Ashfaq Ahmad in Baba Sahba : Bay Haqeeqat

میں جس شے کا خواہشمند ہوں ، وہ مجھے جب نہیں ملتی تو میں بڑا مایوس اور دلبرداشتہ ہو جاتا ہوں ۔ اس مایوسی کا کوئی علاج ہے ؟ ذرا سوچو کہ وہ چیزیں اور وہ صورتیں اور وہ لوگ جن پر تم جان چھڑکتے تھے ، اور وہ تمہارے لیے بہت ہی قیمتی تھے اب وقت گذرنے پر وہ اس قدر کم قیمت کیوں ہو گئے بے حقیقت کیوں ہو گئے تمہاری نظروں سے گر کیوں گئے ۔ تم دیکھو گے کہ ان سب چیزوں کی قدر و قیمت صرف تمہارے ذہن میں تھی اصل میں یہ اس قدر قیمتی نہ تھے ۔ اب تمہارا ذہن تبدیل ہو گیا اور یہ سب بھی ختم ہو گئے ۔