Apne ahesas se choo kar mujhe sandal kar do
Main k sadiyon se adhura hoon mukamal kar do
Na tumeen hosh rahe na mujhe hosh rahe
Is qadar tuut k chaho mujhe pagal kar do
Tum hatheli ko mere pyaar ki mahndi se rango
Apni aankhon main mere name ka kajal kar do
Is k saye main mere khuwab dhak utheen ge
Mere chere pe chamakta huwa aanchal kar do
dhuop hi dhuop hoon main tuut kar barsoo muj par
Is qadar barsoo meri ruh main jal thal kar do
jaise sahraoon main har sham hawa chalti hay
Is tara muj main chalo aur mujhe thal kar do
Tum chupa lo mera dil onth main apne dil ki
Aur mujhe meri nigahoon se bhi ojhal kar do
Maslah hoon to nigaheen na churao muj se
Apni chahat se tuwajho se mujhe hal kar do
Apne gham se kaho har waqt mere sath rahe
Aik ahesaan karo is ko musalsal kar do
Muj par chaa jao kisi aag ki tara janaaa
Aur meri zaat ko sokha huwa jungal kar do...
No comments:
Post a Comment