Showing posts with label Newzeland. Show all posts
Showing posts with label Newzeland. Show all posts

Wednesday, August 19, 2015

Amla century at the foot of the failures redeemed ..

South Africa vs New Zeland

Hashim Amla Century

Amla century at the foot of the failures redeemed
سنچورین: ہاشم آملا نے سنچری داغ کر ناکامیوں سے دامن چھڑالیا، سیریز کے پہلے ون ڈے انٹرنیشنل میں جنوبی افریقہ نے نیوزی لینڈ کو20 رنز سے ہرادیا، اوپنر کے 124رنز کی بدولت پروٹیز نے 7 وکٹ پر 304 کا مجموعہ ترتیب دیا، کیویز جوابی اننگز میں 284 پر ہمت ہارگئے، ٹام لیتھم کی ففٹی رائیگاں گئی۔
تفصیلات کے مطابق جنوبی افریقی بیٹسمین ہاشم آملا نے سنچری سے فارم میں واپسی کا اعلان کیا، انھوں نے126 گیندوں پر 124رنز بٹورے، اس اننگز میں 13چوکے اور 3چھکے شامل رہے،آملا نے ریلی روسیو (89) کے ہمراہ دوسری وکٹ کیلیے 185 کی شراکت بناکر ٹیم کا مجموعہ 7 وکٹ پر 304تک پہنچانے میں کلیدی کردار ادا کیا۔
اس دوران اوپنر کو74 کے انفرادی اسکورپر ایک چانس بھی ملا، کولن منرو کی گیند پر کور پوزیشن پر موجود ٹام لیتھم ڈائیو لگانے کے باوجود کیچ نہیں تھام سکے، مہمان ٹیم جوابی اننگز میں 48.1 اوورز میں 284رنز بناکر آؤٹ ہوگئی، اوپنر ٹام لیتھم 60 اورکین ولیمسن47 رنز بناکر پویلین واپس گئے، مارٹن گپٹل25رنزسے آگے نہ بڑھ سکے،جمی نیشم نے41 اورکولن منرو نے 33رنز بناکر بڑے ہدف کا تعاقب کرنا چاہا مگر ناکام رہے، ڈیل اسٹین، ورنون فلینڈر، عمران طاہر اور ڈیوڈ ویسی نے 2،2 کھلاڑیوں کو آؤٹ کیا۔

South Africa vs New Zeland

Tuesday, August 18, 2015

NZ vs SA,, 1 ODI ..

New Zealand vs South Africa

3 ODI Series

New Zealand vs South Africa 3 ODI Series
سنچورین: جنوبی  افریقہ اور نیوزی لینڈ کے درمیان 3 ون ڈے میچز کی سیریز کا آغاز بدھ سے سنچورین میں ہورہا ہے۔
پروٹیز نے کیویز سے ورلڈ کپ کا بدلہ چکانے کی ٹھان لی، اسٹارز سے عاری مہمان سائیڈ پر کاری ضرب لگانے کی منصوبہ بندی تیار ہوگئی، سیریز جیتنے کی صورت میں میزبان ٹیم حریف سے رینکنگ میں تیسری پوزیشن بھی چھین لے گی، دوسری جانب ٹوئنٹی20 سیریز کی برابری نے نیوزی لینڈ کے حوصلے بلند کردیے۔
ایک روزہ طرز میں بھی ٹیم حریف پر دھاک بٹھانے کیلیے پُراعتماد ہے۔ تفصیلات کے مطابق رواں برس مارچ میں آکلینڈ میں منعقدہ ورلڈ کپ سیمی فائنل میں نیوزی لینڈ نے جنوبی افریقہ کو حیران کن طور پر مات دے کر ایونٹ سے باہر کردیا تھا، اب دونوں ٹیموں کا ایک بار پھر اسی فارمیٹ میں سنچورین کے سپراسپورٹس پارک میں مقابلہ ہورہا ہے،اس بار انھیں اپنے اہم کھلاڑیوں کی خدمات حاصل نہیں ہیں۔
خصوصاً مہمان ٹیم زیادہ تر نوجوان کھلاڑیوں پر مشتمل ہے، پلیئر مینجمنٹ پالیسی کے تحت مستقل کپتان میک کولم اور فاسٹ بولر ساؤتھی کو آرام دیا گیا،انجریز کے باعث ٹرینٹ بولٹ، کورے اینڈرسن، روس ٹیلر اور مچل سینٹنر کی خدمات حاصل نہیں ہیں۔ قیادت اس وقت کین ولیمسن کے ہاتھوں میں ہے۔
اس کمزور سائیڈ کے باوجود کیویز دوسرا ٹوئنٹی 20 جیت کر سیریز برابر کرنے میں کامیاب رہے تھے، وہ مقابلہ بھی سنچورین میں ہی کھیلا گیا جس کے بعد میزبان کپتان ڈی ویلیئرز نے کنڈیشنز کو شدید تنقید کا نشانہ بنایا تھا، اس کے بعد سے گراؤنڈز مین گھاس پر اسپرے اور دیگر اقدامات سے بہتری کیلیے کوشاں ہیں۔ میزبان سائیڈ میں فاسٹ بولرز اسٹین، فلینڈر اور لیگ اسپنر عمران طاہر کی واپسی ہوگی، البتہ مورن مورکل کی خدمات میسر نہیں ہوں گی۔
وہ بھی بیٹسمین پال ڈومنی کی طرح عنقریب والد بننے کی خوشخبری ملنے کی وجہ سے چھٹیوں پر ہیں۔ اس وقت رینکنگ میں نیوزی لینڈ تیسرے جبکہ پروٹیز ایک پوائنٹ پیچھے چوتھے  نمبر پر موجود ہیں،اگر وہ یہ سیریز جیت گئے تو کیویز سے تیسری پوزیشن چھین سکتے ہیں،دوسری جانب کامیابی ملنے پرکیویزاپنی جگہ کو مزید مستحکم کر لیں گے۔

New Zealand vs South Africa


Sunday, August 16, 2015

Newzeland vs Sri Lanka,, 2 T20 ..

Newzeland vs Sri Lanka

Newzeland vs Sri Lanka, 2 T20
سنچورین: نیوزی لینڈ نے دوسرے ٹی ٹوئنٹی میں جنوبی افریقا کو 32 رنز سے شکست دے کر 2 میچز پر مشتمل سیریز 1-1 سے برابر کردی۔
سنچورین کے سپراسپورٹس پارک میں کھیلے گئے میچ میں مہمان نیوزی لینڈ نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 177 رنز بنائے جس میں مارٹن گپٹل کے 6 چوکوں اور 3 چھکوں کی مدد سے 35 گیندوں پر 60 رنز نمایاں ہیں۔ کین ولیمسن 25، ٹام لیتھم 3، گرینٹ ایلیٹ 20، جیمس نیشام 28، لیوک رونچی 6 اور کولن مونرو 18 رنز بنا کر آؤٹ ہوئے۔ ہدف کے تعاقب میں میزبان جنوبی افریقا شروع سے ہی شدید مشکلات کا شکار رہی اور مقررہ اوورز میں 8 وکٹوں کے نقصان پر 145 رنز ہی بنا سکی۔
کیویز بولنگ لائن کے سامنے پروٹیز بیٹنگ لائن دباؤ کا شکار دکھائی دی اور کھلاڑی وقفے وقفے سے گراؤنڈ میں آتے اورپھر چلے جاتے۔ اوپننگ بلے باز مورنے وینک 3 رنز بنانے کے بعد آؤٹ ہوئے، ہاشم آملہ 14، کپتان اے بی ڈویلیئرز 15، ریلے روسو 26، فرحان بہاردین 36، ڈیوڈ ملر29، جب کہ ڈیوڈ ویسے اور ایرون فینگیسو 2،2 رنز بنا کر آؤٹ ہوئے۔ نیوزی لینڈ کے نیتھن میکولم،مچل میکلینگن اورایش سودھی نے 2،2 جب کہ ایڈم ملنے اور جیمس نیشام نے ایک ایک وکٹ حاصل کی۔ بہترین کارکردگی پیش کرنے والے کیویز بلے باز مارٹن گپٹل کو میچ اور سیریز کا بہترین کھلاڑی قرار دیا گیا۔

Friday, August 7, 2015

New Zealand beat Zimbabwe in the ODI series ..


ہرارے: نیوزی لینڈ نے زمبابوے کو تیسرے ایک روزہ میچ میں 38 رنز سے شکست دے کر 3 میچوں کی سیریز 1-2 سے اپنے نام کرلی۔
ہرارے اسپورٹس کلب میں کھیلےگئے میچ میں نیوزی لینڈ نے زمبابوے کو 38 رنز سے شکست دے کر3 میچوں کی سیریز 1-2 سے اپنے نام کرلی۔ زمبابوے کی جانب سے مساکیڈزا اور چھیبابا نے 97 رنز کی عمدہ آغاز فراہم کیا تاہم اس کے بعد وقفے وقفے سے وکٹیں گرنے کا سلسلہ جاری رہا اور پوری زمبابوین ٹیم 235 رنز پر پویلین لوٹ گئی، سین ولیمسن 63 رنز بنا کر سرفہرست رہے۔ نیوزی لینڈ کی جانب سے مچل مکھلنگن نے 3 سودی نے 2 وکٹیں حاصل کیں۔ کین ولیمسن کو عمدہ کارکردگی پر مین آف دی میچ اور مین آف دی سیریز  دیا گیا۔
اس سے قبل میزبان ٹیم کے کپتان ایلٹن چکمبورا نے ٹاس جیت کر پہلے کیویز کو بیٹنگ کی دعوت دی تو مقررہ 50 اوورز میں مہمان نیوزی لینڈ نے 6 وکٹوں کے نقصان پر 273 رنز بنائے۔ مارٹن گپٹل 42،  ٹام لیتھم 16، کین ولیمسن 90، کولن مونرو 9، گرینٹ ایلیٹ 36 اور لیوک رونچی 7 رنز بنا کر آؤٹ ہوئے جب کہ جیمس نیشم 37 اور نیتھن میکیولم 25 رنز بنا کر ناٹ آؤٹ رہے۔ زمبابوے کی جانب سے گریم کریمر 3، جان نیمبو 2 اور سین ولیمز نے ایک وکٹ حاصل کی۔

Sunday, August 2, 2015

NZ VS Zim ,, 1 ODI ..


NZ VS Zim,, 1 ODI ..


ہرارے: زمبابوے نے ون ڈے میچ میں نیوزی لینڈ کی جانب سے دیا گیا پہاڑ جیسا ہدف باآسانی عبور کرکے کرکٹ کی تاریخ میں نیا باب رقم کردیا۔
ہرارے اسپورٹس کلب میں کھیلے گئے 3 ایک روزہ میچز پر مشتمل سیریزکے پہلے میچ میں زمبابوے نے نیوزی لینڈ کو باآسانی 7 وکٹوں سے شکست دے کر مہمان ٹیم کے لئے خطرے کی گھنٹی بجا دی جب کہ اسے سیریز میں 0-1 کی برتری بھی حاصل ہوگئی۔ زمبابوین کپتان ایلٹن چکمبورا نے ٹاس جیت کر پہلے مہمان ٹیم کو بیٹنگ کی دعوت دی تو نیوزی لینڈ نے مقررہ 50 اوورز میں روز ٹیلر کی سنچری کی بدولت 4 وکٹوں کے نقصان پر 303 رنز بنائے، کیویزٹیم کا پہاڑ جیسا ہدف زمبابوین بلے بازوں کو دباؤ میں نہ لاسکا اور بیٹسمینوں نے کیویز بولرز کی خوب جم کر پٹائی کی۔
زمبابوین اوپننگ بلے باز ہیملٹن مساکدزا اور چاموچیباہا نے پہلی وکٹ پرشاندار 72 رنز کی شراکت قائم کی اور چیباہا کے 42 رنز بنانے کے بعد آؤٹ ہونے کے بعد مساکدزا اور کریگ ایرون نے کیویز بولرز کا بھرکس نکالنے کا سلسلہ جاری رکھا اور دونوں بلے بازوں نے شاندار کھیل پیش کرتے ہوئے دوسری وکٹ پر 120 رنز کی شراکت قائم کی۔ ٹیم کا مجموعہ 194 رنز تک پہنچا تو مساکدزا 84 رنز بنا کر نیتھن میکولم کی گیند پر کیچ آؤٹ ہوگئے جب کہ کپتان ایلٹن چکمبورا 26 رنز بنا سکے۔ جارح مزاج بلے باز کریگ ایرون 5 چھکے اور 11 چوکوں کی مدد سے 108 گیندوں پر 130 رنز اور سین ولیمز 7 رنز بنا کر ناٹ آؤٹ رہے۔
اس سے قبل کیویز ٹیم نے پہلے بیٹنگ کی تو مارٹن گپٹل 11، ٹام لیتھم 14، کین ولیمسن 97، گرینٹ ایلیٹ 43 رنز بنا کر آؤٹ ہوئے جب کہ روز ٹیلر 112 اور جیمز نیشم 14 رنز کے ساتھ ناٹ آؤٹ رہے۔ زمبابوے کی جانب سے تیناشے پنینگارا نے 2 اور چیباہا نے ایک وکٹ حاصل کی اور میچ میں بہترین کارکردگی پیش کرنے والے زمبابوین بلے باز کریگ ایرون کو میچ کا بہترین کھلاڑی قرار دیا گیا۔

Saturday, September 8, 2012

UpComing Series In September..!!


Series B/w India Vs Newzeland
#         Date & Time                  Match                  Venue
1.    08 Sep,2012  1:30 PM GMT IND vs NZ    ACA-VDCA Stadium, Visakhapatnam
2.    11 Sep,2012  1:30 PM GMT IND vs NZ    MA Chidambaram Stadium, Chennai

Series B/w England Vs Southafrica
#         Date & Time                  Match                  Venue
1 08 Sep,2012  1:30 PM GMT ENG vs SA    Riverside Ground, Chester-le-Street
2 10 Sep,2012  5:30 PM GMT ENG vs SA    Old Trafford, Manchester
3 12 Sep,2012  5:30 PM GMT   ENG vs SA    Edgbaston, Birmingham