Bilawal addressed the rally ..

  

Super League players also uary separation ..

کراچی: سپر لیگ سے پاکستانی کھلاڑیوں کے بھی وارے نیارے ہو جائیں گے۔

پی سی بی آئندہ برس فروری میں ٹوئنٹی 20 لیگ کرانے کے لیے سرگرم ہے، یو اے ای کے گراؤنڈز مصروف ہونے کی وجہ سے قطر میں مقابلوں کا انعقاد ہوگا، ایونٹ میں شرکت کرنے والے کھلاڑیوں کو بھاری معاوضوں کی ادائیگی ہوگی، ابتدائی طور پر تین کیٹیگریز بنانے کی تجویز سامنے آئی ہے۔

اے میں اپنے ملک میں سپراسٹار درجے کے حامل آئیکون کرکٹرز شامل ہوں گے، پاکستان کی جانب سے مختصر طرز کی ٹیم کے کپتان شاہد آفریدی سمیت چند کرکٹرز کو یہ اسٹیٹس مل سکتا ہے، اس میں شامل ایک لاکھ ڈالر (ایک کروڑ سے زائد پاکستان روپے) حاصل کریں گے، اگر کسی ٹیم کے 8میچز ہونے ہیں اور کوئی پلیئر ان میں سے بعض نہ کھیل سکا تو اسے شرکت کرنے والے مقابلوں کے لحاظ سے ادائیگی ہو گی۔ ابتدائی تجویز کے مطابق بی کیٹیگری میں شامل کھلاڑیوں کو60 ہزار اور سی کو40 ہزار ڈالر دیے جائیں گے۔ اس تجویز کو ابھی پی ایس ایل حکام کی حتمی منظوری درکارہے۔

اس وقت غیرملکی کرکٹرز سے رابطوں کا سلسلہ جاری ہے، زبانی طور پر تو دلچسپی کا اظہار کیا گیا مگر تاحال ایک بھی کھلاڑی سے معاہدہ نہیں ہو سکا، کرکٹ بورڈ کے لیے سب سے بڑا مسئلہ یہ ہے کہ فروری میں سوائے پاکستان اور ویسٹ انڈیز کے کوئی اور ٹیم فارغ نہیں، ایسے میں موجودہ کھلاڑیوں سے معاہدہ دشوار ہو گا، حال ہی میں ریٹائر ہونے والے کئی معروف کرکٹرز اس وقت یو اے ای میں ماسٹرز لیگ کھیل رہے ہوں گے، ایسے میں ایونٹ میں اسٹارز کی آمد پاکستان کے لیے سخت چیلنج ہے۔

Book shelves ..

ڈاکٹر محمد رشید فاصلاتی تعلیم کے شعبے میں پاکستان کی ایک جانی مانی شخصیت ہیں۔ انہوں نے 33 برس تک علامہ اقبال اوپن یونیورسٹی کے فاصلاتی اور غیر رسمی تعلیم کے شعبہ کی سربراہی کی۔

آج کل پرسٹن یونیورسٹی اسلام آباد کے ساتھ ڈین فیکلٹی آف ایجوکیشن کے طور پر منسلک ہیں۔ قومی اور بین الاقوامی سطح پر 200 سے زائد تحقیقی مقالوں اور کتب کے مصنف ہیں۔ سٹاف ڈویلپمنٹ، غیر رسمی تعلیم، تعلیم کے شعبے میں تحقیق، فاصلاتی تعلیم اور تعلیم سے متعلق ٹیکنالوجیز کا مؤثر استعمال جیسے موضوعات ان کی خصوصی توجہ کا مرکز ہیں۔

زیر نظر کتاب ایم فل اور پی ایچ ڈی کے تحقیقی مقالے لکھنے والوں کے لیے کسی نعمت سے کم نہیں۔ اس کتاب کو تحریر کرنے کے پیچھے مصنف کا یہی مقصد کارفرما تھا کہ تحقیقی مقالہ لکھنے والے طالب علم ان تکنیکی باریکیوں سے نآشنا ہوتے ہیں جو ایک کامیاب مقالہ لکھنے کے لیے درکار ہوتی ہیں۔ اس معاملے میں رہنمائی کی بہت ضرورت ہوتی۔

مقالے کے موضوع کے انتخاب‘ مقالے کے سپروائزر (نگران) کی طالب علم سے توقعات طالب علم اور سپروائزر کے باہمی تعلق، تحقیق کے طریقہ کار، مقالے کی تکمیل‘ اسے پیش کرنے کے اسلوب اور ViVA سے متعلق تمام تکنیکی تفصیلات انتہائی وضاحت کے ساتھ اس کتاب میں یکجا کردیا گیا ہے۔ کتاب کے اندروہ تمام امورمثالوں کے ساتھ واضح کیے گئے ہیں جن کی کسی تحقیقی مقالے میں پیش آنے کا امکان ہوسکتا ہے۔

اس کتاب کا جائزہ لینے کے بعد میں یہ کہہ سکتا ہوں کہ تحقیقی مقالہ لکھنے والے طالب علموں کے لیے یہ کتاب مکمل رہنمائی فراہم کرتی ہے اور اس بات کی روشنی میں کام کرنے کی صورت میں غیر ضروری توانائیاں صرف کیے بغیر بہترین نتائج حاصل کیے جاسکتے ہیں۔ بڑے سائز کی پیپر بیک کتاب کی قیمت محض 220 روپے ہے۔ نیشنل بک فاؤنڈیشن نے اس کی اشاعت کا اہتمام کیا ہے اور اس بات کا خیال رکھا ہے کہ ہر طالب علم سہولت کے ساتھ اسے خرید سکے۔

پنجابی لوک داستانیں
دنیا کی ہر زبان، اس زبان کے بولنے والے اور ان کی تہذیب اپنی لوک داستانوں اور کہانیوں کے ساتھ زندہ رہتی ہے۔ انسان اپنے تہذیبی ارتقاء کے ابتدائی دور ہی میں یہ حقیقت جان گیا تھا کہ کسی بات کو بالواسطہ انداز میں آگے بڑھاکر کیا فوائد حاصل کیے جاسکتے ہیں۔تو داستانیں کسی معاشرے کی اجتماعی کاوش کے نتیجہ میں غیر ارادی طور پر ابھرتی ہیں اور بجا طور پر اس معاشرے کی اجتماعی فکر، زاویۂ نظر، رسم و رواج اور اقدار کی عکاسی کرتی ہیں۔

اسی لیے کسی مخصوص سماجی اکائی سے تعارف حاصل کرنے کے لیے لوک داستانوں، لوک شاعری اور موسیقی کو بنیادی اہمیت حاصل ہوتی ہے۔ زیر نظر کتاب ’’پنجاب لوک داستانیں‘‘ معروف صحافی اور ادیب شفیع عقیل مرحوم نے اردو کے قالب میں ڈھال کر مرتب کیا تھا اور یہ اس کتاب کا چوتھا ایڈیشن ہے۔ 1963ء میں ’’پنجابی لوک کہانیاں‘‘ کے نام سے ان کی کتاب کا یونیسکو نے دنیا کی سات زبانوں میں ترجمہ شائع کیا تھا۔ اس موضوع پر یہ ان کی دوسری کتاب ہے جسے نیشنل بک فاؤنڈیشن نے شائع کیا ہے۔

269 صفحات پر مشتمل کتاب میں کل 20 کہانیاں شامل ہیں۔ یہ سب وہ کہانیاں ہیں جو ہماری گزری نسلوں نے صدیوں تک سینہ بہ سینہ ایک دوسرے کو منتقل کی ہیں۔ موجودہ دور کی ہوشر با تبدیلیوں کی زد میں آکر بچوں کو کہانیاں سنانے کی روایت دم توڑ رہی ہے۔ شاید ہمارا تعلق اس آخری نسل سے ہے جس نے اپنے بچپن میں اپنی ماؤں، دادیوں اور نانیوں سے یہ کہانیاں سنی ہوں گی۔ نیشنل بک فاؤنڈیشن نے اس مشترکہ ورثے کو اردو زبان میں محفوظ کرکے بڑا کام کیا ہے۔

فاؤنڈیشن کے منیجنگ ڈائریکٹر ڈاکٹر انعام الحق جاوید نے کتاب کے پیش لفظ میں لکھا ہے کہ ادارہ پاکستان کے دیگر علاقوں کی سوک داستانوں کو بھی اردو زبان میں پیش کرنے کے منصوبوں پر کام کررہا ہے۔ علاقائی زبانوں اور ثقافتوں کی یہ ایک بڑی خدمت ہوگی۔ معیاری کاغذ پر چھپی اس پیپر بیک کتاب کی قیمت صرف 180 روپے ہے۔

بلھے شاہ (منتخب کلام مع اردو ترجمہ)
بلھے شاہ قصوری صوفی شاعر تھے جنہوں نے اپنے ٹھیٹھ پنجابی کلام کے ذریعے عوام تک اپنے خیالات پہنچائے اور لوگوں کو حق و صداقت سے آگاہی کا پیغام دیا۔ بابا بلھے شاہ کے اشعار نہ صرف عوام میں قبولیت کی سند سے ہمکنار ہوئے بلکہ ان کے بہت سے مصرعے ضرب المثل بن گئے۔

زیر تبصرہ کتاب میں بلھے شاہ کی 65 منتخب کافیوں اور 20 دوہڑوں کا نثری اردو ترجمہ ڈاکٹر امجد علی بھٹی نے پیش کیا ہے تاکہ اردو زبان بولنے والے بھی اس کی چاشنی سے لطف اٹھاسکیں۔ سید بلھے شاہ کے اشعار میں معاشرہ میں رائج روایات کا تذکرہ بھی ملتا ہے۔ مترجم نے بلھے شاہ کے کلام کا ترجمہ انتہائی خوبصورت اور آسان اردو میں کیا ہے۔

سید بلھے شاہ ایک عالم، فاضل شخصیت تھے آپ کو فقہ، حدیث، تفسیر، منطق اور دیگر اسلامی علوم پر عبور حاصل تھا۔ آپ نے روحانی تربیت شاہ عنایتؒ لاہوری سے حاصل کی تھی اور شاہ عنایتؒ لاہوری ہی آپ کے پیرو مرشد تھے۔ بلھے شاہ نے اپنے کلام میں مخلوق کو انسان دوستی، خدمت خلق، اتحاد، یگانگت اور محبت و پیار کا درس دیا ہے۔ آپ کا کلام آج بھی مردہ دلوں کو زندگی اور مایوسی میں جدوجہد کا درست دیتا ہے۔

ڈاکٹر امجد بھٹی نے اردو ترجمہ کرکے پیغام محبت کو عام کرنے کی قابل تحسین کوشش کی ہے۔کتاب نیشنل بک فاؤنڈیشن اسلام آباد نے شائع کی، اس کی قیمت 120 روپے ہے۔

قائد اعظم محمد علی جناحؒ
مصنف: حکیم عنایت اللہ نسیم سوہدروی
بانی پاکستان قائد اعظم محمد علی جناحؒ کی زندگی پر بہت سی کتابیں لکھی گئی ہیں، مگر انھیں پڑھنے کے بعد بھی قاری تشنگی محسوس کرتا ہے کیونکہ ان کتابوں میں اس عظیم رہنما کی زندگی کا مکمل احاطہ نہیں کیا گیا ہے، کسی میں ذاتی زندگی اور کردار کو فوقیت حاصل ہے تو کسی میں صرف سیاسی کردار کو بیان کیا گیا ہے۔

اصل بات یہ ہے کہ قائد اعظم کی شخصیت کا ہر پہلو ایک علیحدہ تمکنت لئے ہوئے ہے، کوئی بھی لکھاری جب اس پر قلم اٹھاتا ہے تو وہ اسی میں گم ہو کر رہ جاتا ہے جو قائد اعظم کی شخصیت کی ہمہ گیری کی نشاندہی کرتا ہے۔ قائد اعظم کے سیاسی کردار پر تو بالخصوص بہت زیادہ لکھا گیا ہے حتیٰ کہ ان کی تقاریر بھی شائع کی گئی ہیں ۔ زیر تبصرہ کتاب کی یہ خوبی ہے کہ مصنف نے اس میں قائد اعظم کے خاندانی، سیاسی، علمی غرض ہر پہلو کو سامنے لانے کی کوشش کی ہے۔

جس کے لئے انھوں نے متعدد کتابوں سے بھی استفادہ کیا ہے، اس کتاب کی دوسری بڑی خوبی یہ ہے کہ مطالعے سے نہ صرف قاری قائد اعظم کی زندگی میں آنے والے نشیب و فراز سے آگاہ ہو تا چلا جاتا ہے بلکہ تحریک پاکستان سے بھی اسے پوری آگہی ملتی ہے ۔ مصنف نے تقسیم بنگال سے لے کر پاکستان بننے تک جو واقعات پیش آئے انھیں بڑی تفصیل سے بیان کیا ہے۔ گویا قاری بیک وقت بانی پاکستان کی ذاتی زندگی اور پاکستان کی تاریخ سے آگاہ ہوتا ہے۔ کتاب کی تربیت حکیم راحت نسیم سوہدروی نے کی ہے، مجلد کتاب کو خوبصورت ٹائٹل کے ساتھ نشریات ، اردو بازار، لاہور نے شائع کیا ہے۔

علامہ اقبال کا تصور ریاست اور دوسرے مضامین
مصنف: ڈاکٹر وحید قریشی‘مرتب:ڈاکٹر رفیع الدین ہاشمی 
قیمت: 300 روپے‘ناشر:بزم اقبال2کلب روڈ لاہور۔
ڈاکٹر وحید قریشی، نامور محقق ،نقاد اور شاعر، برسوں پنجاب یونیورسٹی میں فارسی اور اردو کے استاد رہے، متعددکئی علمی اداروں کی سربراہی کی۔ مقتدر ہ قومی زبان اسلام آباد کے صدر نشین بھی رہے۔

زیرتبصرہ کتاب علامہ اقبال پر ان کی 21 تحریروں کا مجموعہ ہے۔ جسے ان کے شاگرد ڈاکٹر رفیع الدین ہاشمی نے، جو خود بھی معروف اقبال شناس ہیں بہت سے اضافوں کے ساتھ مرتب ومدون کیاہے۔ مرتب نے بعض مضامین پر وضاحت کے لیے مختصر حواشی کا اضافہ بھی کیا ہے ۔

کتاب میں شامل چند اہم مضامین کے عنوانات حسب ذیل ہیں: علامہ اقبال کا تصور ریاست۔ توحید کے اطلاقی پہلو،فکر اقبال کی روشنی میں۔ فلسفٔہ خودی کے بعض عمرانی پہلو۔ افکاراقبال (اقبال اور پاکستان کا خواب۔اقبال اور تخیل پاکستان۔ اقبال اور ملی تشخص۔ علامہ اقبال کا نظریہ ء حیات۔علامہ اقبال اور ہمارے علاقائی اختلافات ۔ اقبال اور مردمومن)۔خطوط اقبال کا ذخیرہ محمد عمرالدین(تجزیہ و معنویت) ۔ علامہ اقبال کے تین نادر خطوط۔اس کے علاوہ بھی بہت کچھ شامل ہے۔

ڈاکٹر وحید قریشی ایک راست فکر نقاد تھے۔ مثلاًاقبال اور عشق رسولؐ کے باب میں لکھتے ہیں:’’ عشق رسولؐ سے مراد رسولؐ پاک ﷺ کی ذات سے صرف محبت نہیں بلکہ ذات کو اعمال کے حوالے سے دیکھتے ہوئے اسوہ حسنہ کی پیروی کو اس عشق کا لازمی حصہ قرار دیا ہے۔ عشقِ رسول ؐاگر اسوئہ حسنہ کی پیروی کا نام ہے تو اسوئہ حسنہ کی پیروی دراصل قرآن پاک کی تعلیمات کی پیروی ہے۔‘‘ (ص27)

اسی طرح ’’اقبال اور پاکستان کا خواب‘‘ کے باب میں رقم طراز ہیں: ’’حصول پاکستان کی مہم محض اقتصادی فوائد کی مہم نہیں تھی۔ علامہ نے تو یہاں تک کہا کہ اگر مسلمانوں کے لیے آزاد ریاست صرف اقتصادی امور کے لیے ہے تو انھیں ایسا ملک نہیں چاہیے۔ وہ تو مسلمانوں کے دین کے لیے اور بطور ایک قوم منظم کرنے کے لیے الگ ریاست چاہتے تھے ۔‘‘ (40) اقبالیات پر یہ ایک وقیع او ر اہم کتاب ذخیرہ اقبالیات میں قابل قدر اضافہ ہے۔ (فیاض احمد ساجد)

بوڑھا اور سمندر(ناول)
مصنف: ارنسٹ ہیمنگوے‘ترجمہ: شاہدحمید
ناشر:القا پبلی کیشنز،12-K، مین بلیوارڈ گلبرگ 2لاہور
ارنسٹ ہیمنگوے1899ء میں امریکہ میں پیداہوئے، بحیثیت صحافی اپنے کیرئیر کا آغاز کیا،جنگ عظیم اول، دوم اور ہسپانوی خانہ جنگی میں شریک رہے، طبعاً سیلانی تھے، افریقہ ، فرانس اور کیوبا میں رہے،1961ء میں خودکشی کرلی۔

ان کا ناول ’The Old man and the sea‘ مغرب اور لاطینی امریکہ کے ہرباسی نے پڑھ رکھاہوگا لیکن پاکستان میں نوجوانوں کی ایک بڑی تعداد بھی اب ارنسٹ ہیمنگوے سے واقف ہو گی کیونکہ یہ انگریزی ناول گزشتہ کئی برسوں سے ان کے کالج نصاب کا حصہ ہے۔ یہ ناول پہلی بار ستمبر1952ء میں Lifeمیگزین میں چھپا جو صرف دو دن میں پچاس لاکھ بک گیا۔

اس کی کتابی اشاعت بھی اسی سال ہوئی۔1953ء میں اسے فکشن کا Pulitzerانعام دیاگیا۔20ویں صدی کے اس شاہکار ناول کی بدولت ہیمنگوے کو1954میں ادب کا نوبل انعام دیاگیا۔

یہ ناول ایک بوڑھے مچھیرے کی کہانی ہے جو کافی دن مچھلی پکڑنے میں ناکام رہتاہے۔ کبھی کاسانتیاگو چمپئن اب لوگوں کی نظر میں بس ’’ سلاؤ‘‘ بن کے رہ گیا جو بدقسمتی کی بدترین مثال ہے۔

حتیٰ کہ اس کے واحد شاگرد کے ماں باپ بھی اپنے لڑکے کو اسے ملنے سے منع کرتے ہیں۔ اور پھر وہ دن بھی آتاہے جب سانتیاگو سمندر اور اس کی تمام تر ہولناکیوں سے بھڑ جاتاہے۔ یقیناً آپ اس خوبصورت ناول کوپڑھتے ہوئے اس کی ہرسطر کا خوب مزہ لیں گے۔

پاکستانی سیاست کے مدوجزر
مصنف: مقتدامنصور
ناشر: بُک ٹائم، اردوبازار، کراچی
صفحات:224،قیمت:500روپے

مقتدامنصور روزنامہ ایکسپریس میں برسوں سے اپنے مضامین کے ذریعے ملکی مسائل اور معاملات اظہار خیال کر رہے ہیں۔ اپنے ان مضامین کو وہ جمیل الدین عالی صاحب کی طرح اظہاریے کا نام دیتے ہیں۔

اردو اخبارات میں شایع ہونے والے اکثر نام ور کالم نویسوں کی تحریریں پڑھ کر اندازہ ہوتا ہے کہ انھوں نے بس کالم کا اور اپنا پیٹ بھرنے کے لیے لفظوں کی بازی گری کی ہے۔ کوئی حال سے یکسر غیرمتعلق ہوکر تاریخ کے دریچوں میں جابیٹھتا ہے تو کوئی خالصتاً ذاتی واقعات بیان کرکے کالم کو پرسنل ڈائری کا ورق بنادیتا ہے۔

کسی دلیل اور تجزیے کے بغیر نجومیوں کی طرح پیش گوئی کرنے اور اس پر مصر رہنے کا چلن بھی جاری ہے۔ ایک بار نام کا سکہ چل گیا تو اب محنت کی کیا ضرورت، جو بھی لکھ دو چھپ جائے گا۔ ایسے میں مقتدا منصور داد کے مستحق ہیں کہ انھوں نے خود کو اس روش سے بچائے رکھا ہے۔ وہ واقعات اور ایشوز کا گہرائی سے جائزہ لیتے اور تجزیہ کرتے ہیں۔ ان کی تحریروں سے اختلاف کیا جائے یا اتفاق، لیکن یہ قاری کو سوچنے اور غور کرنے پر مجبور کرتی ہیں۔

ان کے مضامین کے ذریعے ہماری تاریخ کے بہت سے گوشے سامنے آتے ہیں لیکن وہ حالات حاضرہ کا پس منظر ہوتے ہیں، کہ مقتدا منصور حال کو فراموش کرکے ماضی میں جھانکتے رہنے کے قائل نہیں۔ وہ سیکولر اور لبرل سوچ کے حامل اور اپنے نظریات پر سختی سے قائم ہیں، چناں چہ وہ نظریاتی کمٹمنٹ کے ساتھ اور اپنے نظریات کی روشنی میں حالات اور واقعات کا جائزہ لیتے اور تجزیہ کرتے ہیں۔ ان کی تازہ تصنیف ’’پاکستانی سیاست کے مدوجزر‘‘ مصنف تجزیاتی مضامین پر مشتمل کتاب ہے، جس میں شامل تحریروں کی بڑی تعداد سندھ کی تاریخ، سیاست اور مسائل کے احاطہ کیے ہوئے ہے۔

مقتدامنصور سندھی زبان پر گرفت رکھتے ہیں اور اردو اور انگریزی کے ساتھ سندھی میں بھی مضامین لکھتے رہے ہیں۔ سندھی سے شناسائی نے انھیں سندھ کی تاریخ اور ایشوز سے گہری آگاہی عطا کی ہے، جس سے اردو اور دیگر زبانیں بولنے والے بیشتر صحافی اور کالم نویس محروم ہیں، لہٰذا سندھ سے متعلق ان کے مضامین ارضِ مہران کے معاملات کو سمجھنے میں ہماری راہ نمائی کرتے ہیں۔

کتاب میں شامل مضامین کے عنوانات ہی سے اندازہ ہوتا ہے کہ یہ کتاب سندھ کے ایشوز سے دل چسپی رکھنے والوں کے لیے کس قدر معلوماتی ثابت ہوسکتی ہے، مثلاً ’’انگریز دور میں سندھ کی سیاست‘‘، ’’انگریز دور میں کراچی کی سیاسی اور سماجی حیثیت‘‘،’’قیام پاکستان کے بعد سندھ کا سیاسی وسماجی منظرنامہ‘‘، ’’مہاجر سیاست اور ایم کیوایم کا ظہور‘‘، ’’ایم کیوایم آویزش کے سندھ کی سیاست پر اثرات‘‘، ’’سلگتا ہوا سندھ۔‘‘ اس کے ساتھ یہ کتاب پاکستان کے سیاسی وسماجی مسائل، ہمارے وطن کے مسائل کی نظریاتی جہت، صحافت کے ایشوز اور عالمی معاملات کی بابت سوچ کے در وا کرتے مضامین سامنے لاتی ہے۔

Chief selector reached pysrz performance testing ..

کراچی: نئے اورابھرتے ہوئے فاسٹ بولرزکیلیے وسیم اکرم کی زیرنگرانی تربیتی کیمپ ایک دن آرام کے بعد ہفتے سے دوبارہ شروع ہوگیا، نیشنل اسٹیڈیم پر صبح کے سیشن میں فزیکل ٹریننگ کے بعد فیلڈنگ پریکٹس کا اہتمام کیاگیا ۔

شام کو وسیم اکرم نے این سی اے کے محمد اکرم کی معاونت سے بولرز کو تربیت دینے کا سلسلہ جاری رکھا، سابق فاسٹ بولر سلیم جعفر بھی ان کی مدد کرتے رہے، قومی سلیکشن کمیٹی کے چیئرمین ہارون رشید نے بھی جاری تربیت کا جائزہ لیا اورنوجوان بولرزکی کارکردگی کوبغور دیکھتے رہے۔

اتوارکو کیمپ میں شریک کھلاڑیوں کے درمیان تربیتی میچ کھیلا جائیگا جبکہ اس دوران وسیم اکرم اور محمد اکرم خامیوں کی بروقت نشاندہی کرکے اصلاح بھی کریں گے۔ دریں اثنا ہارون رشید نے کہا ہے کہ پاکستان مستقبل میں فاسٹ بولنگ میں راج کرسکتا ہے، جلد ہی ہمارے پاس بہترین اور باصلاحیت پیسرز کی کھیپ موجود ہوگی، میڈیا سے گفتگو میں انھوں نے کہا کہ کیمپ کا مقصد فاسٹ بولرز کی کارکردگی کو موثر اور دیرپا بنانا ہے۔

وسیم اکرم کی جانب سے تکنیکی خامیوں کو دور کرنے کے بعد انھیں طویل المدتی معیاد کے لیے تیار کیا جائے گا، ہارون رشید نے کہا کہ اس وقت ڈومیسٹک کرکٹ میں تقریباً 14 فاسٹ بولرز عمدہ پرفارم کررہے ہیںلیکن ان میں کچھ نہ کچھ تکنیکی ایشوز ہیں،جنھیں دور کیا جائے گا۔

انھوں نے کہا کہ بیٹنگ کیلیے سازگار ڈومیسٹک کرکٹ پچز پر بولرز زیادہ جدوجہد کرتے ہیں، بورڈ کے تحت بیٹسمینوںکے لیے بھی کیمپ کا انعقاد ہوگا، مگر بولنگ کے شعبے میں زیادہ محنت کی ضرورت ہے،انھوں نے کہا کہ ہم بھارت میں شیڈول عالمی ٹی ٹوئنٹی کپ کے لیے مضبوط اسکواڈ کی تشکیل کے لیے کوشاں ہیں۔

Mujrim kon ?,, By Amjad Islam Amjad ..

Snooker event: Indian players born in Pakistan ..

 کراچی: عالمی اسنوکر ایونٹس میں شرکت کیلیے آنے والے بھارتی کھلاڑیوں نے پاکستان آمد پر خوشی کا اظہا رکرتے ہوئے ملنے والی پذیرائی اور مہمان نوازی کو قابل تعریف قرار دیا ہے۔

6 ریڈ مینز ٹورنامنٹ میں اپنے اعزاز کا دفاع کرنے والے بھارت کے پنکج ایڈوانی نے کہا کہ وہ پاکستان آکر ایسا محسوس کررہے ہیں کہ جیسے ہم اپنے گھر میں ہوں، دنیا کے بہترین کھلاڑیوں میں شامل بھارتی کیوئسٹ نے فراہم کردہ سہولیات کی تعریف کرتے ہوئے کہا کہ پاک بھارت کے درمیان کھیلوں کو فروغ دیکرباہمی تعلقات کو بہتر بنایا جاسکتا ہے۔

کھیلوں کوسیاست سے الگ رکھنا ضروری ہے، انھوں نے کہاکہ ایونٹ میں سخت مقابلے متوقع ہیں، مگر وہ اپنے اعزاز کو برقرار رکھنے کی ہرممکن کوشش کریں گے، بھارت کی صف اول کی خاتون کھلاڑی امی کمانی، 6 ریڈ ویمن چیمپئن ودیا پلے اور ایشین ویمن برانز میڈلسٹ چترا نے بھی پاکستان آنے پر مسرت کا اظہار کرتے ہوئے کہا کہ آمد سے قبل ذہن میں تصور تھا کہ ایسے ملک جارہے ہیں ۔

جہاں دہشت گردی ہے مگر یہاں آکرایسا لگا کہ جیسے اپنے ہی گھر میں ہوں، انھوں نے کہا کہ سخت حفاظتی انتظامات و اقدامات کی وجہ سے پاکستان آکر گھومنے اور شاپنگ کرنے کی خواہش پوری ہوتی نظرنہیں آرہی، انھوں نے کہا کہ پاکستان میں ملنے والی مہمان نوازی نے ہمارے دل موہ لیے ہیں، دونوں ممالک کے مابین کھیلوں کے زیادہ سے زیادہ مقابلے دلوں کو قریب لانے کا سبب بن سکتے ہیں، ایونٹ میں آنے سے2روز قبل تک ویزے نہ ملنے کے سبب شش و پنج میں مبتلا تھے۔

Corps Commander Karachi says ..

Younis Khan say ..

Sarfraz Ahmed dispute 'close the file' decision to ..

کراچی: پی سی بی نے سرفرازاحمد  تنازع کی فائل بند کرنے کا فیصلہ کرلیا، کپتان اور کوچ سے باضابطہ جواب طلبی کا ارادہ ترک کر دیا گیا ہے۔

اعلیٰ حکام نے میڈیا اور عوامی دباؤ پر یہ اعلان کیا تھا مگر ساتھیوں سے مشورہ دیا کہ جیتی ہوئی ٹیم کی مینجمنٹ سے ایسا سلوک مناسب نہ ہوگا۔ تفصیلات کے مطابق وکٹ کیپر بیٹسمین سرفراز احمد کو سری لنکا  سے دونوں ٹی ٹوئنٹی میچز میں نہیں کھلایا گیا، گوکہ پاکستان نے سیریز جیت لی مگر ملک میں طوفان کھڑا ہو گیا کہ نائب کپتان کو کیسے ڈراپ کر دیا؟ میڈیا اور عوام کے دباؤ میں آکر چیئرمین پی سی بی شہریارخان اور ایگزیکٹیو کمیٹی کے سربراہ نجم سیٹھی نے کپتان شاہد آفریدی اور کوچ وقار یونس سے اس ضمن میں استفسار کا عندیہ دیا تھا، ذرائع نے بتایا کہ بورڈ میں ہی اس بات کی شدید مخالفت سامنے آئی۔

بعض آفیشلز نے مشورہ دیا کہ جیتی ہوئی ٹیم کیساتھ ایساکرنا ٹھیک نہ ہو گا، وقار اور آفریدی ویسے ہی ان دنوں میڈیا اورسابق کرکٹرز کی تنقید کا شکار بنے ہوئے ہیں،ایسے میں بورڈ نے اگر ان سے باضابطہ جواب طلبی کی تو مزید دباؤ کا شکار ہو جائیگا،اس سے ورلڈ ٹی ٹوئنٹی میں ٹیم کی مہم کمزور پڑ سکتی ہے۔

شہریار ہفتے کو انگلینڈ سے لاہور پہنچنے کے بعد پیر سے دفتر جائینگے، وہ غیر رسمی ملاقات کیلیے تینوں طرز کے کپتانوں کو بلا سکتے ہیں، کوچ وقار یونس آسٹریلیا سے واپسی کے بعد ان سے ملیں گے، اس موقع پر مستقبل کے منصوبے زیرغور آئینگے۔ دوسری جانب کوچ اور کپتان کے قریبی ذرائع کا کہنا ہے کہ دونوں میڈیا کے ذریعے تمام حقائق سامنے لا چکے، سرفراز کو نہ کھلانا کوئی بہت بڑا مسئلہ نہ تھا، اس فیصلے میں منیجر نوید اکرم چیمہ بھی شریک رہے،وہ بھی بتا سکتے ہیں کہ وکٹ کیپر کو کسی ذاتی عناد کا نشانہ نہیں بنایا گیا۔

Altaaf Hussain say ..

Sarfarz Calls to the high honor ..

Wasim Akram saved by firing ..

Chaudhry Nisar says ..

Pervaiz Rasheed says ..

Anwar Ali Wasim Akram bowling tips to get started ..

کراچی: آل راؤنڈر انور علی سری لنکا سے واپس آتے ہی وسیم اکرم سے مشورے لینے نیشنل اسٹیڈیم پہنچ گئے۔

پی سی بی کے سپر اسپیڈ اسٹار پروگرام  کے  تحت  کیمپ کو گذشتہ روز ٹیسٹ کرکٹر خرم منظور سمیت 6بیٹسمینوں نے بھی جوائن کر لیا، سابق اسٹار نے پیسرز کو گذشتہ روز بھی مفید ٹپس دیں۔ تفصیلات کے مطابق اُبھرتے ہوئے  باصلاحیت فاسٹ بولرز کی تلاش کیلیے وسیم اکرم کی زیرنگرانی خصوصی کیمپ ان دنوں نیشنل اسٹیڈیم کراچی میں جاری ہے۔

ملک بھر سے منتخب شدہ نوجوان پیسرز  سابق عظیم اسٹار کی رہنمائی میں اپنا ٹیلنٹ نکھارنے کیلیے کوشاں ہیں، سلیکشن کمیٹی نے پریکٹس  سیشنز میں6 بیٹسمینوں خرم منظور، اسد علی،  سعد علی،  سعود شکیل، محمد حسن اور محمد وقاص  کو بھی طلب کر لیا جنھوں نے گذشتہ روز ریجنل اکیڈمی میں رپورٹ کر دی ہے۔

سری لنکا کیخلاف دوسرے ٹی ٹوئنٹی کے مین آف دی میچ انور علی وطن واپسی کے اگلے ہی روز وسیم اکرم سے ملاقات کیلیے پہنچ گئے۔

قومی اسکواڈ میں شامل ضیا الحق نے بھی کیمپ جوائن کر لیا، صبح ساڑھے 9سے11.30 کے سیشن میں محمد اکرم نے کھلاڑیوں کو فزیکل ٹریننگ کرائی، دیگر آفیشلز نے بھی فٹنس کے حوالے سے مفید مشوروں سے نوازا، شام 4 سے6.30تک وسیم اکرم نے پیسرز کو رن اپ، گیند کی گرپ اور یارکرز سمیت بولنگ کے حوالے سے ٹپس دیں۔ یہ کیمپ آئندہ کئی روز بھی جاری رہے گا، وسیم اکرم کی رہنمائی سے ملک کو کئی نئے پیسرز مل سکتے ہیں۔

Cricket Star Anwar Ali ..

 کراچی: موزے استری کرنے والا نوجوان قومی کرکٹ اسٹار بن گیا، کئی برس قبل انور علی کوکھیل کا شوق انڈر19کے زونل ٹرائلز میں لے گیا تھا، پھر انھوں نے2006 کے انڈر 19 ورلڈ کپ فائنل میں بھارت کی پانچ وکٹیں حاصل کرکے پاکستان کو فتح دلائی۔

گذشتہ دنوں آل راؤنڈر نے سری لنکا سے دوسرے ٹی ٹوئنٹی میں چار چھکوں اور تین چوکوں کی مدد سے صرف 17 گیندوں پر 46 رنز بنا کر ٹیم کو ایک وکٹ سے ڈرامائی جیت سے ہمکنار کرایا،انھوں نے بی بی سی کو انٹرویو میں کہا کہ جو سوچا تھا سب کچھ اسی کے مطابق ہوا، مجھے گزرا ہوا وہ وقت اچھی طرح یاد ہے جب اعظم خان اورظفر احمد نے قدم قدم پر رہنمائی کی، ندیم عمر اور طارق ہارون بھی ہروقت حوصلہ افزائی کرتے رہے۔

میں محنت پر یقین رکھتا ہوں جوکبھی رائیگاں نہیں جاتی، انھوں نے کہا کہ سری لنکا سے میچ میں جس وقت بیٹنگ کے لیے گیا تو صورتحال بہت مشکل تھی، میرے ساتھ عماد وسیم تھے، ہم نے یہی سوچا کہ ایک اوور میں ایک باؤنڈری ضروری ہے لیکن اگر اس دوران کسی ایک اوور میں زیادہ رنز بن جاتے ہیں تو یہ بہت ہی اچھا ہوگا۔

لسیتھ مالنگا کا اوور ہمارے لیے بہت ہی اچھا ثابت ہو گیا اور گیند بیٹ پر خوب آئی۔انور علی نے کہاکہ  عمدہ کارکردگی کی بڑی وجہ میری مثبت سوچ ہے، میں ہمیشہ یہی کوشش کرتا ہوں کہ سو فیصد کارکردگی دکھاؤں، مجھ میں جتنی بھی صلاحیت ہے اس کا کھل کر اظہارکروں، نتیجہ میرے ہاتھ میں نہیں لیکن اسے اپنے حق میں کرنے کے لیے محنت کرسکتا ہوں۔

پاکستانی کرکٹ ٹیم کے کوچ وقار یونس کا کہنا ہے کہ شعیب ملک، محمد رضوان اور انور علی نے پاکستانی ٹیم کی فیلڈنگ کے معیار کو بلند کر دیا ہے، اس حوالے سے انور نے کہا کہ میں فیلڈنگ کرتے ہوئے بہت لطف اندوز ہوتا ہوں،  میں فٹنس کا خیال رکھتا ہوں اسی لیے فیلڈنگ میں بہت مزا آتا ہے۔ انھوں نے کہا کہ مجھے ٹیم میں آل راؤنڈر سمجھا جاتا ہے، میں اپنی بولنگ پر بھی بہت محنت کرتا ہوں اور دورے میں اس شعبے میں بھی کارکردگی اچھیرہی،جہاں بھی ٹیم کو ضرورت پڑی میں نے وکٹ حاصل کی، میں اپنی بولنگ میں مزید بہتری لانا چاہتا ہوں۔

Training program for pilgrims ..

Happy Independence Day ..

            

Generosity, Pakistan frees Indian fishermen ..

Due to the tax strike ..