Showing posts with label Death. Show all posts
Showing posts with label Death. Show all posts

Tuesday, September 8, 2015

Young Immigrant Stunning Tribute ..

Young Immigrant Stunning Tribute

Syrian citizens stranded in Gaza and Morocco young immigrant stunning tribute

Syrian citizens stranded in Gaza and Morocco young immigrant stunning tribute
غزہ:  پوری دنیا کو تڑپادینے والے 3 سالہ شامی بچے ایلان کردی کی لاش ترکی کے ساحل سے ملنے کے بعد غزہ کے نوجوانوں نے اس بچے کی یاد میں ریت کا ایک مجسمہ تیار کیا ہے جو ہوبہو اس سے مشابہہ ہے جب کہ بچے کو خراج عقیدت پیش کرنے کے لیے مراکش کے شہری ساحل پر اسی انداز میں لیٹے رہے جس حالات میں اس معصوم کی لاش ملی۔
ترکی کے ساحل پر بنایا جانے والا ایلان کردی کا یہ مجسمہ عین اسی جگہ بنایا گیا ہے جہاں گزشتہ سال اسرائیلی فائرنگ سے 4 معصوم فلسطینی بچے شہید ہوگئے تھے۔
یہاں موجود ایک فلسطینی عروہ اربیجان نے بتایا کہ ایلان کے واقعے کے بعد انہیں بکرخاندان سے تعلق رکھنے والے 4 فلسطینی بچے یاد آئے جنہیں 2014 میں 50 روزہ جنگ کے دوران اسی ساحل پر گولی ماری گئی تھی۔
جولائی 2014 میں 10 سالہ احد اور زکریا، 9 سالہ محمد رمیز اور 11 سالہ اسماعیل کو اس وقت اسرائیلی فائرنگ سے شہید کردیا گیا تھا جو وہ اس ساحل پر کھیل رہے تھے۔
دوسری جانب مراکش کے شہر رباط کے ساحل پر درجنوں افراد نے ایلان کے سرخ کپڑے پہن کر اسی انداز میں ساحل پر لیٹ کر ایک انوکھے انداز میں اسی کی یاد کو زندہ کیا۔ نیلے اور سرخ کپڑے پہنے 30 افراد کم ازکم 20 منٹ تک ساحل پر اوندھے پڑے رہے۔ رباط میں موجود ایک صحافی راشد البلغاطی نے کہا کہ بحرِ اوقیانوس کو لوگوں کی آمدورفت کا ایک ذریعہ رہنا چاہیے تاکہ فسادات، اندرونی جنگوں اور آمریت کے ستائے ہوئے لوگوں کی آزادانہ نقل و حمل جاری رہے۔

Monday, September 7, 2015

World Smallest Man ..

Smallest Man

The world's smallest man died

لندن: دنیا کے سب سے پستہ قد انسان چندرا دنگی مختصر علالت کے بعد 75 سال کی عمر میں انتقال کرگئے ہیں۔
گنیز بک آف ورلڈ ریکارڈ کے مطابق نیپا سے تعلق رکھنے والے اس شخص کا قد صرف 21.5 انچ تھا۔ نمونیا کا شکار ہونے کے باعث چندرا دنگی ایک امریکی اسپتال میں زیرِ علاج تھے جہاں وہ انتقال کرگئے۔ انہوں نے انڈیا کے ریمبو سرکس میں بھی کام کیا تھا جہاں انہیں پیار سے شہزادہ چندرا کہا جاتا تھا۔ 2012 میں انہیں گنیز بک آف ورلڈ ریکارڈ کی جانب سے دنیا کے سب سے چھوٹے قد والے مرد کا اعزاز دیا گیا تھا۔
اسپتال کے ترجمان نے ان کی بیماری کی وجہ نہیں بتائی لیکن نیپال کے اخبار کھٹمندو پوسٹ کے مطابق وہ نمونیا میں مبتلا تھے۔ پہلے ان کا علاج نیپال میں کیا جارہا تھا لیکن حالت بگڑنے پر انہیں امریکا منتقل کیا گیا تھا جہاں وہ جانبر نہ ہوسکے۔

Monday, August 24, 2015

Chaudhry Nisar says ..

Chaudhry Nisar

All the terror network had collapsed, Chaudhry Nisar

All the terror network had collapsed,Chaudhry Nisar
اسلام آباد: وفاقی وزیر داخلہ چوہدری نثار علی کا کہنا ہے کہ قومی لائحہ عمل کے آغاز سے اب تک بہت کامیابیاں حاصل کیں اور اس وقت ملک میں دہشت گردی کے تمام نیٹ ورک کا خاتمہ ہوچکا ہے۔
اسلام آباد میں وفاقی کابینہ اجلاس کے بعد وفاقی وزیراطلاعات سینیٹر پرویز رشید کے ہمراہ نیوز کانفرنس کرتے ہوئے وزیر داخلہ چوہدری نثار نے کہا کہ گزشتہ 40 سے 50 سال میں قومی سلامتی اور اندرونی پالیسی میں جو بگاڑ پیدا ہوا اس کو درست کرنے کے لیے سالوں کا عرصہ درکار تھا لیکن قوم، میڈیا اور سول ملٹری کے گٹھ جوڑ سے نیشنل ایکشن پلان پر گزشتہ 8 ماہ سے درست طریقے سے کام ہوا جس کے باعث ملک کے تمام بڑے شہروں میں سیکیورٹی صورتحال پہلے سے کئی گنا بہتر ہے۔ انہوں نے کہا کہ نیشنل ایکشن پلان ایک مفصل پالیسی فریم ورک ہے اور قومی لائحہ عمل کے آغاز سے اب تک بہت کامیابیاں حاصل کیں،  ہم نے انٹیلی جنس کی بنیاد پر آپریشن پرتوجہ دی اور اس وقت ملک میں دہشت گردی کے تمام نیٹ ورک ختم ہوچکے ہیں جب کہ دہشت گردی میں مالی معاونت کے خاتمے کو بھی تیز کیا جارہا ہے۔
چوہدری نثار نے کہا کہ کسی بھی ملک میں سیکیورٹی پر سیاست نہیں ہوتی اور نیشنل ایکشن پلان پاکستان کی سیکیورٹی پالیسی ہے اس پر سیاست نہ کی جائے جب کہ حکومت اور وزارت داخلہ پر تنقید کرنا سب کا حق ہے لیکن صورتحال میں جو بہتری آئی اسے متنازعہ نہ بنایا جائے۔ انہوں نے کہا کہ صرف ملٹری آپریشن سے ملک میں دہشت گردی ختم نہیں ہوتی، 2009 میں 2 ملٹری آپریشن ہوئے لیکن حکومتی نا اہلی کے باعث دہشت گردی میں اضافہ ہوا جب کہ نیشنل ایکشن پلان کے بعد انٹیلی جنس کے بنیاد پر 5 ہزار 900 آپریشن کیے گئے، 62 ہزار کارروائیاں اور 68 ہزار گرفتاریاں ہوئی، ایک ہزار 114 دہشت گرد مارے گئے جب کہ 885 دہشتگرد گرفتار ہوئے اور کالعدم تنظیموں کے 7900 لوگ فورٹھ شیدول میں ڈالے گئے تاہم تحقیق اور تفتیش کے بعد بے گناہوں کو چھوڑ دیا جا تا ہے۔
وفاقی وزیرداخلہ کا کہنا تھا کہ سول ملٹری تعلقات اس وقت بہت مثالی ہیں اور بلاوجہ سول ملٹری تعلقات پر تنقید کرنا غلط ہے اس لیے اس پر رائے زنی نہیں کرنی چاہیے۔ انہوں نے کہا کہ پاکستان میں گزشتہ 13 سال سے دہشت گردی کی جنگ بغیر کسی منصوبہ بندی کے جاری تھی جب کہ دہشت گردی کے حوالے سے ہمارے کسی ادارے کے پاس کسی قسم کی کوئی معلومات ہی نہیں تھی لیکن اب تمام ڈیٹا ریکارڈ میں موجود ہے۔
چوہدری نثار نے کہا کہ کراچی میں بہت بڑی تبدیلی آئی ہے اور یہ جاری رہے گی، ہم کراچی کی صورتحال کو منطقی انجام تک پہنچائیں گے جب کہ رینجرز کی سپورٹ، صوبائی حکومت اور ایم کیو ایم کو راضی رکھنا وزارت داخلہ کا کام تھا۔ انہوں نے کہا کہ بلوچستان میں بھی مذاکراتی عمل شروع ہوچکا ہے وہاں پر 500 سے زائد فراری ہتھیار ڈال چکے ہیں وہاں بہت بڑا بریک تھرو ہونے والا ہے جب کہ صوبے کے حالات کی بہتری میں کمانڈرسدرن کمانڈ لیفٹیننٹ جنرل ناصر جنجوعہ کا بہت بڑا کردار ہے۔ انہوں نے مزید کہا کہ اب اگلے 6 ماہ ہماری توجہ فرقہ واریت کے خاتمے پر توجہ ہوگی اور یہ ہرگز برداشت نہیں کیا جائے گا کہ ایک دوسرے کو کافر کہا جائے جب کہ پاکستان کے مدرسے اسلام کے لیے کام کررہے ہیں اور محب وطن ہے لہٰذا مدرسوں کو بدنام نہ کیا جائے۔

Chaudhry Nisar

Tuesday, August 18, 2015

Indian President Pranab Mukherjee's wife dies ..

Indian President

 Pranab Mukherjee's wife dies

Indian President Pranab Mukherjee's wife dies
اسلام آباد / نئی دہلی: بھارتی صدر پرناب مکھر جی کی اہلیہ منگل کی صبح چل بسیں، ان کی عمر 74سال تھی۔
بھارت کے ایوان صدر راشٹر پتی بھون سے جاری بیان میں کہا گیا ہے کہ خاتون اول سورا مکھر جی صبح 10بجکر 51 منٹ پر چل بسیں۔ وہ طویل عرصے سے سانس کی تکلیف میں مبتلا تھیں اور 2 ہفتے قبل انھیں دل کا دورہ بھی پڑا تھا جس کے بعد وہ اسپتال میں تھیں اور انھیں مصنوعی تنفس دیا جا رہا تھا۔ وہ 2کتابوں کی مصنفہ بھی تھیں۔

India President


Tuesday, August 11, 2015

7 Diseases found that breathing can walk ..

ممبئ: اگر آپ کی سانسوں میں سے کسی قسم کی بوآرہی ہے تو ضروری نہیں کہ اس کی وجہ دانتوں اور مسوڑھوں کی خرابی ہی ہو بلکہ یہ ہماری کئی بیماریوں کا پتا دیتی ہے۔
منہ میں بدبو کی اہم وجہ زبان پر پائے جانے والے بیکٹیریا ہوتے ہیں جو ٹانسلزاورحلق میں بھی پائے جاتے ہیں یہ بیکٹیریا ہمارے منہ میں آنے والے غذاؤں میں پروٹین کو توڑتے ہیں لیکن اگر کوئی مکمل طور پرصحت مند نہ ہو تو ان بیکٹیریا کے لیے پروٹین کو توڑنا بہت مشکل ہوتا ہے۔
 سانس میں شکر والی ٹافی کی خوشبو کی وجہ ذیابیطس:
اگر سانس میں چینی لگی چھوٹی ٹافیوں کی بو آرہی ہو یا امونیا جیسی چبھتی ہوئی بو ہوتو یہ ٹائپ ون ذیابیطس کی وجہ ہوسکتی ہے اس کا مطلب یہ بھی ہوسکتا ہے کہ جسم میں انسولین کم ہونے سے چینی کے اجزا ٹوٹ کر توانائی نہیں دے پا رہے اور وہ چربی میں بدل رہے ہیں اس طرح کیٹونز نامی اجزا بن کر سانس میں آتے رہتے ہیں۔
کافور کی بو:
سائی نس انفیکشن میں سردرد، نزلہ اور چہرے کے اوپری حصے پر دباؤ ہوتا ہے اس کا اظہار بھی سانس میں ہوسکتا ہے اور اگر سانس میں کافور جیسی بو ہو تو یہ سائی نس انفیکشن کی علامت ہوسکتی ہے۔ اگر ناک بہتی ہو اور حلق میں بلغم جما ہو تو یہ ان ٹھوس پروٹین کو ظاہر کرتا ہے جنہیں بدن توڑ نہیں پاتا اور ان میں ایک بہت خاص بو ہوتی ہے۔
سانس میں خراب دودھ کی بو:
اگرآپ کی سانس میں خراب شدہ دودھ کی بو آرہی ہے تو یہ بدن میں کم کاربوہائیڈریٹس کی علامت ہوسکتی ہے۔ جسم میں کاربوہائیڈریٹس کم ہوں تو وہ چربی کو استعمال کرنا شروع کردیتا ہے اور ساتھ ہی پروٹین کو بھی استعمال کرتا ہے اس سے سانسوں میں پھٹے یا سڑے ہوئے دودھ کی بو آتی ہے اوراس کا آسان حل یہی ہے کہ خوراک میں کاربوہائیڈریٹس کا استعمال بڑھا دیا جائے۔
بدبودار گوشت کی بو ٹانسلز کی علامت:
ٹانسلزکے انفیکشن یا سوزش سے سلفر پیدا کرنے والے بیکٹیریا اس میں جمع ہونا شروع ہوجاتے ہیں اور اس سے سانس بہت بدبودار ہوجاتی ہے۔ بعض اوقات یہ بو جگر کے کینسر کو بھی ظاہر کرتی ہے اس کے لیے ڈاکٹر سے معائنہ کرانا بہتر ہوگا لہٰذا ایسی صورتحال میں پانی زیادہ پیئیں اور جراثیم کش محلول سے غرارے کرنے چاہیے۔
صبح اُٹھتے ہی منہ کی بدبو کا مطلب منہ کی خشکی ہے:
اگر نارمل برش کرنے سے منہ کی بدبو دور نہیں ہورہی تو منہ کی خشکی کو بھی اس کا ذمے دار ٹھہرایا جاسکتا ہے جسے زیروسٹومیا بھی کہتے ہیں۔ اس مرض میں منہ میں مناسب تھوک پیدا نہیں ہوپاتا، منہ میں تھوک کی کمی سے بیکٹیریا اپنی تعداد میں اضافہ کرتے رہتے ہیں اس لیے اگرمنہ کی خشکی بہت عرصے تک قائم رہے تو یہ دانتوں میں کیڑے اور مسوڑھوں کے مرض کی وجہ ہوسکتے ہیں اس کے علاوہ بہت زیادہ پیاس، ہونٹوں کے چٹخے ہوئے کنارے اور خشک گلا بھی منہ میں پانی کی کمی کی وجہ ہوتا ہے۔
سانس میں مچھلی کی بو خراب گردوں کی علامت:
جسم سے پیدا ہونے والی نائٹروجن کی بو بہت بری ہوتی ہے اگر کسی کے سانس سے مچھلی جیسی بو آرہی ہو تو اس کے گردے متاثر ہوسکتے ہیں۔ گردے اگر درست طور پر کام نہیں کررہے تو جسم میں نائٹروجن کی کمی ہونا شروع ہوجاتی ہے۔
خراب مسوڑھوں سے سانس میں فضلے کی بو:
مسوڑھوں کا انفیکشن بسا اوقات انسانی فضلے کی بو بھی پیدا کرسکتا ہے اس طرح منہ سے انسانی فضلے جیسی بو آتی ہے اس کا علاج یہ ہے کہ دانتوں کو اچھی طرح صاف کیا جائے اور خاص دھاگوں سے فلاسنگ کی جائے۔

Monday, August 3, 2015

Indian troops opened fire on the Line of Control ..


The bulk of India's population is suffering from severe poverty, survey

بھارت کی آبادی کا بڑا حصہ شدید غربت کا شکار ہے، سروے



نئی دلی: بھارت میں معاشی ، معاشرتی اور ذاتوں سے متعلق کئے گئے تازہ سروے  سے ثابت ہوا ہے کہ بھارتیوں کی اکثریت اس وقت شدید غربت کی شکار ہے ۔
مردم شماری میں بھارت کے طول وعرض میں 30 کروڑ گھرانوں کا سروے کیا گیا جس سے انکشاف ہوا کہ 73 فیصد آبادی دیہاتوں میں رہتی ہے جن میں سے صرف 5 فیصد ٹیکس دینے کی سکت رکھتی ہے صرف ڈھائی فیصد چار پہیوں کی سواری رکھتے ہیں اور 10 فیصد تنخواہ والی ملازمت کے حامل ہیں۔ اس کے علاوہ ان دیہاتوں میں صرف ساڑھے تین فیصد افراد گریجویٹ ہیں جب کہ 35 فیصد آبادی لکھنے یا پڑھنے سے قاصر ہے۔
اگرچہ بھارت میں غربت کی تعریف پر ہمیشہ بحث ہوتی رہی ہے لیکن 2014 میں پلاننگ کمیشن کی ایک رپورٹ کے مطابق بھارت کی قریباً 29 فیصد آبادی خطِ غربت سے نیچے زندگی گزاررہی ہے جن کی تعداد 36 کروڑ30 لاکھ سے زائد ہے جب کہ دیہاتوں میں 57 فیصد اور شہروں میں 47 فیصد افراد اپنی آمدنی صرف خوراک پر خرچ کرتے ہیں۔ مجموعی طور پر 73 فیصد آبادی کی ماہانہ آمدنی 5 ہزاربھارتی روپے سے بھی کم ہے۔