Showing posts with label Shuja Khanzada. Show all posts
Showing posts with label Shuja Khanzada. Show all posts

Tuesday, August 18, 2015

Shaheed Shuja Khanzada ..

Shaheed Shuja Khanzada

People light candles and oil lamps for the victims

People light candles and oil lamps for the victims
People light candles and oil lamps for the victims of yesterday´s blast near the residence of the home minister of Punjab province, Shuja Khanzada, in Karachi, Pakistan.

Shaheed Shuja Khanzada


Sunday, August 16, 2015

Shuja Khanzada buried ..

Attack In Attock

Shuja Khanzada Buried

Suicide attack in Attock, Punjab Home Secretary Shaheed Shuja ..

Suicide attack in Attock

Punjab Home Secretary Shaheed

Shuja Khanzada Shaheed


CM announces 3-day mourning on the death of Mr Khanzada ..

Shehbaz Shaif announces
لاہور: وزیراعلی پنجاب شہباز شریف نے کرنل (ر) شجاع خانزادہ کی خودکش حملے میں شہادت پر صوبے بھر میں 3 روزہ سوگ کا اعلان کیا ہے۔
ایکسپریس نیوز کے مطابق وزیراعلی پنجاب نے صوبائی وزیرداخلہ کی شہادت پر گہرے دکھ اور افسوس کا اظہار کرتے ہوئے صوبے بھر میں 3 روزہ سوگ کا اعلان کیا اور شہید کے لواحقین سے ہمدری اور اظہارتعزیت کیا۔ شہباز شریف کا کہنا تھا کہ شجاع خانزادہ دیانت، محنت اور جرأت کے اعتبار سے اپنی مثال آپ تھے جن کی دہشت گردی کے خلاف جنگ میں دی گئی قربانی رائیگاں جانے نہیں دیں گے۔ انہوں نے کہا کہ شجاع خانزادہ کی شہادت سے ملک سچے پاکستانی اور سیاستدان سے محروم ہوگیا سفاک قاتل عبرتناک انجام سے بچ نہیں پائیں گے۔
وزیراعلی پنجاب کا کہنا تھا کہ کرنل (ر) شجاع خانزادہ کی شہادت کے صدمے کوالفاظ میں بیان سے قاصر ہوں وہ میرے ساتھی تھے۔r

National action plan against terrorism will succeed if tried, Prime Minister Nawaz Sharif ..

اسلام آباد: وزیراعظم نواز شریف نے کہا ہے کہ حکومت نیشنل ایکشن پلان کو ہرصورت کامیاب بناکر دہشت گردوں کو ان کی کمین گاہوں سے ڈھونڈ کر ختم کریں گے۔
وزیراعظم نوازشریف نے وزیرداخلہ پنجاب شجاع خان زادہ کی شہادت پرگہرے دکھ اورافسوس کااظہارکرتے ہوئے کہا ہے کہ شجاع خان زادہ قوم کے بہادرسپوت تھے، دہشت گردی کےخلاف جنگ میں ان کی خدمات ہمیشہ یاد رکھی جائیں گی، ان کی قربانی رائیگاں نہیں جائےگی،دعا ہے کہ اللہ تعالی مرحوم کو اپنے جواررحمت میں جگہ دے اور لواحقین کو یہ صدمہ برداشت کرنے کی ہمت عطا فرمائے۔
وزیراعظم نے کہا کہ حکومت دہشت گردوں کے خلاف نیشنل ایکشن پلان کو ہرصورت کامیاب بنائے گی، شجاع خان زادہ کی شہادت سے دہشت گردی کو جڑسے اکھاڑنے کا پیغام ملا ہے، دہشت گردوں کو ان کی کمین گاہوں سے ڈھونڈ کر ختم کریں گے، قانون نافذ کرنے والے ادارے آخری دہشت گرد کے خاتمے تک اپنا کام جاری رکھیں۔

Army's intelligence agencies to reach the perpetrators of the attack on Mr Khanzada ..

راولپنڈی: آرمی چیف جنرل راحیل شریف نے انٹیلی جنس ایجنسیوں کو وزیر داخلہ پنجاب شجاع خانزادہ پرحملے کی تحقیقات اور اس کے ماسٹر مائنڈ تک پہنچنے کی ہدایت کردی ہے۔
ڈی جی آئی ایس پی آرمیجر جنرل عاصم سلیم باجوہ کے ٹوئٹر پرجاری پیغام کے مطابق آرمی چیف جنرل راحیل شریف کی شجاع خانزادہ پر حملے کی شدید مذمت کرتے ہوئے کہا ہے کہ شجاع خانزادہ ایک بہادر افسر تھے، انہوں نےعظیم مقصد کے لیے قربانی دی،پاکستان کو دہشت گردی سے پاک کرنے کے لئے شجاع خانزادہ کی قربانی رائیگاں نہیں جائے گی، ایسے بزدلانہ حملے ہمارا عزم متزلزل نہیں کرسکتے۔ انہوں نے انٹیلی جنس ایجنسیوں کو حملے کی تحقیقات اور مجرموں تک پہنچنے کی ہدایت کی۔
واضح رہے کہ اتوار کی صبح اٹک میں وزیر داخلہ پنجاب شجاع خانزادہ کے ڈیرے پر خودکش حملہ ہوا تھا جس کے نتیجے میں ان سمیت 12 افراد جاں بحق ہوگئے۔

Punjab minister Shaheed in suicide attack Shuja Khanzada ..

اٹک: وزیر داخلہ پنجاب شجاع خانزادہ اپنے ڈیرے پر ہونے والے خود کش حملے میں شہید ہوگئے۔ 
ایکسپریس نیوز کے مطابق وزیر داخلہ کرنل ریٹائرڈ شجاع خانزادہ اٹک میں اپنے گاؤں شادی خان میں اپنے گھر سے متصل ڈیرے پر علاقہ مکینوں کے مسائل سن رہے تھے کہ خود کش حملہ آور نے خود کو ان کے ڈیرے پر پہنچ کر اڑا دیا جس کے نتیجے میں پوری عمارت زمیں بوس ہو گئی۔  واقعے کے فوری بعد مقامی افراد نے اپنی مدد آپ کے تحت امدادی کارروائیاں شروع کردیں جب کہ اٹک سمیت راولپنڈی اور اسلام آباد کے اسپتالوں میں ایمرجنسی نافذ کردی گئی۔ مشیر صحت پنجاب ڈاکٹر سعید الہیٰ نے دھماکے میں شجاع خانزادہ سمیت 11 افراد کے جاں بحق جب کہ 32 کے زخمی ہونے کی تصدیق کردی ہے جب کہ متعدد افراد اب بھی ملبے تلے دبے ہوئے ہیں۔ بھاری مشینری نہ ہونے کے سبب امدادی کارروائیوں میں دشواری درپیش ہیں۔
دوسری جانب وزیراعلی پنجاب شہبازشریف نے کرنل ریٹائرڈ شجاع خانزادہ کے ڈیرے پر دھماکے کا نوٹس لیتے ہوئے فوری طور پر رپورٹ طلب کرلی ہے۔
صدر ممنون حسین اور وزیراعظم نواز شریف نے وزیرداخلہ پنجاب کرنل ریٹائرڈ شجاع خانزادہ پر خود کش حملے کی شدید مذمت کرتے ہوئے شجاع خانزادہ کی شہادت کو ملک و قوم کے لئے بڑا المیہ قرار دیا ہے۔ پاکستان تحریک انصاف کے چیرمین عمران خان کا کہنا ہے کہ شجاع خانزادہ پر خود کش حملے کی جتنی مذمت کی جائے کم ہے، شجاع خانزادہ تحریک انصاف کے بانی ارکان میں شامل تھے۔
واضح رہے کہ وزیر داخلہ پنجاب شجاع خانزادہ جنوبی پنجاب میں کالعدم تنظیموں کے خلاف سرگرمیوں میں پیش پیش تھے اور حساس اداروں نے بھی اپنی رپورٹس میں ان پر حملے کا خدشہ ظاہر کیا ہے۔