England were stacked in the history of the dream eyes ..

Ashes Series

Austraila vs England

England were stacked in the history of the dream eyes

لندن: انگلینڈ اور آسٹریلیا کے درمیان پانچواں اور آخری ایشز ٹیسٹ جمعرات سے اوول لندن میں شروع ہورہا ہے۔

میزبان ٹیم نے نئی تاریخ رقم کرنے کا خواب آنکھوں میں سجالیا، کپتان الیسٹرکک نے کھلاڑیوں پر واضح کردیا کہ 4-1 کی فتح سے کم کچھ قبول نہیں ہوگا، جیمز اینڈرسن سائیڈ اسٹرین تکلیف سے نجات حاصل نہیں کرپائے۔دوسری جانب آسٹریلیا بحالی وقار کیلیے میدان میں اتریگا، کپتان کلارک اور کرس روجرز آخری مرتبہ انٹرنیشنل کرکٹ کا لطف اٹھائینگے۔

تفصیلات کے مطابق انگلینڈ پہلے ہی 3-1 کی ناقابل شکست برتری سے ایشز ٹرافی اپنے نام کرچکا، اب اس کی نگاہیں فتح کا مارجن 4-1 کرنے پر مرکوز ہوچکی ہیں۔ انگلینڈ نے ہوم گراؤنڈز پر آسٹریلیا کیخلاف ایک سیریز میں کبھی4 ٹیسٹ نہیں جیتے، اگر اس بار ٹیم سرخرو ہوئی تو یہ مائیک بریرلی کی زیرقیادت1978-79 میں5-1 سے فتح کے بعد پہلی بڑے مارجن سے جیت ہوگی،اس سے گذشتہ ٹور کے دوران آسٹریلیا میں 0-5 سے وائٹ واش کی خفت بھی کسی حد تک دور ہوجائے گی۔ کپتان الیسٹرکک نے ٹیم پر واضح کردیا کہ وہ آخری میچ میں کامیابی کیلیے پوری قوت صرف کردیں۔

انھوں نے تسلسل کیساتھ عمدہ بیٹنگ پر جوئے روٹ کو بھی سراہا۔ انگلش ٹیم کو اوول میں بھی جیمز اینڈرسن کی خدمات حاصل نہیں ہوں گی، وہ سائیڈ اسٹرین کی وجہ سے چوتھا ٹیسٹ بھی نہیں کھیل پائے تھے، اس طرح بولنگ اٹیک کو بدستور اسٹورٹ براڈ لیڈ کریں گے جنھوںنے ٹرینٹ برج میں 8 وکٹیں لے کر آسٹریلیا کو پہلی اننگز میں خاک چٹا دی تھی۔ دوسری جانب آسٹریلیا کے پاس یہ ٹیسٹ جیت کر صرف بحالی وقار کا ہی آپشن باقی بچا ہے، کپتان کلارک اور اوپنر کرس روجرز کا یہ آخری ٹیسٹ ہے، وہ پہلے ہی ایشز کے بعد ریٹائرمنٹ کا اعلان کرچکے ہیں۔ کلارک نے اپنی ٹیم کو ہدایت کی کہ بہترین کھیل سے میچ جیتنے کیلیے اپنی پوری قوت کا مظاہرہ کریں۔

Ashes Series 2015