چند گیندوں پر ہی ریکارڈ بک الٹ پلٹ دی اور اپنی بہترین پرفارمنس کی بدولت انہوں نے تیز ترین رنز بنانے والے ٹاپ 5 بیٹسمینوں میں اپنا نام دوسری مرتبہ درج کرایا۔
رواں سال جنوری میں شاہد آفریدی نے نیوزی لینڈ کے خلاف 67 رنز 231.03 کے اسٹرائیک ریٹ سے بنائے، یہ ون ڈے اننگز میں کسی بھی آٹھویں نمبر پر بیٹنگ کرنے والے پلیئرز میں دوسرا بڑا اسٹرئیک ریٹ ہے۔ اس فہرست کے ٹاپ 5 بیٹسمینوں میں شاہد آفریدی کا نام 3 مرتبہ شامل ہے۔ حالیہ اننگز میں آفریدی اور دیگر بیٹسمینوں کی اننگز کے اسٹرائیک ریٹ میں 177.97 کا فرق نظر آیا جو کسی بھی ون ڈے اننگز میں چوتھا بڑا فرق رہا۔ ابراہم ڈی ویلیئرز اس فہرست میں ٹاپ پر ہیں جنھوں نے ویسٹ انڈیز کے خلاف 44 بالز پر 149 رنز اسکور کیے تھے۔ اس وقت اسٹرائیک ریٹ میں فرق 229.29 تھا، یہ واحد موقع بنا جب کسی بیٹسمین نے اپنے ساتھی کھلاڑیوں سے 200 فیصد زیادہ تیز رفتاری سے بیٹنگ کی تھی۔
مصباح الحق نے اس میچ میں اپنی 38 ویں ایک روزہ ففٹی مکمل کی تھی لیکن وہ اس طرز میں سنچری کا ذائقہ نہیں چکھ پائے تاہم بغیر تھری فیگراننگز کے سب سے زیادہ ففٹیز اسکور کرنے کا ریکارڈ ان کے ہی نام ہے جب کہ اس سے قبل 6 ون ڈے میچوں میں پاکستان کے اوپننگ اسٹینڈ کی اوسط 13.33 رہی تھی اور وہ تمام میچز نیوزی لینڈ کے خلاف ہی کھیلے گئے تھے۔

Matthew Wade ..

Australia's Wicketkeeper

Australia's wicketkeeper Matthew Wade reacts as England's Ben Stokes plays a shot during the second one day international (ODI) cricket match between England and Australia at Lord´s cricket ground in London, on September 5, 2015.

Matthew Wade

Sunday, September 6, 2015

Pakistan Super League ..

Pakistan Super League

Pakistan Super League players will be auctioned

لاہور: پاکستان سپر لیگ میں کرکٹرز نیلامی کے بجائے امریکی فٹبال لیگ کی طرز پر فروخت کیے جائیں گے۔
تفصیلات کے مطابق پی سی بی اپنی سپر لیگ کے اولین ایڈیشن کا انعقاد آئندہ سال فروری میں کروانے کے لئے کوشاں ہے جس کے لئے غیر ملکی کرکٹرز سے رابطوں کا آغاز ہوچکا، چند کی جانب سے مثبت جواب ملنے پر ان کو معاہدوں کے مسودے بھی ارسال کیے جاچکے، ایونٹ میں مجموعی طور پر 25انٹرنیشنل کھلاڑیوں کو شامل کرنے کی توقع ظاہر کی جارہی ہے، معاملات ابھی ابتدائی مراحل میں ہیں، تاہم دستیاب کرکٹرز کی فہرست مکمل ہوجانے کے بعد اگلا مرحلہ یہ ہوگا کہ 5 فرنچائز ٹیموں کے مالکان کن کھلاڑیوں کو اپنے اسکواڈز کا حصہ بنانے میں کامیاب ہوتے ہیں۔
’’ایکسپریس ٹریبیون‘‘ کی رپورٹ کے مطابق انڈین پریمیئر لیگ کے برعکس کھلاڑیوں کی نیلامی نہیں ہوگی بلکہ امریکی نیشنل فٹبال لیگ میں 1936سے رائج ڈرافٹ سسٹم کا طریقہ کار اپنایا جائے گا، کرکٹرز کو 5کیٹیگریز پلاٹینم، ڈائمنڈ،گولڈ، سلور اور ایمرجنگ میں تقسیم کرکے ڈراز کے ذریعے فیصلہ کیا جائے گا کہ کون کس کے حصے میں آتا ہے، اسکواڈ میں ہر کیٹیگری سے مخصوص تعداد شامل کرنے کی اجازت ہوگی، یعنی یہ پہلے سے ہی طے کردیا جائے گاکہ ایک ٹیم میں پلاٹینم، ڈائمنڈ یا دیگر کیٹیگری کے زیادہ سے زیادہ کتنے کھلاڑی شامل کیے جاسکتے ہیں، اس پلان سے ایک تو اسٹار کرکٹرز کی نمائندگی متناسب رہنے سے اسکواڈ متوازن رکھنے میں مدد ملے گی، دوسرے اوپن نیلامی میں کھلاڑیوں کی قیمتیں فرنچائزز کے مجموعی اخراجات کو مخصوص حد سے زیادہ کرسکتی ہیں۔
ذرائع کے مطابق پی ایس ایل میں اظہار دلچسپی کرنے والی فرنچائزز کو بتایا گیا ہے کہ اولین ایڈیشن میں کھلاڑیوں اور کوچنگ اسٹاف پر مجموعی طور پر ایک ملین ڈالر سے زیادہ لاگت نہیں آئے گی۔ مزید معلوم ہوا ہے کہ سرمایہ کاری کرنے والوں کو نشریاتی اور اسپانسر شپ حقوق، ٹکٹوں اور شرٹس کی فروخت میں سے حصہ وصول کرنے کی پیشکش بھی کردی گئی۔
علاوہ ازیں ہر فرنچائز اپنے اسپانسرشپ حقوق اور شرٹ لوگو کی فروخت سے بھی آمدن حاصل کرنے کی مجاز ہوگی۔ آئیکون اور انٹرنیشنل کرکٹرز کے ساتھ ایمرجنگ کیٹیگری میں شامل پاکستانی نوجوان کھلاڑیوں کو بھی آمدن کا اچھا موقع ہاتھ آئے گا، کسی بھی فرنچائز کے لئے منتخب ہونے والے ہر ڈومیسٹک پلیئر کو 21 روزہ ایونٹ کے دوران 15 سے 20 ہزار ڈالر حاصل ہوسکتے ہیں۔
یاد رہے کہ اس سے قبل انتظامی معاملات کمزور ہونے پر بنگلہ دیش اور سری لنکن پریمیئر لیگز ناکام ثابت ہوچکی ہیں، پی سی بی ایگزیکٹیو کمیٹی کے سربراہ نجم سیٹھی اور تجربہ کار بینکر سلمان سرور بٹ کی قیادت میں جاری منصوبے کو کامیاب دیکھنے کے خواب دیکھا رہا ہے لیکن دیار غیر میں پی ایس ایل کا پہلی بار انعقاد جوئے شیر لانے سے کم نہیں، اخراجات کو کنٹرول میں رکھتے ہوئے ایونٹ کو بڑے ناموں سے مزئین کرنا اور اپنی پراڈکٹ کو فائدے کا سودا بنانا آسان نہیں ہوگا۔

Yuvraj Singh and Hazel Catches ..

Yuvraj Singh and Hazel Catches

Yuvraj Singh and English model Hazel catches were rumors of a relationship!

نئی دہلی: بھارتی آل راؤنڈر یوراج سنگھ کا نام انگلش اداکارہ اور ماڈل ہیزل کیچ کے ساتھ جوڑا جارہا ہے۔
میڈیا رپورٹس کے مطابق 33 سالہ کرکٹر اس مرتبہ غیرملکی اداکارہ کے ساتھ وقت گزارتے ہوئے پائے گئے ہیں، وہ ماضی میں کئی ملکی اداکاراؤں سے بھی قریب رہے ہیں، یوراج کو اس مرتبہ لندن میں عوامی مقامات پر انگلش اداکارہ ہیزل کے ہمراہ دیکھاگیا ہے، تاہم ابھی تک ان کی جانب سے اپنے تعلقات کی تصدیق نہیں کی گئی ہے، اگر یہ خبریں درست ہوئیں تو بھارتی کرکٹ کو نئی جوڑی مل جائے گی، جہاں ان سے قبل کوہلی کا انوشکا، ہربھجن سنگھ کا گیتا بسرا اور ظہیرخان کا ایشا شراوینی سے معاشقہ چل رہا ہے، ماضی میں یوراج کا نام اداکارہ کم شرما اور دیپکا پڈوکون کے ساتھ بھی لیاجاتا رہا ہے، ہیزل کی والدہ کا تعلق ماریطانیہ سے ہے جبکہ ان کے والد انگلینڈ کے ہیں، انھوں نے حال ہی میں بگ باس 7 میں حصہ لیا تھا۔

Wednesday, August 26, 2015

Pakistan Super League ..

Pakistan Super League

PCB announces to the Pakistan Super League in Qatar

PCB announces to the Pakistan Super League in Qatar
لاہور: پی سی بی نے پہلی پاکستان سپر لیگ آئندہ سال قطر کے دارالحکومت دوحا میں منعقد کروانے کا اعلان کردیا۔
پاکستان کرکٹ بورڈ کی ایگزیکٹو کمیٹی اور سپر لیگ کی گورننگ کونسل کے چیئرمین نجم سیٹھی نے قذافی اسٹیڈیم میں پریس کانفرنس کرتے ہوئے بتایا کہ ٹورنامنٹ آئندہ سال 4 سے 24 فروری تک قطر کے دارالحکومت دوحا میں ہوگا جس میں 5 ٹیمیں حصہ لیں گی اور اس دوران مجموعی طور پر 24 میچ کھیلے جائیں گے۔
نجم سیٹھی کا کہنا تھا کہ پاکستان سپر لیگ میں بھارت کے سوا دیگر تمام ممالک کے نامور کرکٹرز نے کھیلنے میں دلچسپی ظاہر کی ہے جن میں ویسٹ انڈیز کے 4، جنوبی افریقا اور سری لنکا کے 2، 2 ٹاپ کھلاڑی شامل ہیں جب کہ توقع ہے کہ انگلینڈ ،آسٹریلیا اور نیوزی لینڈ کے  کھلاڑی بھی ایونٹ میں شریک ہوں گے۔
سپر لیگ  کے پہلے ایڈیشن کی انعامی رقم 10 کروڑ روپے ہے  اور اس میں لاہور، کراچی، اسلام آباد ،پشاور اور کوئٹہ کی ٹیمیں شامل ہوں گی جب کہ تمام میچ دوحا کے اسٹیڈیم میں ہی کھیلیں جائیں گے۔ فرنچائز کے مالکان، براڈکاسٹرز اور اسپانسرز کی تفصیلات اگلے 3 ماہ میں طے کی جائیں گی جب کہ قطر کے حکام سے آئندہ 10 روز میں معاہدہ طے کرلیا جائے گا ۔
واضح رہے کہ پاکستان کرکٹ بورڈ آئی پی ایل کی طرز پر ٹی ٹوئنٹی لیگ کے انعقاد کے لیے کافی عرصے سے کوشش کررہا ہے لیکن ملک میں سیکیورٹی خدشات  اور مختلف وجوہات کے سبب یہ لیگ منعقد نہیں ہو سکی۔ پہلے یہ لیگ متحدہ عرب امارات میں ہونا تھی لیکن مقررہ تاریخ میں وہاں کے اسٹیڈیمز دستیاب نہیں تھے جس کی وجہ سے سپر لیگ کو قطر منتقل کرنا پڑا۔

Afridi advice to the board ..

PCB

Afridi advice to the board

PCB convicted players wisely decided to return

PCB convicted players wisely decided to return
کراچی: قومی ٹی ٹوئنٹی کرکٹ ٹیم کے کپتان شاہدآفریدی نے کہا ہے کہ پی سی بی کو محمد آصف، سلمان بٹ اور محمد عامر کے حوالے سے بہت سوچ سمجھ کر فیصلہ کرنا ہوگا، ایسا نہ ہو کہ جلد بازی میں فیصلے کا خمیازہ آنے والی نسلوں کو بھگتنا پڑے۔
انھوں نے ان خیالات کا اظہار کراچی میںمیڈیا سے گفتگو کرتے ہوئے کیا، شاہد آفریدی نے کہا کہ بورڈ کو تینوں کرکٹرز کے حوالے سے مربوط اور مثبت حکمت عملی اپنانا ہوگی۔
اسپاٹ اور میچ فکسنگ جیسی لعنت نے کرکٹ کے حسن کو مسخ کیا ہے، ایسا کرنے والوں کو سزا بھی اسی انداز کی ملنی چاہیے، جہاں تک آصف ،سلمان اور عامر کا تعلق ہے میں سمجھتا ہوں کہ ان کے بحالی پروگرام اور کرکٹ میں واپسی سے متعلق پی سی بی کو بہت سوچ سمجھ کر ایسی حکمت عملی بنانے کی ضرورت ہے جو مستقبل کے نوجوان کرکٹرز کیلیے معاون و مدد گار ہو۔
ساتھ ہی ان کرکٹرز کی میدان میں واپسی کے بعد دوبارہ پاکستان کرکٹ میں ایسی حرکت سرزد نہ ہو سکے، انھوں نے کہا کہ اس وقت اگر مثبت فیصلہ کرکے اس پر عملدرآمد بھی ہو جائے تو ٹھیک ہے ورنہ اس کے اثرات آئندہ نسلوں کو بھگتنا پڑیں گے۔

Shahid Afridi

Monday, August 24, 2015

Sangakkara Retirement ..

Sri Lankan Great Batsman

Sangakkara wept parting from international cricket

Sangakkara wept parting from international cricket
کولمبو / دبئ: انٹرنیشنل کرکٹ سے جدا ہوتے ہوئے سری لنکا کے سپر اسٹار بیٹسمین کمارسنگاکارا رو پڑے، پورے کیریئر کے دوران سکھ دکھ میں ساتھ دینے پر والدین کا بھرائی ہوئی آواز میں شکریہ ادا کیا۔ انٹرنیشنل کرکٹ کونسل نے سنگاکارا کو کرکٹ کا عظیم سپوت قرار دے دیا۔
تفصیلات کے مطابق سری لنکن اسٹارکمارسنگاکارا نے آخر کار انٹرنیشنل کرکٹ سے 15 سالہ ناطہ توڑ دیا، انھوں نے آنسوؤں سے لبریز آنکھوں کے ساتھ کھیل کو خیربادکہا، بھارت سے کولمبو ٹیسٹ کے اختتامی روز انھیں  الوداع کہنے کیلیے شائقین اور اعلیٰ شخصیات کی بڑی تعداد پی سارا اوول اسٹیڈیم میں موجود تھی۔
اسکول کے بچے سری لنکن جھنڈے لہراتے رہے،جب 37 سالہ سنگاکارا کو رسمی طور پر الوداع کہا گیا تو وہ جذبات پر قابو نہیں رکھ پائے اور آنکھیں جھلملا اٹھیں، اس موقع پر انھوں نے اپنے والدین کا شکریہ ادا کرتے ہوئے کہا کہ آپ نے ہر سکھ دکھ میں میرا ساتھ دیا، جتنے برس میں کرکٹ کھیلا مجھے آپ کی سپورٹ حاصل رہی، میرے لیے دنیا میں ایک ہی ایسی جگہ رہی جہاں پر میں خود کو محفوظ سمجھتا اور وہ ہمارا گھر ہے، ’اما‘ (ماں) اور ’اپاچی‘ (والد) آپ کا بہت بہت شکریہ۔ سنگاکارا اپنے آخری مقابلے میں عزت افزائی پر بھارتی ٹیم کے بھی شکرگزار دکھائی دیے۔
دوسری جانب آئی سی سی کے چیف ایگزیکٹیو ڈیو رچرڈسن نے سنگاکارا کو کامیاب ترین کیریئر پر مبارکباد دیتے ہوئے کہا کہ وہ کرکٹ کے عظیم ترین کھلاڑی اور سفیر ہیں، انھوں نے بیٹنگ، وکٹ کیپنگ اور قیادت ہر شعبے میں اپنی صلاحیتوں کا لوہا منوایا۔ یاد رہے کہ سنگاکاراکیریئر کے دوران 7 مرتبہ کونسل کی ٹیسٹ ٹیم آف دی ایئر کا حصہ رہے، انھوں نے 2012 میں کرکٹر آف دی ایئر کیلیے مختص گیری سوبرز ٹرافی جیتی اور ٹیسٹ پلیئر آف دی ایئر بھی قرار پائے، انھیں 2011 اور 2013میں ون ڈے پلیئر آف دی ایئر کا ایوارڈ دیا گیا۔

Sangakkara