Showing posts with label Army. Show all posts
Showing posts with label Army. Show all posts

Tuesday, September 8, 2015

Army Chief Raheel Sharif Address ..

Military Leadership Commitment

The full answer will be given every external aggression, Military Leadership Commitment

The full answer will be given every external aggression, Military Leadership Commitment
راولپنڈی: عسكری قیادت نے اس عزم كا اظہار كیا ہے كہ ملك سلامتی پر كوئی آنچ نہیں آنے دی جائے گی اور ہر بیرونی جارحیت كا بھرپور جواب دیا جائےگا۔
پاک فوج کے شعبہ تعلقات عامہ (آئی ایس پی آر) کے مطابق جنرل ہیڈ کوارٹرز میں آرمی چیف کی زیر صدارت کور کمانڈرز کانفرنس ہوئی جس میں عسکری قیادت نے پیشہ ورانہ امور، اندرونی وبیرونی سلامتی كی صورتحال بشمول دہشت گردوں  كے خلاف جاری اور مستقبل میں  كیے جانے والے فوجی آپریشنز پر تفصیلی تبادلہ خیال كیا۔
ذرائع نے بتایا كہ كانفرنس كے شركا نے گزشتہ 2 ماہ كے دوران بھارت كے ساتھ لائن آف كنٹرول اور وركنگ باونڈری پر پائی جانے والی كشیدگی  پر بھی غور كیا جب کہ عسكری قیادت نے اس عزم كو دہرایا كہ كسی بھی بیرونی جارحیت كا منہ توڑ جواب دیا جائے گا اور ملكی سلامتی پر كوئی آنچ نہیں  آنے دی جائے گی۔
اجلاس میں شریك كمانڈرز نے افغانستان كی صورتحال اور قبائلی علاقوں میں دہشت گردوں  كے خلاف جاری آپریشنز بلخصوص ’’ضرب عضب‘‘ میں ہونے والی پیش رفت پر بھی غوروغوص كیا۔ ذرائع كے مطابق جنرل راحیل شریف نے فوجی آپریشنز میں حاصل ہونے والی كامیابیوں پر اطمینان كا اظہار کرتے ہوئے كہا كہ ملك بھر میں دہشت گردوں كا قلع قمع كیا جائے گا اور پاك سرزمین كو شدت پسندوں  سے مكمل طور پر ’’پاک‘‘ كرایا جائے گا۔
جنرل راحیل شریف کا کہنا تھا کہ آخری دہشت گرد كے خاتمے یا گرفتاری تك شدت پسندوں  كے خلاف جنگ اور كاروائیاں  جاری رہیں گی۔ ذرائع نے بتایا كہ كانفرنس كے دوران ڈائریكٹر جنرل ملٹری آپریشنز میجر جنرل عامر ریاض نے شركاءكو افغان حكام كے ساتھ سیكورٹی معاملات پر ہونے والی حالیہ بات چیت كے بارے میں  بھی آگاہ كیا۔

Sunday, September 6, 2015

Army chief's speech

Army chief's speech

We are conventional or unconventional war, Army Chief

راولپنڈی: پاک فوج کے سربراہ جنرل راحیل شریف کا کہنا ہے کہ ہم روایتی اور غیر روایتی جنگ کے لیے تیار ہیں، دشمن نے اگر جارحیت کی کوشش کی تو اسے بھرپور طاقت سے جواب ملے گا جب کہ کشمیر برصغیر کی تقسیم کا نامکمل ایجنڈا ہے اور مسئلہ کشمیر کے حل کے بغیر دیرپا امن ممکن نہیں ہے۔
یوم دفاع کے 50 سال مکمل ہونے پر شہدائے پاکستان کو خراج عقیدت پیش کرنے کے لیے جی ایچ کیو راولپنڈی میں یوم دفاع کی مرکزی تقریب کا انعقاد کیا گیا ،تقریب کے مہمان خصوصی آرمی چیف جنرل راحیل شریف تھے جب کہ ایئرچیف مارشل سہیل امان، نیول چیف ایڈمرل ذکااللہ اورچیرمین جوائنٹ چیفس آف اسٹاف کمیٹی جنرل راشد محمود، پاکستان میں تعینات غیرملکی سفیر اور شہدا وطن کے عزیزواقارب کی بھی بڑی تعداد میں موجود تھی ،تقریب  میں چیرمین سینیٹ رضا ربانی،وزیردفاع خواجہ آصف، اپوزیشن لیڈرخورشیدشاہ، وفاقی وزرا اور دیگر افراد بھی موجود تھے۔
http://www.express.pk/wp-content/uploads/2015/09/q16.jpg
http://www.express.pk/wp-content/uploads/2015/09/chief.jpg
تقریب سے خطاب کرتے ہوئے آرمی چیف جنرل راحیل شریف کا کہنا تھا کہ آج کا یوم دفاع خاص اہمیت کا حامل ہے کیوں کہ 6 ستمبر ہماری قومی تاریخ میں روشن باب کی حیثیت رکھتا ہے جب کہ پاکستان آج پہلے سے زیادہ مضبوط اور پاکستانی قوم پہلے سے زیادہ پرعزم ہے۔ انہوں نے کہا کہ سانحہ پشاور ظلم و بربریت کی انتہا تھی اور سانحے کے شہدا نے ملکی یکجہتی میں کلیدی کردار ادا کیا جب کہ سانحہ پشاورمیں ملوث زیادہ تردہشتگرد اپنے انجام کوپہنچ چکے ہیں اور ہم دہشت گردوں کے مددگار اور سہولت کاروں کو بھی کیفردار تک پہنچا کر دم لیں گے۔ انہوں نے کہا کہ نوجوان نسل قوم کا مستقبل ہے اور افواجِ پاکستان اپنے ملک کے نوجوانوں کے جنون اور جذبے کیساتھ کھڑی ہے جب کہ میں شہدا وطن کو خراج تحسین پیش کرتا ہوں اور اس عہد کو دہراتا ہوں کہ شہدا کے خون کو کبھی رائیگاں جانے نہیں دوں گا۔
http://www.express.pk/wp-content/uploads/2015/09/q17.jpg
پاک فوج کے سربراہ نے کہا کہ مجھے فخرہےمیں جنگی اعتبارسے دنیا کی بہترین فوج کاکمانڈرہوں، ہماری فوج کا کوئی ثانی نہیں اور افواج پاکستان اندرونی اور بیرونی خطرات سے نمٹنے کی بھرپور صلاحیت رکھتی ہے جب کہ کراچی اور بلوچستان میں سول ملٹری قیادت امن قائم کرنے میں کامیاب رہی اور یہ عمل بھرپور طریقے سے منتقی انجام تک پہنچایا جائے گا۔ انہوں نے کہا کہ پاکستانی میڈیا نے دہشتگردوں کا اصل چہرہ قوم کے سامنے پیش کرکے کلیدی کردارادا کیا، اب ریاست کے تمام اداروں کو نیشنل ایکشن پلان پر خلوص نیت سے عمل کرنا ہوگا تاکہ نیشنل ایکشن پلان کے مقاصد جلد حاصل ہوسکیں۔
http://www.express.pk/wp-content/uploads/2015/09/q25.jpg
http://www.express.pk/wp-content/uploads/2015/09/chief1.jpg
جنرل راحیل شریف نے کہا کہ گزشتہ کئی سالوں سے پاکستان کو غیر روایتی جنگ کا سامنا ہے اور ہم روایتی اور غیر روایتی جنگ کے لیے تیار ہیں، چاہے”ہاٹ اسٹارٹ” ہو یا “کولڈاسٹارٹ” ہم تیارہیں جب کہ دشمن نے اگر جارحیت کی کوشش کی تو اسے ناقابل برداشت قیمت چکانی پڑے گی اور اسے بھرپور طاقت سے جواب دیا جائے گا۔
http://www.express.pk/wp-content/uploads/2015/09/q35.jpg
انہوں نے کہا کہ کشمیری عوام 7 دہائیوں سے ظلم سہہ رہے ہیں، کشمیر برصغیر کی تقسیم کا نامکمل ایجنڈا ہے اور مسئلہ کشمیر کے حل کے بغیر دیرپا امن ممکن نہیں ہے جب کہ وقت آگیا ہےکہ اب مسئلہ کشمیراقوام متحدہ کی قراردادوں کےمطابق حل ہو۔
http://www.express.pk/wp-content/uploads/2015/09/q45.jpg
آرمی چیف کا کہنا تھا کہ افغانستان میں بگڑتی ہوئی صورتحال پر تشویش ہے اور ان کے ساتھ ہمارا تاریخی اور خون کا رشتہ ہے جو کوئی نہیں توڑ سکتا جب کہ ہم نے افغانستان میں قیام امن کے لیے مخلصانہ کوششیں کی تاہم کچھ امن دشمن طاقتیں ہماری کوششوں کو نقصان پہنچانے میں مصروف ہیں، لیکن وہ کبھی اپنے ناپاک مقاصد میں کامیاب نہیں ہوں گی۔ انہوں نے کہا کہ پاک چین اقتصادی راہداری منصوبہ قومی فریضہ ہے اور یہ منصوبہ نہ صرف پاکستان بلکہ پورے خطے کے لیے بہت اہم ہے جب کہ فوج اس منصوبے کی تکمیل میں اپناکردارادا کرے گی۔ انہوں نے مزید کہا کہ بے گھر ہونے والے افراد کا واپسی کا عمل شروع ہوچکا ہے۔

Tribute to Sher Khan Shaheed !! Pakistan Army Zindabad !!

The battle between the US Army ..

The battle between the US Army

30 US troops killed in the war between the pillows

واشنگٹن: انسان کی نفسیات ہے کہ جب وہ کسی سخت اور محنت طلب کام سے تھک جاتا ہے تو اسے ذہنی سکون کے لیے تفریح کی ضرورت ہوتی ہے اسی لیے امریکی فوج کے کیڈٹ بھی سال بھر کی سخت ٹریننگ کے بعد ہلکی پھلکی تفریح کے لیے تکیوں کی لڑائی لڑتے ہیں اور ایک دوسرے پر خوب تکیے برساتے ہیں لیکن اس بار یہ لڑائی خونی رنگ اختیار کر گئی اور اس میں 30 کیڈٹ زخمی ہوگئے۔
امریکی میڈیا کے مطابق امریکی ملٹری اکیڈمی میں ہر سال کیڈٹ کی سالانہ ٹریننگ کے اختتام پر تکیوں کی لڑائی کا ایونٹ منعقد کیا جاتا ہے تاکہ یہ کیڈٹ سال بھر کی تھکاوٹ کو ہلکی پھلکی شرارتوں سے دور کر سکیں لیکن اس بار کچھ من چلے کیڈٹس نے تکیوں میں روئی کے ساتھ کچھ سخت اشیا بھی ڈال دیں جس نے کئی کیڈیٹ کو زخمی کردیا۔
رپورٹ کے مطابق تکیوں کی اس جنگ میں 30 کیڈٹس زخمی ہوگئے جس میں سے 24 تو میدان میں بے ہوش ہو گر پڑے اور ایک کی ٹانگ ٹوٹ گئی جب کہ کچھ کے کندھے اتر گئے اور یوں یہ تفریح ان کے لیے پریشانی کا باعث بن گئی۔ اکیڈمی کے ترجمان لیفٹیننٹ کرنل کرسٹو فر کاسکار کا کہنا ہے کہ یہ تکیوں کی لڑائی 1897 میں شروع ہوئی تھی اور آئندہ بھی جاری رہے گی جب کہ وہ اس بات کی تفتیش کر رہے ہیں کہ اس بے ضرر لڑائی میں کیڈٹ زخمی کیسے ہوئے۔
دوسری جانب  تاین ویسٹ ہوائنٹ اکیڈمی کا کہنا ہے کہ کوئی بھی کیڈٹ شدید زخمی نہیں ہوا بلکہ سب اپنی ڈیوٹی پر چلے گئے ہیں جب کہ امریکی اخبار نیو یارک ٹائمز نے ویسٹ اکیڈمی کے اس مؤقف کی  تردید کرتے ہوئے اس لڑائی کی ویڈیو آن لائن پوسٹ کردی ہے جس میں واضح طور پر دیکھا جاسکتا ہے کہ کچھ کیڈٹ نے جنگی حفاظتی لباس اور ہیلمٹ پہن رکھے ہیں۔

US Army

Defence Day ..

Defence Day

Lyrics I've got the summer, still forces are standing with Pakistan, Artist

لاہور: آج پوری قوم یوم دفاع 6ستمبر بھر پور انداز سے منا رہی ہے۔ زندگی کے تمام شعبوں سے تعلق رکھنے والوں کی طرح فنون لطیفہ سے وابستہ لوگ بھی پیش پیش ہیں۔ سرکاری اورنجی چینلزپرخصوصی نشریات پیش کی جائیں گی جب کہ  1965ء کی جنگ کے ہیروز کوشاندارانداز سے ٹریبیوٹ بھی پیش کیے جائینگے۔
اس حوالے سے ’’ایکسپریس‘‘سے بات کرتے ہوئے صدارتی ایوارڈ یافتہ گلوکارہ شاہدہ منی نے کہا کہ پاک وطن کی تاریخ میں ماہ ستمبرکوایک خاص مقام حاصل ہے۔ 1965ء میں جب دشمن ملک بھارت کی بزدل فوج نے اچانک راتوں رات پاکستان پر حملہ کیا تو افواج پاکستان نے انہیں اپنے جوابی حملے میں ایسا سبق سکھایا کہ اس کے بعد ناصرف بھارت بلکہ پوری دنیا کواس بات کا بخوبی اندازہ ہوگیا کہ پاکستان کا دفاع کرنے کے لیے ہمارے جوان ہردم تیارہیں۔ وہ اپنی قیمتی جانوں کا نذرانہ توپیش کرسکتے ہیں لیکن دشمن کے سامنے سر نہیں جھکا سکتے۔
اداکارہ ثناء نے کہا کہ 6 ستمبرکا دن یوم دفاع کے نام سے منایا جاتا ہے۔ اس حوالے سے ملک بھرمیں خصوصی تقریبات کا انعقاد کیاجاتاہے جب کہ  سرکاری اورنجی چینلز پرخصوصی پروگرام بھی ٹیلی کاسٹ کیے جاتے ہیں۔ ملی نغموں سے ستمبرکی جنگ میں شہید ہونے والے جوانوں کوجہاں خراج عقیدت پیش کیا جاتا ہے ، وہیں پاکستان کے ان عظیم گلوکاروںکوبھی ٹریبیوٹ پیش کیاجاتا ہے جنھوں نے ایسے ملی نغمے ریکارڈ کروائے جن کوسن کرآج بھی فوجی جوان ہی نہیں بلکہ عام لوگ بھی وطن عزیز کی حفاظت کے لیے دشمن سے لڑنے مرنے کو تیار ہو جاتے ہیں۔
گلوکارہ ترنم ناز نے کہا کہ 1965ء کی جنگ میں پاکستان کی مسلح افواج کے جوانوں نے دشمن کا ڈٹ کرمقابلہ کیا اورانہیں واپس جانے پرمجبورکردیا۔ فوجی جوانوں اورلوگوںکا حوصلہ بڑھانے کے لیے ملکہ ترنم نورجہاں نے ریڈیو پاکستان پرجاکرملی نغمے ریکارڈ کروائے‘ ان کی ان خدمات کو کبھی فراموش نہیں کیا جاسکتا۔ اداکارعدنان صدیقی نے کہا کہ فنون لطیفہ سے وابستہ لوگ آج بھی ماضی کی طرح افواج پاکستان کے ساتھ کھڑے ہیں۔ جس طرح پہلے خصوصی ملی نغمے بنتے رہے ہیں۔
اسی طرح آج بھی تمام لوگ افواج پاکستان کو ٹریبیوٹ اورقوم کویکجاکرنے کے لیے ایسے گیت بنا رہے ہیں جن کا مقصد دشمن تک اس پیغام کو پہنچانا ہے کہ وہ کسی غلط فہمی میں نہ رہے اوراگرانھوں نے دوبارہ ایسی کوئی غلطی کی توپھران کی اینٹ سے اینٹ بجا دی جائے گی۔ ہمیں اپنی فوج اوراس کے سپاہیوں پرفخر ہے۔ اداکارکاشف محمود نے کہا کہ افواج پاکستان کے تمام جوانوں کوسلام پیش کرتا ہوں کہ جوسرحدوں پردن رات پاک سرزمین کی حفاظت کررہے ہیں۔
جب ہم لوگ اپنے گھروں میں آرام کے ساتھ سورہے ہوتے ہیں تواس وقت ہمارے فوجی جوان دشمن کے ناپاک ارادوں کوخاک میں ملانے کے لیے اپنے فرائض انجام دیتے ہیں۔ اداکارمعمررانا نے کہا کہ ہماری فوج ایک طرف دہشتگردوں سے مقابلہ کررہی ہے اوردوسری طرف ہمارے دشمن کوبھی ان کے ناپاک عزائم سے خبرداررکھتی ہے۔ جہاں تک بات 65ء کی جنگ کی ہے تووہ جنگ تاریخ کاحصہ بن چکی ہے۔ اس موقع پرجس طرح سے افواج پاکستان نے ملک کا دفاع کیا اس کی کوئی دوسری مثال نہیں ملتی‘ ہمیں اپنی فوج کے جوانوں پرفخر ہے۔

Defence Day


Saturday, August 8, 2015

HRCP : aik shandar kitaab,, By Zahida Hina ..


Occupied Kashmir, Indian security forces killed 2 young ..

سری نگر: مقبوضہ کشمیر میں بھارتی فوجیوں نے اپنی ریاستی دہشتگردی کی تازہ کارروائی کے دوران جمعہ کو ضلع پلوامہ میں 2 نوجوانوں کو شہید کردیا ۔
کشمیر میڈیا سروس کے مطابق فوجیوں نے نوجوانوں کوضلع کے علاقے کپواڑہ میں تلاشی اور محاصرے کی ایک پرتشددکارروائی کے دوران ایک مکان کو تباہ کرنے کے بعد شہید کیا۔ ایک نوجوان کی شناخت طالب حسین شاہ کے طورپر ہوئی ہے جو پوسٹ گریجویشن کر رہا تھا۔ آخری اطلاعات ملنے تک علاقے میں فوجی کارروائی جاری تھی۔
علاقے میں بڑی تعداد میں نوجوانوں نے سڑکوں پر نکل کر بھارت مخالف اور آزادی کے حق میں مظاہرے کیے۔ مظاہرین کو منتشر کرنے کے لیے پولیس نے طاقت کا وحشیانہ استعمال کیا جس سے متعدد افراد زخمی ہوگئے۔مظاہرے کے بعد ضلع کے علاقے کاکہ پورہ میں کرفیو نافذ کر دیا گیا۔ اودھم پورمیں سنگھ پولیس چوکی پر ایک حملے میں 3 اسپیشل پولیس افسروں سمیت متعدد پولیس اہلکار زخمی ہو گئے۔