Showing posts with label Games. Show all posts
Showing posts with label Games. Show all posts

Saturday, August 8, 2015

Snooker event: Indian players born in Pakistan ..

 کراچی: عالمی اسنوکر ایونٹس میں شرکت کیلیے آنے والے بھارتی کھلاڑیوں نے پاکستان آمد پر خوشی کا اظہا رکرتے ہوئے ملنے والی پذیرائی اور مہمان نوازی کو قابل تعریف قرار دیا ہے۔
6 ریڈ مینز ٹورنامنٹ میں اپنے اعزاز کا دفاع کرنے والے بھارت کے پنکج ایڈوانی نے کہا کہ وہ پاکستان آکر ایسا محسوس کررہے ہیں کہ جیسے ہم اپنے گھر میں ہوں، دنیا کے بہترین کھلاڑیوں میں شامل بھارتی کیوئسٹ نے فراہم کردہ سہولیات کی تعریف کرتے ہوئے کہا کہ پاک بھارت کے درمیان کھیلوں کو فروغ دیکرباہمی تعلقات کو بہتر بنایا جاسکتا ہے۔
کھیلوں کوسیاست سے الگ رکھنا ضروری ہے، انھوں نے کہاکہ ایونٹ میں سخت مقابلے متوقع ہیں، مگر وہ اپنے اعزاز کو برقرار رکھنے کی ہرممکن کوشش کریں گے، بھارت کی صف اول کی خاتون کھلاڑی امی کمانی، 6 ریڈ ویمن چیمپئن ودیا پلے اور ایشین ویمن برانز میڈلسٹ چترا نے بھی پاکستان آنے پر مسرت کا اظہار کرتے ہوئے کہا کہ آمد سے قبل ذہن میں تصور تھا کہ ایسے ملک جارہے ہیں ۔
جہاں دہشت گردی ہے مگر یہاں آکرایسا لگا کہ جیسے اپنے ہی گھر میں ہوں، انھوں نے کہا کہ سخت حفاظتی انتظامات و اقدامات کی وجہ سے پاکستان آکر گھومنے اور شاپنگ کرنے کی خواہش پوری ہوتی نظرنہیں آرہی، انھوں نے کہا کہ پاکستان میں ملنے والی مہمان نوازی نے ہمارے دل موہ لیے ہیں، دونوں ممالک کے مابین کھیلوں کے زیادہ سے زیادہ مقابلے دلوں کو قریب لانے کا سبب بن سکتے ہیں، ایونٹ میں آنے سے2روز قبل تک ویزے نہ ملنے کے سبب شش و پنج میں مبتلا تھے۔

Sunday, August 2, 2015

Special Olympics Games 2015 ..



لاس اینجلس: اسپیشل اولمپکس ورلڈ گیمز میں پاکستان کا سفر 14 گولڈ میڈلز کیساتھ اپنے اختتام کو پہنچ گیا، قومی دستے میں شامل ایتھلیٹس نے توقعات کے عین مطابق شاندار کارکردگی کا مظاہرہ کرتے ہوئے11 سلور اور8 برانز سمیت مجموعی طور پر صرف 9کھیلوں میں 52 تمغے حاصل کیے۔
مقابلوں کے آخری روز پاکستان نے سونے کا مزید ایک میڈل جیتا، بیڈمنٹن کے مکسڈ ڈبلز فائنل میں جہانزیب اور میمونہ نے پہلی پوزیشن کیساتھ گولڈ میڈلز کی تعداد میں اضافہ کیا، قومی اسپیشل کھلاڑیوں نے ایتھلیٹکس میں بھی مزید 2میڈلز جیتے، لانگ جمپ میں امجد اسلام نے چاندی، ثاقب وسیم نے کانسی کا تمغہ جیتا، ٹینس میں پاکستانی کھلاڑیوں نے ایک چاندی اور ایک کانسی کا تمغہ جیتا، سنگلز میں محمد آصف قیوم نے سلور اور احسن انور نے برانز میڈ ل لیا۔ پاکستانی ٹینس کھلاڑیوں نے آٹھ سال کے طویل عرصے کے بعد اسپیشل اولمپکس ورلڈگیمز میں شرکت کی اور انتہائی متاثر کن کارکردگی کا مظاہرہ کیا۔اسی طرح مقابلوں کے آخری روز قومی یونیفائیڈ باسکٹ بال ٹیم نے بھی سلور میڈل حاصل کرکے اپنی بہترین کارکردگی دکھائی۔ فیصل خورشید اور رقیہ نے ٹیبل ٹینس کے مکسڈ ڈبلز میں کانسی کا تمغہ جیت لیا۔ پاکستان نے سائیکلنگ میں سب سے زیادہ سونے کے 6 تمغے جیتے۔ بیڈمنٹن میں تین، سوئمنگ میں دو جبکہ ایتھلیٹکس، ٹیبل ٹینس اورٹینس میں سونے کا ایک ایک میڈل پاکستان کے حصے میں آیا۔
ایتھلیٹکس میں قومی کھلاڑیوں نے چاندی کے 4، سوئمنگ اور سائیکلنگ میں 2،2 جبکہ ٹینس، روایتی باسکٹ بال اور یونیفائیڈ باسکٹ بال میں ایک ایک چاندی کا تمغہ حاصل کیا۔ ایتھلیٹس نے کانسی کے تین،ٹیبل ٹینس کھلاڑیوں نے دو میڈل پائے، سائیکلنگ ، ٹینس اور فٹبال میں ایک ایک کانسی کا تمغہ پاکستان کے ہاتھ آیا اور یوں قومی دستہ مجموعی طور پر 52 میڈلز اپنی تجوری میں بھر کر 3 الگ الگ پروازوں کے ذریعے وطن واپس روانہ ہو گا۔ پاکستان اسپیشل اولمپکس کی چئیرپرسن رونق لاکھانی دیگر آفیشلز کے ہمراہ لاس اینجلس میں قومی دستے میں شامل کھلاڑیوں کا ہر لمحہ حوصلہ بڑھاتی رہیں، انھوں نے پاکستان کی کارکردگی کو بہترین قرار دیتے ہوئے کھلاڑیوں اور آفیشلز کو مبارکباد دی۔ رونق لاکھانی کا کہنا تھا کہ گیمز کیلیے پاکستانی کھلاڑیوں نے شبانہ روز محنت کی اور وہ سمجھتی ہیں کہ کارکردگی توقعات کے عین مطابق رہی اور انھیں یقین ہے کہ ان کھیلوں میں شاندار پرفارمنس سے ملک میں اسپیشل کھلاڑیوں کے درمیان کھیلوں میں آگے بڑھنے کا جذبہ پروان چڑھے گا۔

Saturday, August 1, 2015

Special Olympics, took their gold medal cycling Pakistan ..

اسپیشل اولمپکس؛ پاکستان نے سائیکلنگ میں گولڈ میڈل اپنے نام کر لیا


لاس اینجلس: اسپیشل اولمپکس ورلڈ گیمز میں پاکستان نے مزید 3 طلائی تمغے جیت لیے، توصیف الحسن نے 10 کلو میٹرسائیکلنگ ریس میں ہدف کو حاصل کرنے کے لیے صرف 22 منٹ کا وقت صرف کیا، ٹیبل ٹینس میں عارف قیوم اور انوار الحسن نے میدان مارا، ملک کو ابتدائی گولڈ میڈل جیتنے والے عاصم زار نے ایک چاندی کا تمغہ بھی اپنے نام کرلیا، ایتھلیٹکس کے100 میٹر ایونٹ میں سائرہ اکرام نے بھی دوسری پوزیشن حاصل کی۔
تفصیلات کے مطابق اسپیشل کھلاڑیوں کے عالمی مقابلے امریکی شہر لاس اینجلس میں جاری ہیں ، ایونٹ میں دنیا بھر سے آئے ہوئے خصوصی پلیئرز صلاحیتوں کے بھرپور جوہر دکھا رہے ہیں، پاکستانی کھلاڑیوں کا جوش وجذبہ دن بدن بڑھتا ہی جارہا ہے اور وہ ہر آنے والے دن پہلے سے بہتر پرفارمنس دے رہے ہیں، آئندہ دو روز بھی انھوں نے کئی مقابلوں میں شرکت کرنی ہے۔ پاکستانی دستے کے ہمراہ آئے ہوئے آفیشلز کھلاڑیوں سے بھی زیادہ پرجوش ہیں جس طرح وہ کھلاڑیوں کا خیال رکھ رہے ہیں وہ اپنی مثال آپ ہے۔
جمعے کے روز توصیف الحسن نے سائیکلنگ مقابلوں میں سونے کا تمغہ جیت کر پاکستانی مہم کو مزیدتقویت بخشی۔ انھوں نے لانگ بیچ پر سائیکلنگ کے 10کلو میٹر ایونٹ میں مقررہ فاصلہ 22 منٹ میں طے کر کے گولڈ میڈل جیتا۔قومی ٹیم کے ہمراہ آفیشل کی حیثیت سے لاس اینجلس آنے والے انیس الرحمان اوررباب کی خوشی دیدنی تھی جب توصیف الحسن نے سونے کا تمغہ اپنے نام کیا۔
نمائندہ ’’ایکسپریس‘‘ سے گفتگو میں انیس الرحمان نے کہا کہ میڈل سے زیادہ انھیں خوشی اس بات کی ہے کہ کھلاڑی نے ہمت ہارنے کی بجائے آگے بڑھنے کی جستجو کا شاندار مظاہرہ کیا ہے۔
اس سے قبل ٹیبل ٹینس میں پاکستان کے عارف قیوم نے سنگلز اور انوار الحسن نے ڈبلز میں پاکستان کو سونے کے تمغوں کا حقدار ٹھہرایا۔ مقابلوں کے ساتویں روز دو پاکستانی کھلاڑیوں نے دو چاندی کے تمغے بھی جیتے ان میں ایتھلیٹکس کے سو میٹر ایونٹ میں سائرہ اکرام نے مقررہ فاصلہ 18 سیکنڈ میں طے کر کے دوسری پوزیشن حاصل کی جبکہ پاکستان کیلیے پہلا سونے کا تمغہ جیتنے والے عاصم زار نے ایک سلورمیڈل بھی اپنے نام کیا، انہوں نے پچاس میٹر سوئمنگ ایونٹ میں دوسری پوزیشن حاصل کی، انھوں نے مقررہ فاصلہ 58 سیکنڈ میں طے کیا۔
باسکٹ بال کے ایک میچ میں پاکستان نے پولینڈ کو ہرا دیا تاہم فٹبال میںا سکواڈ برانز میڈل کے لیے ایکشن میں دکھائی دے گا ، اسکواڈ فائنل کے لیے کوالیفائی کرنے سے محروم رہ گیا۔ دوسری طرف ٹینس کی میڈلز تقریب میں سابق امریکی ٹینس اسٹار پیٹ سمپراس نے اسپیشل پلیئرز کو میڈلز پہنائے، اس موقع پر انھوں نے پلیئرزکی بھرپور حوصلہ افزائی کی۔

Tuesday, July 28, 2015

Special Olympics Games 2015 ..

اسپیشل اولمپکس گیمز 2015 کی امریکا میں رنگا رنگ افتتاحی تقریب

فوٹو: اے ایف پی

فوٹو: اے ایف پی

فوٹو: اے ایف پی

فوٹو: اے ایف پی

فوٹو: اے ایف پی

فوٹو: اے ایف پی

فوٹو: اے ایف پی