Ashfaq Ahmad Baba Sahba

مجھ میں بڑے آدمیوں سے مرعوب ہونے کا بڑا ملکہ ہے  اور میں ہر بڑے آدمی سے فوراً متاثر ہو کو اس کے سامنے سر نگوں ہو جاتا ہوں ۔  میں پاکستان کے ان کروڑوں انسانوں میں سے ہوں  جو اپنی عاجزی ، فروتنی ، کمترینی،اور بیچارگی کے زور پر بڑے بڑے  متکبر ، گھمنڈی  ، خودپرست ، اور خود بین فرعونوں کو جنم دیتے ہیں اور ان کے جلوسوں کے آگے ناچتے گاتے " آوے ای آوے " کے  نعرے مارتے جاتے ہیں ۔ ہمیں صاحبان حیثیت سے کچھ مطلوب نہیں ہوتا  نہ ہی ہم ان سے کسی رعایت  کے طلبگار ہوتے ہیں ۔  ہم صرف ان کے گن گانے  کے لیے پیدا  ہوتے ہیں ، اور انہین جتلائے  بغیر ساری زندگی ان کے گن  گا کر ختم ہو جاتے ہیں ۔

 

اشفاق احمد بابا صاحبا صفحہ 58