Showing posts with label Karachi. Show all posts
Showing posts with label Karachi. Show all posts

Thursday, September 10, 2015

Trophy slipped from the hands of Pakistan ..

Disabled Cricket

Trophy slipped from the hands of Pakistan

Trophy slipped from the hands of Pakistan
کراچی: 5 قومی ڈس ایبلڈ ٹی ٹوئنٹی کرکٹ ٹورنامنٹ میں ٹرافی پاکستان کے ہاتھ سے پھسل گئی،تجربہ کار انگلینڈ نے19 رنز سے شکست دے کر چیمپئن بننے کا اعزاز حاصل کرلیا۔
موصولہ اطلاعات کے مطابق بنگلہ دیش کے شہر ڈھاکا میں اپنی نوعیت کے پہلے انٹرنیشنل ٹورنامنٹ کا گذشتہ روز اختتام ہو گیا، فائنل میں دلچسپ مقابلہ دیکھنے میں آٰیا، انگلش ٹیم نے اپنے تجربے کی بدولت کامیابی کو گلے لگالیا جبکہ جارحانہ حکمت عملی اختیار کرنے والی پاکستانی سائیڈکو رنر اپ ٹرافی پر اکتفا کرنا پڑا، بی کے ایس پی گرائونڈ 3 پر انگلینڈ نے ٹاس جیت کر مقررہ 20 اوورز میں 4 وکٹیں گنوا کر 175 رنز کا پہاڑ کھڑا کردیا، کیلم فلائن نے 8 چوکوں کی مدد سے 29 گیندوں پر 45 رنز کی ناقابل شکست اننگز کھیلی، گورڈن لیڈلا نے31بالزکا سامنا کرتے ہوئے40 رنز بنائے،اس میں6 چوکے شامل تھے۔
الیکس ہیمنڈ نے28 گیندوں پر 30 رنز کا اضافہ کیا، جہاں زیب ٹوانہ، فیاض احمد اور عبداللہ اعجاز کو 1،1 وکٹ ملی۔ برق رفتار انداز اپنانے والی پاکستانی ٹیم ہدف کے تعاقب میں 156 رنز جوڑسکی، ریحان غنی 25 گیندوں پر ایک چوکے اور ایک بلند و بالا چھکے کی مدد سے36 رنز بناکر ٹاپ اسکوررر ہے، کپتان میجر(ر) حسنین عالم نے جارحانہ انداز میں 14 گیندوں پر26رنز اسکور کیے، انھوں نے 5 مرتبہ گیند کو بائونڈری کے پار پہنچایا، نہار عالم نے 25 گیندوں پر 26 رنز کی اننگز کھیلی، پاکستان کو شکست کی جانب دھکیلنے والے اسپنرفریڈ برج 4 اوورز میں 24 رنز کے عوض 4 کھلاڑیوں کو میدان بدر کرکے مین آف دی فائنل رہے۔
کیلم فلائن ٹورنامنٹ کے بہترین بیٹسمین اور بیسٹ پلیئر بھی قرار پائے، پاکستان کے فیاض احمد نے سب سے اچھے بولر کا اعزاز اپنے نام کیا، انگلینڈ کے کپتان آئی نائر نے وننگ اور پاکستانی کپتان نے رنر اپ ٹرافی وصول کی، تقریب میں ایشیائی ریجن کے لیے آئی سی سی کے ڈیولپمنٹ افسر اور سابق بنگلہ دیشی کپتان امین الاسلام، انٹرنیشنل ریڈ کراس کمیٹی کی کرسٹین سیپولا،بنگلہ دیشی کرکٹ بورڈ کے بریگیڈیئر جنرل علی مرتضیٰ خان و دیگر شریک ہوئے، پاکستانی ٹیم کے منیجر اورڈس ایبلڈ کرکٹ ایسوسی ایشن کے اعزازی سیکریٹری امیر الدین انصاری نے مہمانوں کو روایتی سندھی اجرک پیش کی۔

Cricket

Wednesday, September 9, 2015

Cattle Market on Super Highway,, Karachi ..

Cattle Market on Super Highway

KARACHI: A view of the animals displayed at Cattle Market on Super Highway, Sohrab Goth, in connection with Eid ul Azha.

Cattle Market

Pakistan Super League ..

Pakistan Super League

PSL join the foreign players started consultations with the throw

PSL join the foreign players started consultations with the throw
کراچی: پاکستان سپر لیگ میں شرکت سے قبل غیرملکی کرکٹرز نے ایسوسی ایشن سے مشاورت شروع کر دی ہے۔
تفصیلات کے مطابق لاہور، کراچی، پشاور، کوئٹہ اور اسلام آباد کے نام سے5ٹیمیں آئندہ برس 4 سے 24 فروری تک دوحا، قطر میں پی ایس ایل کے دوران ایکشن میں نظر آئیں گی، ایک ملین ڈالر انعامی رقم کے ایونٹ میں پی سی بی کا دعویٰ ہے کہ 40 انٹرنیشنل کرکٹرز شرکت کی خواہش رکھتے ہیں۔
ایونٹ کے حوالے سے فیڈریشن آف انٹرنیشنل کرکٹرز ایسوسی ایشن (فیکا) کے ایگزیکٹیو چیئرمین ٹونی آئرش نے بھی اپنے خیالات کا اظہار کیا ہے،کیپ ٹاؤن، جنوبی افریقہ سے نمائندہ ’’ایکسپریس‘‘ کو خصوصی انٹرویو میں انھوں نے کہا کہ بعض ممبر کرکٹرز نے پاکستان سپر لیگ کے حوالے سے ہم سے معلومات طلب کی ہیں البتہ ان کے نام نہیں بتا سکتا،ٹونی آئرش نے کہا کہ فیکا پی ایس ایل سمیت کسی بھی ٹوئنٹی 20 لیگ میں پلیئرز کو شرکت کا موقع ملنے کی حوصلہ افزائی کرتی ہے۔ البتہ بعض معاملات پر عمل درآمد ضروری ہے، ایک تو ایونٹ آئی سی سی سے منظور شدہ ہو، سیکیورٹی معاملات کے لحاظ سے کھلاڑیوں کی اس میں شرکت درست ہو،کھیل کا وقار برقرار رکھنے کے سلسلے میں اینٹی کرپشن اور ڈوپنگ کوڈز کا مکمل اطلاق کیا ہو، منفی عناصر سے بچنے کیلیے اینٹی کرپشن یونٹ کا تقرر بھی ضروری ہے۔
اسی کے ساتھ پلیئرز کے ساتھ درست اور منصفانہ معاہدے کیے جائیں۔انھوں نے کہا کہ ہمارا اپنے رکن ارکان کو یہی مشورہ ہوگا کہ اگر ان تمام باتوں پر عمل درآمد کیا جائے تو ضرور پی ایس ایل میں شرکت کریں، ساتھ ان کے اپنے ملک کی کرکٹ بورڈ کا این او سی بھی ضروری ہوگا۔ یاد رہے کہ1998میں قائم شدہ فیکا دنیا بھر کے کرکٹرز کے حقوق کا تحفظ کرتی ہے،آسٹریلیا، انگلینڈ، نیوزی لینڈ، جنوبی افریقہ،سری لنکا اور ویسٹ انڈیز کی پلیئرز ایسوسی ایشنز اس کی رکن ہیں،بنگلہ دیشی کرکٹرز ویلفیئر ایسوسی ایشن کا بھی فیکا سے اطلاق ہے، ٹیسٹ ممالک میں صرف پاکستان، بھارت اور زمبابوے اس کے رکن نہیں ہیں۔
ایک سوال پر ٹونی آئرش نے کہا کہ ماضی میں بعض ٹی ٹوئنٹی لیگز کے دوران کھلاڑیوں کو معاوضوں کے معاملے میں مشکلات کا سامنا کرنا پڑا، اسی لیے ہم تمام ایسے ایونٹس کے منتظمین کو معاہدے میں یہ شق رکھنے کا مشورہ دیتے ہیں کہ فیس کا کچھ حصہ لیگ شروع ہونے سے قبل ادا کر دیا جائے گا۔ہم کھلاڑیوں سے بھی کہتے ہیں کہ اس بات پر اصرار کریں۔ بھارت، سری لنکا اور بنگلہ دیشی لیگز کے فکسنگ سے متاثر ہونے کے بعد فیکا چیف نے پاکستان کو مشورہ دیا کہ سخت اینٹی کرپشن کوڈ کا اطلاق کریں، ایونٹ ہر حالت میں اینٹی کرپشن یونٹ کی زیرنگرانی کرایا جائے جو آئی سی سی کا ہو یا کونسل اسے جانچ چکی ہو۔

Pakistan Super League

Monday, August 24, 2015

Chaudhry Nisar says ..

Chaudhry Nisar

All the terror network had collapsed, Chaudhry Nisar

All the terror network had collapsed,Chaudhry Nisar
اسلام آباد: وفاقی وزیر داخلہ چوہدری نثار علی کا کہنا ہے کہ قومی لائحہ عمل کے آغاز سے اب تک بہت کامیابیاں حاصل کیں اور اس وقت ملک میں دہشت گردی کے تمام نیٹ ورک کا خاتمہ ہوچکا ہے۔
اسلام آباد میں وفاقی کابینہ اجلاس کے بعد وفاقی وزیراطلاعات سینیٹر پرویز رشید کے ہمراہ نیوز کانفرنس کرتے ہوئے وزیر داخلہ چوہدری نثار نے کہا کہ گزشتہ 40 سے 50 سال میں قومی سلامتی اور اندرونی پالیسی میں جو بگاڑ پیدا ہوا اس کو درست کرنے کے لیے سالوں کا عرصہ درکار تھا لیکن قوم، میڈیا اور سول ملٹری کے گٹھ جوڑ سے نیشنل ایکشن پلان پر گزشتہ 8 ماہ سے درست طریقے سے کام ہوا جس کے باعث ملک کے تمام بڑے شہروں میں سیکیورٹی صورتحال پہلے سے کئی گنا بہتر ہے۔ انہوں نے کہا کہ نیشنل ایکشن پلان ایک مفصل پالیسی فریم ورک ہے اور قومی لائحہ عمل کے آغاز سے اب تک بہت کامیابیاں حاصل کیں،  ہم نے انٹیلی جنس کی بنیاد پر آپریشن پرتوجہ دی اور اس وقت ملک میں دہشت گردی کے تمام نیٹ ورک ختم ہوچکے ہیں جب کہ دہشت گردی میں مالی معاونت کے خاتمے کو بھی تیز کیا جارہا ہے۔
چوہدری نثار نے کہا کہ کسی بھی ملک میں سیکیورٹی پر سیاست نہیں ہوتی اور نیشنل ایکشن پلان پاکستان کی سیکیورٹی پالیسی ہے اس پر سیاست نہ کی جائے جب کہ حکومت اور وزارت داخلہ پر تنقید کرنا سب کا حق ہے لیکن صورتحال میں جو بہتری آئی اسے متنازعہ نہ بنایا جائے۔ انہوں نے کہا کہ صرف ملٹری آپریشن سے ملک میں دہشت گردی ختم نہیں ہوتی، 2009 میں 2 ملٹری آپریشن ہوئے لیکن حکومتی نا اہلی کے باعث دہشت گردی میں اضافہ ہوا جب کہ نیشنل ایکشن پلان کے بعد انٹیلی جنس کے بنیاد پر 5 ہزار 900 آپریشن کیے گئے، 62 ہزار کارروائیاں اور 68 ہزار گرفتاریاں ہوئی، ایک ہزار 114 دہشت گرد مارے گئے جب کہ 885 دہشتگرد گرفتار ہوئے اور کالعدم تنظیموں کے 7900 لوگ فورٹھ شیدول میں ڈالے گئے تاہم تحقیق اور تفتیش کے بعد بے گناہوں کو چھوڑ دیا جا تا ہے۔
وفاقی وزیرداخلہ کا کہنا تھا کہ سول ملٹری تعلقات اس وقت بہت مثالی ہیں اور بلاوجہ سول ملٹری تعلقات پر تنقید کرنا غلط ہے اس لیے اس پر رائے زنی نہیں کرنی چاہیے۔ انہوں نے کہا کہ پاکستان میں گزشتہ 13 سال سے دہشت گردی کی جنگ بغیر کسی منصوبہ بندی کے جاری تھی جب کہ دہشت گردی کے حوالے سے ہمارے کسی ادارے کے پاس کسی قسم کی کوئی معلومات ہی نہیں تھی لیکن اب تمام ڈیٹا ریکارڈ میں موجود ہے۔
چوہدری نثار نے کہا کہ کراچی میں بہت بڑی تبدیلی آئی ہے اور یہ جاری رہے گی، ہم کراچی کی صورتحال کو منطقی انجام تک پہنچائیں گے جب کہ رینجرز کی سپورٹ، صوبائی حکومت اور ایم کیو ایم کو راضی رکھنا وزارت داخلہ کا کام تھا۔ انہوں نے کہا کہ بلوچستان میں بھی مذاکراتی عمل شروع ہوچکا ہے وہاں پر 500 سے زائد فراری ہتھیار ڈال چکے ہیں وہاں بہت بڑا بریک تھرو ہونے والا ہے جب کہ صوبے کے حالات کی بہتری میں کمانڈرسدرن کمانڈ لیفٹیننٹ جنرل ناصر جنجوعہ کا بہت بڑا کردار ہے۔ انہوں نے مزید کہا کہ اب اگلے 6 ماہ ہماری توجہ فرقہ واریت کے خاتمے پر توجہ ہوگی اور یہ ہرگز برداشت نہیں کیا جائے گا کہ ایک دوسرے کو کافر کہا جائے جب کہ پاکستان کے مدرسے اسلام کے لیے کام کررہے ہیں اور محب وطن ہے لہٰذا مدرسوں کو بدنام نہ کیا جائے۔

Chaudhry Nisar

Air Chief Marshal Sohail Aman met with Army Chief ..

Army Chief Raheel Sharif

Remote areas will be eliminated from the terrorists, The Pak Army

Remote areas will be eliminated from the terrorists, The Pak Army
راولپنڈی: آرمی چیف جنرل راحیل شریف نے ایک بار پھر اس عزم کا اعادہ کیا ہے کہ دور دراز علاقوں سے بھی دہشت گردوں کا خاتمہ کیا جائے گا۔
http://www.express.pk/wp-content/uploads/2015/08/q99.jpg
پاک فوج کے شعبہ تعلقات عامہ آئی ایس پی آر کے مطابق پاک فضائیہ کے سربراہ ایئر چیف مارشل سہیل امان نے راولپنڈی میں جی ایچ کیو کا دورہ کیا اور آرمی چیف جنرل راحیل شریف سے ملاقات بھی کی۔ مسلح افواج کے سربراہوں کے درمیان شوال اور شمال وزیرستان میں جاری آپریشن ضرب عضب پر تفصیلی تبادلہ خیال کیا گیا۔
http://www.express.pk/wp-content/uploads/2015/08/q128.jpg
اس موقع پر آرمی چیف جنرل راحیل شریف کا کہنا تھا کہ دہشت گردوں کو کہیں بھی جائے پناہ نہیں ملے گی وہ جہاں چھپیں گے وہاں ان کے خلاف کارروائی ہوگی اور دور دراز علاقوں سے بھی دہشت گردوں کا خاتمہ کیا جائے گا جب کہ پاک فضائیہ کے سربراہ نے بھی دہشت گردی کے خاتمے کے لئے بھرپور تعاون کا یقین دلایا۔
http://www.express.pk/wp-content/uploads/2015/08/q224.jpg
دوسری جانب پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف کراچی پہنچ گئے ہیں جہاں وہ آج کور ہیڈ کوارٹرز کراچی کا دورہ کریں گے جب کہ اس موقع پر وہ فوجی جوانوں اور افسران سے بھی خطاب کریں گے۔
http://www.express.pk/wp-content/uploads/2015/08/q322.jpg
ترجمان پاک فوج کے مطابق آرمی چیف جنرل راحیل شریف کو دورہ کراچی میں شہر کی سیکیورٹی صورتحال پر بھی بریفنگ دی جائے گی۔

Army Chief Raheel Sharif

Farooq Sattar called on Prime Minister ..

Prime Minister Nawaz Sharif

Prime Minister MQM Karachi operation to remove the protections assured

Prime Minister MQM Karachi operation to remove the protections assured
اسلام آباد: وزیراعظم نواز شریف سے کراچی آپریشن پر ایم کیو ایم کو تحفظات دور کرنے کی یقینی دہانی کراتے ہوئے متحدہ کے اعتراضات سننے کے لیے کمیٹی قائم کردی۔
ایکسپریس نیوز کے مطابق ڈاکٹر فاروق ستار کی قیادت میں ایم کیو ایم کے 6 رکنی وفد نے وزیراعظم نواز شریف سے ملاقات کی جب کہ اس موقع پر جے یو آئی (ف) کے امیر مولانا فضل الرحمان بھی موجود تھے۔ ملاقات کے دوران ایم کیو ایم وفد نے وزیراعظم کو بتایا کہ کراچی آپریشن میں صرف ایم کیو ایم کو ٹارگٹ کیا جارہا ہے جس پر وزیراعظم نواز شریف نے انہیں یقین دلایا کہ کراچی میں جاری آپریشن صرف مجرموں کے خلاف ہورہا ہے کسی سیاسی جماعت کے خلاف نہیں، ایم کیوایم گلہ کرتی ہے لیکن کراچی آپریشن کا سب سے زیادہ فائدہ ایم کیوایم کو ہی ہوگا،ملک میں فرقہ وارانہ عناصر کی کوئی گنجائش نہیں انہیں پنپنے نہیں دیں گے، اسی جذبے کے ساتھ فرقہ واریت کے خلاف بھی آپریشن شروع کیا گیا ہے۔
وزیراعظم کا کہنا تھا کہ کراچی آپریشن پورے عزم کے ساتھ شروع کیا اوراس میں نمایاں کامیابیاں حاصل کیں جس کی تعریف ناصرف کراچی والے بلکہ ملک بھر کے عوام کررہےہیں، دہشت گردوں کے خلاف شہرقائد میں جاری ٹارگٹڈ آپریشن آگے بڑھ رہا ہے اور مزید آگے بڑھے گا جس کے بہتر نتائج نکلیں گے، کراچی آپریشن سے حالات نارمل ہورہے ہیں،کراچی جلد پرامن شہربن جائے گا۔
وزیراعظم نے کہا کہ حکومت نے دہشت گردی کے خلاف پورے عزم کے ساتھ ایکشن لیا جس کی مثال نہیں ملتی، قوم کے اتفاق رائے، سیاسی جماعتوں کی رضا مندی سے آپریشن ضرب عضب شروع کیا جب کہ ہم نے دہشت گردوں کے رد عمل کے خدشات کی پرواہ نہیں کی اور جمہوری حکومت نے اتفاق رائے سے ملٹری کورٹس بنائیں جس کی اعلیٰ عدالت نے توثیق کی۔
وزیراعظم نوازشریف نے کراچی آپریشن پر ایم کیوایم کے وفد کو تحفظات دور کرنے کی یقین دہانی کراتے ہوئے ان کے اعتراضات سننے کے لیے کمیٹی قائم کردی جب کہ وزیراعظم کا کہنا تھا کہ ایم کیوایم کے تمام جائز تحفظات دور کیے جائیں گے تاہم ایم کیوایم قومی مفاد میں پارلیمان کا حصہ رہے اور وسیع تر مفاد میں پارلیمنٹ میں اپنا کردار اد اکرے۔

Thursday, August 20, 2015

Karachi operation will not stop at any cost, Prime Minister ..

 Prime Minister Nawaz Sharif

Karachi operation will not stop at any cost

Prime Minister Nawaz Sharif Karachi operation will not stop at any cost
کراچی: وزیراعظم نواز شریف نے قانون نافذ كرنے والے اداروں  كو ہدایت كی ہے كہ كراچی میں  سیاسی جماعتوں میں موجود عسكری ونگز، دہشت گرد تنظیموں  اور ان كے سہولت كاروں كے خلاف سخت ترین كارروائی كی جائے اورشہر میں قیام امن کے لیے کارروائیاں جاری رکھی جائیں۔
http://www.express.pk/wp-content/uploads/2015/08/q87.jpg
وزیراعظم نوازشریف کی زیر صدارت گورنر ہاؤس کراچی میں امن وامان سے متعلق اعلیٰ سطح کا اجلاس ہوا جس میں گورنر سندھ ڈاكٹر عشرت العباد خان ، وزیر اعلیٰ سندھ سید قائم علی شاہ ، وفاقی وزیرداخلہ چوہدری نثار علی خان ،وزیر دفاع خواجہ آصف ،ڈی جی رینجرز میجر جنرل بلال اكبر ، چیف سیكرٹری سندھ صدیق میمن ، آئی جی سندھ غلام حیدر جمالی اور اعلیٰ حكام بھی موجود تھے جب کہ اجلاس میں وزیر اعلیٰ سندھ ، ڈی جی رینجرز ، چیف سیكرٹری سندھ اور آئی جی سندھ نے وزیر اعظم كو امن وامان اور كراچی آپریشن پر بریفنگ دی۔
http://www.express.pk/wp-content/uploads/2015/08/q123.jpg
اجلاس سے خطاب كرتے ہوئے وزیر اعظم نواز شریف نے كہا كہ كراچی ہماری اولین ترجیح ہے،كراچی آپریشن سے شہر میں امن قائم ہو گیا ہے، بھتہ خوری، ٹارگٹ كلنگ اور اغوا برائے تاوان كی وارداتوں كا خاتمہ ہوگیا ہے، امن كے قیام كیلیے جاری آپریشن كے باعث دہشت گردوں كی كارروائیوں كی صلاحیت تقریباً ختم ہو گئی ہے تاہم نتائج كے حصول کے لیے اگر آپریشن جاری ركھنے میں مزید وقت لگے گا تو ہم گھبرانے والے نہیں کیونکہ ہمیں پورا یقین ہے كہ معاملات جلد بہتر ہو جائیں گے۔ انہوں نے کہا كراچی آپریشن كو شروع ہوئے تقریباً 2 سال ہونے والے ہیں،شہر میں آپریشن سب كے اتفاق رائے سے شروع كیا گیا، آپریشن كے باعث شہر میں بھتہ خوری، اغواءبرائے تاوان اور ٹارگٹ كلنگ كا تقریباً خاتمہ ہو گیا ہے۔
http://www.express.pk/wp-content/uploads/2015/08/q220.jpg
وزیراعظم کا کہنا تھا کہ كراچی آپریشن كے مثبت نتائج سامنے آرہے ہیں،شہر كے حالات بہتر ہو گئے ہی اور حالات كی بہتری پر عوام اور تاجر برادری نے اطمینان كا اظہار كیا ہے۔ انہوں نے كہا كہ كراچی ہماری اولین ترجیح ہے اسے ہر صورت میں  ٹھیك كرنا ہے یہاں آپریشن كے باعث دہشت گرد پسپا ہو رہے ہیں اور ان كی صلاحیت محدود ہو گئی ہے اور وہ خود كو زندہ ركھنے کے لیے اكا دكا كارروائیاں  كر رہے ہیں لیکن حكومت دہشت گردی كا مكمل خاتمہ كرے گی۔ انہوں نے كہا كہ كراچی آپریشن كی جماعت كے خلاف نہیں  اور نہ ہی كسی كو نشانہ بنایا جا رہا ہے، آپریشن جرائم پیشہ عناصر كے خلاف ہے، شہر میں امن كے باعث سرمایہ كار یہاں آنا شروع ہو گئے ہیں، كراچی كے حالات بہتر ہوں گے تو ملك ترقی كرے گا۔ ان کا کہنا تھا کہ كراچی آپریشن كے نتائج سے مطمئن ہوں، مثبت نتائج پر حصہ لینے والوں اور حمایت كرنے كوشاباش دیتا ہوں، پولیس، رینجرز اور خفیہ ادارں كی كاركردگی كو سراہتا ہوں اور مبارک باد پیش كرتا ہوں، قانون نافذ كرنے والے ادارے كراچی میں  قیام امن كے لیے كارروائیاں جاری ركھیں۔
http://www.express.pk/wp-content/uploads/2015/08/q318.jpg
وزیراعظم نے کہا کہ سانحہ بلدیہ ٹاؤن ایك افسوسناک واقعہ تھا جس میں بے گناہ افراد جاں بحق ہوئے اس واقعہ میں ملوث عناصر كو بے نقاب كیا جائے گا اور انہیں قانون كے مطابق سزائیں دلائی جائیں گی۔ وزیر اعظم نے وزیر اعلیٰ سندھ اور حكومت سندھ كی كاركردگی كی تعریف بھی كی جب کہ اجلاس میں بریفنگ دیتے ہوئے وزیر اعلیٰ سندھ نے بتایا كہ صوبائی حكومت كراچی میں امن وامان کے لیے اقدامات كر رہی ہے، پراسكیوشن كے نظام میں اصلاحات كی جارہی ہیں اور ناقص كاركردگی كے حامل پراسكیوٹرز كو ان كے عہدے سے ہٹا كر نئے افسران كو تعینات كیا جا رہا ہے۔ انہوں نے كہا كہ ایپکس كمیٹی میں مشاورت سے كراچی آپریشن كو مزید تیز كرنے اور قیام امن کے لیے اقدامات كیے جارہے ہیں۔ وزیراعلیٰ سندھ نے وزیر اعظم سے كہا كہ سكیورٹی اداروں كو جدید مزید وسائل كی فراہمی کے لیے وفاقی حكومت تعاون كرے جس پر وزیر اعظم نے كہا كہ اس حوالے سے ہر ممكن تعاون كیا جائے گا، اس موقع پر چیف سیكرٹری سندھ نے وزیر اعظم كو قومی ایكشن پلان پر عمل درآمد كے حوالے سے بریفنگ دی۔
http://www.express.pk/wp-content/uploads/2015/08/q418.jpg
ڈی جی رینجرز نے اپنی بریفنگ میں كہا كہ رینجرز اور سیكیورٹی اداروں كی كارروائیوں سے كراچی میں امن قائم ہوا ہے، شہر قائد میں امن كے باعث عید پر تاجر برادری كے اعداد و شمار كے مطابق 70 ارب روپے اور جشن آزادی پر 5 ارب روپے كی ریكارڈ خریداری ہوئی، كراچی آپریشن سے عوام كا اعتماد بحال ہوا ہے۔ انہوں نے كہا كہ صنعت كاروں كو بھی تحفظ فراہم كر رہے ہیں، شہر میں بلا امتیاز جرائم پیشہ عناصر كے خلاف كارروائی جاری ہے۔ ڈی جی رینجرز نے كہا كہ پراسكیوشن كے نظام میں اصلاحات كی ضرورت ہے كیونكہ ناقص تفتیش كے سبب ملزمان بری ہوجاتے ہیں اس لیے مربوط تفتیش سے ہی ملزمان كو سزائیں دلوائی جا سكتی ہیں۔ ان کا کہنا تھا کہ سیاسی جماعتوں كےعسكری ونگز كے خلاف بھی كارروائی جاری ہے اور دہشت گرد تنظیموں كے مالی نیٹ وركس كو بھی ختم كرنے كیلیے اقدامات كیے جا رہے ہیں، شہر بھتہ كاروں كے نیٹ ورک كا بھی صفایا كیا جارہاہے، ڈی جی رینجرز کی بریفنگ پر وزیر اعظم نے كہا كہ رینجرز اور پولیس عسكری ونگز كے خلاف سخت كارروائی كرے، دہشت گرد تنظیموں كے سہولت كاروں، مالی معاونین اور رابطہ كاروں كے خلاف بھی آپریشن كو مزید تیز كیا جائے اور ان كی سرپرستی كرنے والے سیاسی اور غیر سیاسی عناصر كے خلاف بھی كارروائی عمل میں لائی جائے۔
http://www.express.pk/wp-content/uploads/2015/08/q514.jpg
آئی جی سندھ غلام حیدر جمالی نے ایم كیو ایم كے ركن قومی اسمبلی رشید گوڈیل پر قاتلانہ حملے كی ابتدائی تحقیقاتی رپورٹ سے وزیر اعظم كو آگاہ كیا اور بتایا كہ وہاں پر موجود سی سی ٹی وی كیمروں سے حاصل فوٹیج غیر واضح ہے جس كے معیار كو بہتر بنانے کے لیے غیر ملكی ماہرین كی مدد لی جائے گی اور اس كو لندن بھجوایا جائے گا۔ وزیر اعظم نے كیمروں  كی خراب كاركردگی پر ناراضی كا اظہار كیا اور ہدایت كی كہ كراچی میں جدید كیمرے لگائے جائیں۔ انہوں نے کہا کہ رشید گوڈیل پر حملے سے دکھ ہوا ان پر قاتلانہ حملے كے ملزمان كو جلد گرفتار كیا جائے۔
http://www.express.pk/wp-content/uploads/2015/08/q613.jpg
اجلاس میں اس بات پر اتفاق كیا گیا كہ مقدمات كو تیزی سے نمٹانے کے لیے اسپیشل پراسكیوشن سروس شروع كی جائے گی، تفتیش كرنے والے افسران اور پراسیكیوٹرز كو جدید تربیت دی جائے گی، گواہوں كو تحفظ فراہم كرنے کیلیے مزید اقدامات كیے جائیں گے، سندھ میں دہشت گردی كے خاتمے کے لیے قومی ایكشن پلان كے نكات پر مكمل عمل درآمد كیا جائے گا جب کہ ضلعی سطح پر انٹیلی جنس كے نظام مربوط بنایا جائے گا اور تمام اداروں میں رابطوں كے نظام كو مؤثر بنانے کے لیے فوری اقدامات کیے جائیں گے۔
http://www.express.pk/wp-content/uploads/2015/08/q711.jpg
دوسری جانب وزیراعظم نوازشریف نے مقامی ہوٹل میں پارسی کمیونٹی سے خطاب کرتے ہوئے کہا کہ ملک میں مسلح جتھوں كے خلاف بھی آپریشن كر رہے ہیں، ملک میں  قیام امن كے بعد اس كو اسلحہ سے پاک كرنے كیلیے اقدامات كیے جائیں گے، ملک سے دہشت گردی كے خاتمے کے لیے آپریشن ضرب عضب جاری ہے، دہشت گردوں كا خاتمہ ہو رہا ہے اور پاكستان جیتا رہے گا اور دہشت گردوں كا جلد پاكستان سے خاتمہ ہو جائے گا۔
http://www.express.pk/wp-content/uploads/2015/08/q88.jpg
سیاسی حالات پر وزیراعظم کا کہنا تھا کہ ہم سب كے مینڈیٹ كا احترام كرتے ہیں، پی ٹی آئی والوں نے استعفے دیئے اور ہمارے خلاف كیا كچھ نہیں كہا لیكن جمہوریت كی بالادستی كیلیے ہم نے ان سے مذاكرات كیے اور ان كو واپس لے كر آئے، ایم كیو ایم اور جے یو آئی (ف) نے ان كے خلاف جو قرار دادیں جمع كرائی تھیں وہ واپس لیں۔ انہوں نے كہا كہ ایم كیو ایم كے استعفوں پر بھی كوئی راضی نہیں، مولانا فضل الرحمن سے كہا ہے كہ وہ ایم كیو ایم سے بات كریں کیونکہ ہم چاہتے ہیں كہ ایم كیوایم اسمبلی میں  آئے اور اپنا كردار ادا كرے۔

 Prime Minister Nawaz Sharif

Wednesday, August 19, 2015

Karachi cricket lost, PCB win, Rashid Latif ..

Rashid Latif says

Karachi cricket lost, PCB win

کراچی: سابق کپتان راشد لطیف نے کہا ہے کہ نئے ڈومیسٹک کرکٹ فارمیٹ کے معاملے پرکراچی کرکٹ ہارگئی اور پی سی بی جیت گیا، یہ تنازع حل نہیں ہو سکتا،ملک بھرکی تمام ٹیموں کوکوالیفائنگ رائونڈ کھلایا جائے، جب تک موجود بورڈ میں نان کرکٹرز فیصلے کریں گے اسی طرح کی صورتحال پیش آتی رہے گی ۔
نیشنل اسٹیڈیم کراچی میں میڈیا سے گفتگوکرتے ہوئے راشد لطیف نے کہاکہ کے سی سی اے شہرقائدکی کرکٹ کا مقدمہ درست انداز میں نہیں لڑسکی، اسے اندرونی طور پر بھی مزاحمت درپیش ہے، پی سی بی کے نئے ڈومیسٹک فارمیٹ پر دستخط کرنے کے بعد اب ایسوسی ایشن کواسے تسلیم کرنے میں کیا قباحت ہے؟ میڈیا میں بات آنے پر آواز اٹھائی گئی، کے سی سی اے اس معاملے پر سراپا احتجاج ہوتی تو مجھے کھڑے ہوکر بات کرنے کی نوبت پیش نہ آتی، میں ملک بھر میں کرکٹ کی بہتری کے لیے آواز بلند کرتا رہوں گا، اب پی سی بی کے نئے سسٹم کو بھی ایک سال تک دیکھنا چاہیے۔
اس دوران تمام خوبیاں اور خامیاں سامنے آجائیں گی، انھوں نے کہا کہ اگر کوالیفائنگ رائونڈ کھیلنا ضروری ہے تو پھر تمام ٹیموں کوکھلانا چاہیے تاکہ اچھی ٹیمیں ہی آگے جا سکیں، کوالٹی کرکٹ رکھنی ہے توکوئی اورفارمیٹ لایا جائے، ہم نے اتنی کرکٹ کھیلی اور بہت سسٹم دیکھے لیکن جیسا اب ہورہا ہے ایسا نہیں دیکھا ، راشد لطیف نے کہا کہ ماضی میں ہمیشہ سے کراچی اورلاہورکی 2،2 ٹیمیں رہی ہیں، بہترہوگاکہ ڈومیسٹک کرکٹ میں اسپانسرشپ لاکر فرسٹ کلاس کرکٹرزکوپیسے دیے جائیں، ان کے لیے بہت کم آواز اٹھتی ہے، انٹرنیشنل کرکٹ میں بہترکارکردگی کے لیے ڈومیسٹک مقابلوںکو ترجیح دینے کی ضرورت ہے، سری لنکا اور بنگلہ دیش کی ڈومیسٹک کرکٹ ہم سے بہتر ہے۔
انھوں نے کہا کہ یہ کہنا درست نہیں کہ پی سی بی میں محض ایک شخص زیادہ بااختیار ہے،پی سی بی کے گورننگ بورڈ میں موجود لوگوں نے کرکٹ نہیں کھیلی، وہ کھیل کی سمجھ سے عاری ہونے کے سبب غلطیاں کرتے ہیں،کرکٹ کے خلاف فیصلے کیے جارہے ہیں ، ایسے افراد کی موجودگی میں کھیل مزید تباہی کی جانب جائے گا، انھوں نے کہا کہ کے سی سی اے کو اپنے کیے کی سزا بھگتنا پڑے گی اور اس کی سزا کراچی کے کرکٹرز کو ملے گی، اس معاملے پرلاہور کے اسٹینڈ لینے سے بھی کچھ فرق نہیں پڑے گا۔

Rashid Latif

Tuesday, August 18, 2015

Anwar Ali example to young people formed ..

Cricket Star Anwar Ali

Example of determination and courage to young people formed

Cricket Star Anwar Ali Example of determination and courage to young people formed
لاہور: دہشت گردی کے سبب دربدر ہونے والا بچہ نامور کرکٹر بن گیا، امن کی تلاش میں کراچی آنیوالے خاندان کے یتیم لڑکے انور علی نے نوجوانوں کیلیے عزم و ہمت کی مثال قائم کردی، فیکٹری کا مالک رات کی شفٹ میں کام کرنے کی اجازت نہ دیتا توکرکٹ کا شوق اپنی موت آپ مر جاتا۔
تفصیلات کے مطابق سری لنکا میں پاکستان کو دوسرا ٹی ٹوئنٹی اور سیریز جتوانے والے انور علی کا آبائی گاؤں ذکاخیل ہے، سوات کے اس نواحی علاقے میں انتہا پسندوں کی سرگرمیوں میں اضافہ ہونے پر ان کے خاندان نے امن کی تلاش میں کراچی کے انڈسٹریل ایریا میں جائے پناہ ڈھونڈ لی۔
والد کا انتقال ہونے کے بعد مشکلات مزید بڑھ گئیں اور انور علی کو جوتے بنانے والی ایک فیکٹری میں کام کرنا پڑا، آتے جاتے ہم عمروں کو کرکٹ کھیلتے دیکھ کران کے دل میں بھی جذبہ پروان چڑھتا، کارخانے کے مالک نے رات کی شفٹ میں کام کرنے کی درخواست منظور کرلی یوں انھیں خاندان کی کفالت اور کھیل دونوں جاری رکھنے کا موقع مل گیا۔
بعد ازاں کوچ اعظم خان نے انھیں مزدوری سے ملنے والی یومیہ اجرت 150روپے ادا کرنے کی حامی بھرلی تاکہ وہ کرکٹ جاری رکھ سکیں،کراچی الیکٹرک میں ملازمت ملنے پر ان کے روزگار کا بندوبست ہوگیا،انڈر 19 ورلڈکپ2006 میں بہترین کارکردگی کے بعد بھی حالات زیادہ حوصلہ افزا نہیں رہے۔
غیر متاثر کن ٹی ٹوئنٹی ڈیبیو کی وجہ سے انٹرنیشنل کرکٹ میں جگہ مستقل نہ ہوسکی۔ انور علی نے ملک کی نمائندگی کا خیال چھوڑ کر اپنی توجہ اپنے خاندان پر چھائے غربت کے اندھیرے دور کرنے پر صرف کردی، انگلینڈ میں لیگ کرکٹ سے مالی حالات سدھارنے اور گھر بنانے کا موقع ملا۔
اس دوران انھوں نے بولنگ، بیٹنگ اور فیلڈنگ پر بھرپور توجہ دیتے ہوئے اپنا کھیل نکھارا اور 2013میں سلیکٹرز کی توجہ حاصل کرلی، نومبر میں انور علی اور بلاول بھٹی نے فتح گر شراکت سے میزبان جنوبی افریقہ کیخلاف ون ڈے سیریز کی ٹرافی چھین لی تاہم دونوں بعد ازاں بھی ٹیم کے مستقل رکن نہ بن سکے، دورئہ سری لنکا میں انور علی نے کروڑوں شائقین کے دل جیت لیے، آل راؤنڈر اب نوجوانوں کیلیے روشن مثال بن چکے ہیں۔

Cricket Star Anwar Ali



Pakistan Super League balloon was then fainted ..

Pakistan Super League

PSL balloon was then fainted

Pakistan Super League balloon was then fainted
کراچی / لاہور: پاکستان سپرلیگ کے غبارے سے پھر ہوا نکلنے لگی، وینیوز کی تلاش میں سرگرداں بورڈ تاریخ پر تاریخ دینے لگا، فروری اور اپریل کے بعد اب چیئرمین نے مئی میں ایونٹ سجانے کا عندیہ دے دیا،آئی پی ایل کے ساتھ صحرائی وینیوز پر سخت گرمی ٹاپ پلیئرز کی راہ میں رکاوٹ بن سکتی ہے۔
شہریار خان کا کہنا ہے کہ  ٹوئنٹی 20 ٹورنامنٹ قطر میں ہوسکتا ہے مگر یو اے ای کا آپشن بھی نظر انداز نہیں کیا جاسکتا، جلد ہی بورڈ کا وفد دونوں ممالک کا ایک اور دورہ کرے گا، آئندہ 10 روز میں شیڈول اور وینیوز کے بارے میں حتمی فیصلہ کر لیں گے۔
تفصیلات کے مطابق پاکستان سپر لیگ انعقاد سے قبل ہی تنازعات کا شکار ہے، سب سے بڑا اعتراض ایونٹ کے ملک سے باہر انعقاد پر سامنے آیا جسے بورڈ خاطر میں لانے کو تیار ہی نہیں ہے،اس کی منصوبہ بندی کا یہ عالم ہے کہ ابھی تک اتنے بڑے ٹورنامنٹ کے لیے مناسب وینیو تک تلاش نہیں کیا جا سکا۔
دوسری جانب ایونٹ کے انعقاد کی ایک کے بعد دوسری تاریخ دینے کا سلسلہ بدستور جاری ہے۔  پی سی بی نے پہلے فروری 2016میں انعقاد کا اعلان کیا، ایسے میں یہ حقائق سامنے آئے کہ اس وقت متحدہ عرب امارات کے تینوں سینٹرز سابق کرکٹرز کی ماسٹرز چیمپئنز لیگ کے میزبان ہونگے، فیوچر ٹور پروگرام کے تحت بھی اس عرصے میں صرف ملکی اور ویسٹ انڈین کھلاڑی ہی دستیاب ہوتے، یہ جاننے کے بعد شہریارخان نے اپریل میں انعقاد کی بات کر دی حالانکہ اس وقت آئی پی ایل کے میچز جاری ہونگے، جب میڈیا کے ذریعے ان کی توجہ اس جانب مبذول کرائی گئی تو اب بورڈ چیئرمین کی جانب سے ایونٹ مئی میں منعقد کرنے کا عندیہ دے دیا گیا ہے۔
نیشنل کرکٹ اکیڈمی میں گورننگ بورڈ اجلاس میں ایگزیکٹیو کمیٹی سربراہ نجم سیٹھی نے ارکان کو پاکستان سپر لیگ کے حوالے سے پیش رفت سے آگاہ کیا، انھوں نے بتایا کہ ایونٹ کا ایکشن پلان اگلی میٹنگ میں پیش کردیا جائے گا۔ بعد ازاں میڈیا سے بات چیت کرتے ہوئے شہریار خان نے بتایا کہ فروری میں متحدہ عرب امارات کے اسٹیڈیم ماسٹرز ٹوئنٹی 20 لیگ کیلیے بک ہونگے، لہذا پاکستان سپر لیگ کا انعقاد  قطر میں ہونے کے امکانات ہیں۔
انھوں نے واضح کیا کہ یو اے ای کو ابھی نظر انداز نہیں کیا جا سکتا، وہاں پر بھی ایونٹ کے انعقاد کا آپشن ہمارے سامنے موجود ہے، ٹورنامنٹ کی تاریخوں میں ممکنہ ردوبدل کے حوالے سے چیئرمین پی سی بی نے کہا کہ ہمارے سامنے ایک تجویز یہ بھی موجود ہے کہ ایونٹ آئندہ سال فروری کے بجائے مئی میں کرا لیا جائے،اس کیلیے انٹرنیشنل کرکٹرز کی مصروفیات اور دستیابی کو بھی دیکھنا ہوگا۔
انھوں نے کہا کہ پی سی بی کا ایک وفد جلد ہی پی ایس ایل کے معاملات پر بات چیت کیلیے یو اے ای اور قطر جائے گا،آئندہ 10روز میں شیڈول اور وینیوز کے بارے میں حتمی فیصلہ کرلینگے۔ واضح رہے کہ پی ایس ایل کے مئی میں انعقاد سے بھی تاریخیں آئی پی ایل سے متصادم ہوں گی کیونکہ رواں برس بھی انڈین لیگ کا فائنل 24 مئی کو کھیلا گیا تھا۔
ورلڈ ٹوئنٹی20 کے مارچ اپریل میں بھارت میں ہی انعقاد کی وجہ سے آئی پی ایل مئی کے آخر تک جاری رہ سکتی ہے۔ اگر پی سی بی مئی کے آخر میں ایونٹ کرانے پر بضد بھی رہا تب چاہے مقابلے متحدہ عرب امارات میں ہوں یا پھر قطر میں شدید گرمی کا بہرحال سامنا کرنا پڑے گا، صحرائی وینیوز پر جھلسا دینے والی گرمی میں شاید ہی کوئی ٹاپ پلیئر کھیلنے کو تیار ہو۔

Pakistan Super League

MQM leader Rashid Godail seriously injured ..

 Rashid Godail

  MQM leader seriously injured 

MQM leader Rashid Godail seriously injured ..

MQM Leader

Shaheed Shuja Khanzada ..

Shaheed Shuja Khanzada

People light candles and oil lamps for the victims

People light candles and oil lamps for the victims
People light candles and oil lamps for the victims of yesterday´s blast near the residence of the home minister of Punjab province, Shuja Khanzada, in Karachi, Pakistan.

Shaheed Shuja Khanzada


Monday, August 17, 2015

Pakistan and Afghanistan have a lot of work for the eradication of polio, The World Health Organization ..

The World Health Organization

Pakistan and Afghanistan have a lot of work for the eradication of polio

Pakistan and Afghanistan have a lot of work for the eradication of polio
جنیوا: اقوام متحدہ کے عالمی ادارہ صحت نے خبردار کیا ہے کہ پاکستان اور افغانستان کو پولیو کے خاتمے کے لیے لازمی سخت اقدامات کرنے ہوں گے۔
عالمی ادارہ صحت (ایچ ڈبلیو او) کی ایمرجنسی کمیٹی کے ماہرین کا کہنا ہے کہ پاکستان اور افغانستان کو پولیو کے خاتمے کے لیے بڑے پیمانے مہم چلانے کی ضرورت ہے جب کہ ملک سے باہر جانے والے مسافروں کی اسکریننگ کے عمل میں بھی بہتری لانے کی ضرورت ہے۔ کمیٹی کاکہنا تھا کہ افغانستان میں عالمی فضائی مسافروں کی اسکریننگ نہیں کی جا رہی اور نہ ہی انہیں ٹریک کیا جا رہا ہے جب کہ انٹرنیشنل ایئرپورٹس پر بغیر ویکسی نیشن کے مسافروں کو چھوڑا جارہا ہے۔ کمیٹی نے خبردار کیا  کہ اس کوتاہی سے عالمی سطح پر پولیو کے پھیلنے کا رسک بڑھ گیا ہے جب کہ قندھار میں پولیوکے خاتمے کے لیے چلائی جانے والی مہم کو روک دینا بھی تشویشناک ہے۔
کمیٹی  کا کہنا تھا کہ افغانستان اور پاکستان دو ایسے ممالک ہیں جہاں اب بھی پولیو کی بیماری بڑے پیمانے پر موجود ہے اور صرف ایک سال میں پاکستان میں پولیو کے 29 کیسز اور 7 کیسز افغانستان میں سامنے آئے ہیں۔ ماہرین کا کہنا ہے کہ  اگرچہ پاکستان میں پولیو کے خاتمے کی کوششوں میں بہتری آئی ہے تاہم دونوں  ممالک میں ایئر پورٹس پر اس سلسلے میں طے شدہ سرٹیفیکیٹ جاری نہیں کیا جارہا۔ دونوں ممالک کو چاہئے کہ وہ پولیو کے خاتمے کےلیے سخت اقدامات کریں۔

The World Health Organization

Polio

Thursday, August 13, 2015

Board hopes to host foreign teams in Karachi ..

کراچی: پی سی بی کراچی میں غیر ملکی ٹیموں کی میزبانی کیلیے پُرامید ہے،چیئرمین شہریار خان کا کہنا ہے صرف لاہور میں میچ کرانے کا تاثر ختم کرنا چاہتا ہوں، مقامی سیکیورٹی حکام نے بھی تعاون کی یقین دہانی کرادی، کھلاڑیوں کی فٹنس پر کوئی سمجھوتہ نہیں کیا جائے گا۔
تفصیلات کے مطابق پی سی بی کے چیئرمین شہر یار خان نے کہا ہے کہ کئی ایسوسی ایٹس ٹیمیں پاکستان آنے کیلیے تیار ہیں، مجھ پر صرف لاہور میں میچ کرانے کا الزام لگایا جاتا ہے جسے آئندہ کراچی میں مقابلوں سے دور کرنا چاہتا ہوں، بعض ٹیموں کو یہاں کھیلنے پر تحفظات ہیں تاہم جو آمادہ ہیں انھیں بھر پور تحفظ فراہم کیا جائے گا، ساؤتھ اینڈ کلب میں رہائش کے ساتھ دیگر زیادہ بہتر سہولیات میسر ہیں۔ انھوں نے کہا کہ ہم بنگلہ دیش سمیت کسی غیر ملکی ٹیم پر کسی بھی قسم کا دباؤ نہیں ڈال رہے، اس حوالے سے وہ اپنی مرضی کے مطابق فیصلہ کرنے میں آزاد ہیں۔ شہریار خان نے کہا کہ بورڈ کرکٹرز کی فٹنس کے حوالے سے سخت پالیسی پر عمل پیرا ہے، مطلوبہ معیار پر پورا نہ اترنے والوں کو ٹیم کا حصہ نہیں بنایا جائیگا، فٹ رکھنا کوچ یا چیئرمین کا کام نہیں، یہ خود کھلاڑی کے اپنے ہاتھ میں ہوتا ہے۔

Army Chief Raheel Sharif ..


Wednesday, August 12, 2015

PCB Karachi found a unique solution to the conflict ..

کراچی: پی سی بی نے کے سی سی اے سے تنازع کا منفرد حل ڈھونڈ لیا،احتجاج نظرانداز کرتے ہوئے قومی ٹوئنٹی20ایونٹ کیلیے کراچی کی دونوں ٹیمیں خود ہی منتخب کر لیں۔
دوسری ٹیم کوکوالیفائی کرانے کیلیے شاہد آفریدی کوکپتان بنا دیا جبکہ سرفراز احمد نائب ہوںگے، ٹیم میں کئی دیگر ٹیسٹ کرکٹرز بھی شامل ہیں، پہلے سے مین راؤنڈ میں موجود وائٹس ٹیم خلاف توقع غیرمعروف کھلاڑیوں پر مشتمل ہے، قیادت ٹیسٹ بیٹسمین فیصل اقبال کریںگے۔ تفصیلات کے مطابق کراچی سٹی کرکٹ ایسوسی ایشن نے نئے ڈومیسٹک سیزن میں تبدیلیوں کو مسترد کرتے ہوئے بورڈ سے مطالبہ کیا تھا کہ اس کی 2 ٹیموں کو ایونٹس کا حصہ بنایا جائے، چیئرمین شہریارخان نے اسے مسترد کرتے ہوئے واضح کر دیا تھا کہ ڈومیسٹک کرکٹ میں اب کوئی تبدیلی نہیں ہو گی، 2ٹیمیں کھلانی ہیں تو کوالیفائی کریں، کے سی سی اے نے بطور احتجاج ٹی ٹوئنٹی کیلیے ڈیڈ لائن گزرنے تک پلیئرز کے نام ارسال نہ کیے، لہذا بورڈ نے ازخود دونوں ٹیموں کا انتخاب کرلیا، البتہ کراچی کی دوسری ٹیم کے باہر ہونے کا خدشہ کم کرتے ہوئے کوالیفائنگ راؤنڈ کھیلنے والی بلوز میں کئی ٹیسٹ اسٹارز کو شامل کر لیا گیا ہے، قیادت شاہد آفریدی کریں گے، سرفراز احمد ان کے نائب ہیں، دیگر پلیئرز میں خرم منظور، خالد لطیف، اسد شفیق، شاہ زیب حسن، فواد عالم، انور علی، محمد سمیع، رومان رئیس، فراز احمد، محمد وقاص، فواد خان، عبدالامیر، شاہ زیب احمد، محمد حسن، سعد علی اور طاہر خان موجود ہیں۔
دوسری جانب پہلے سے مین راؤنڈ میں موجود بلوز ٹیم میں غیرمعروف کھلاڑیوں کو رکھا گیا ہے، ٹیسٹ بیٹسمین فیصل اقبال کپتان اور رمیز راجہ نائب ہوں گے، دیگر پلیئرز میں فضل سبحان، احسان علی،شہریارغنی،سعود شکیل، بابر آغا، سیف اﷲ بنگش، میر حمزہ، تابش خان، بابر رحمان، اعظم حسین، طاہر ہارون، مرزا احسن جمیل، جنید الیاس، رامیز عزیز، مرزا عدنان بیگ اور ماجد خان موجود ہیں۔ یاد رہے کہ عام طور پر وائٹس ٹیم میں اسٹارز اور بلوز میں نئے پلیئرز شامل ہوتے ہیں، مگر پی سی بی نے کراچی کی دونوں ٹیموں کو مین راؤنڈ کھلانے کیلیے یہ فیصلہ کیا، پریس ریلیز کے مطابق کھلاڑیوں کا انتخاب جونیئر سلیکشن کمیٹی کے سربراہ باسط علی اور کراچی ریجن کے پی سی بی ہیڈکوچ اعظم خان نے کیا۔ کوالیفائنگ ایونٹ یکم سے 5 ستمبر تک پنڈی کرکٹ اسٹیڈیم میں کھیلا جائے گا، یہی وینیو8 سے 15تاریخ تک مین راؤنڈ کا میزبان بھی ہوگا۔

Super League, Pakistan once again looked to the UAE ..


کراچی: قطرمیں ناکافی سہولتوں کے سبب پاکستان ایک بار پھر سپر لیگ کیلیے یو اے ای کی جانب دیکھنے لگا، کسی ایک وینیو کو ماسٹرز لیگ کیلیے مختص نہ کرنے کی درخواست کا سوچا جا رہا ہے۔
تفصیلات کے مطابق پی سی بی آئندہ برس ٹوئنٹی 20 لیگ کرانے کیلیے دن رات ایک کیے ہوئے ہے مگر مشکلات ختم ہونے کا نام ہی نہیں لے رہیں، اسے سابق کرکٹرز کی ماسٹرز لیگ کی وجہ سے متحدہ عرب امارات میں تین وینیوز حاصل کرنے میں دشواری کا سامنا ہے، اسی لیے قطر سے رابطہ کیا گیا مگر وہاں سہولتوں کی کمی ہے، بورڈ نے قطر کرکٹ ایسوسی ایشن کو خط لکھ کر میڈیا سینٹر کی تعمیر اور پویلینز کو کشادہ کرنے کا کہا مگر وہ اپنی جانب سے رقم خرچ کرنے کے موڈ میں دکھائی نہیں دیتا، کئی دیگر وجوہات کی بنا پر بھی پی سی بی حکام قطر میں ایونٹ کا انعقاد نہیں چاہتے، اسی لیے ایک بار پھر یو اے ای کرکٹ حکام سے رابطہ کر لیا گیا ہے، ان سے کہا گیا کہ لیگ کے لیے دبئی اسپورٹس سٹی ہی دے دیں۔
ماسٹرز لیگ کا انعقاد تو شارجہ اور ابوظبی میں بھی ہو سکتا ہے، پاکستان نے اس سلسلے میں اعلیٰ سطح پر بھی کوششیں شروع کر دی ہیں، اماراتی حکام نے مشورہ دیا ہے کہ پی سی بی ازخود ماسٹرز لیگ کے منتظمین سے درخواست کرے، مگر ذرائع نے بتایاکہ ماضی میں اس قسم کی کوششوں کا کوئی مثبت نتیجہ نہیں نکل سکا تھا،مالی خسارے کے خدشے کو مدنظر رکھتے ہوئے ماسٹرز ایونٹ کے منتظمین کوئی خطرہ مول نہیں لینا چاہتے، ان کے نزدیک دبئی اہم ترین وینیو ہے وہاں میچز نہ کرانا درست نہیں ہو گا۔ حالیہ اقدامات کے باوجود بھی اگر بات نہ بنی تو پاکستان کو مجبوراً ایونٹ کا انعقاد دوحا قطر میں ہی کرنا ہوگا۔

Altaf Hussain says ..


MQM gave Astafh ..