Farooq Sattar called on Prime Minister ..

Prime Minister Nawaz Sharif

Prime Minister MQM Karachi operation to remove the protections assured

اسلام آباد: وزیراعظم نواز شریف سے کراچی آپریشن پر ایم کیو ایم کو تحفظات دور کرنے کی یقینی دہانی کراتے ہوئے متحدہ کے اعتراضات سننے کے لیے کمیٹی قائم کردی۔

ایکسپریس نیوز کے مطابق ڈاکٹر فاروق ستار کی قیادت میں ایم کیو ایم کے 6 رکنی وفد نے وزیراعظم نواز شریف سے ملاقات کی جب کہ اس موقع پر جے یو آئی (ف) کے امیر مولانا فضل الرحمان بھی موجود تھے۔ ملاقات کے دوران ایم کیو ایم وفد نے وزیراعظم کو بتایا کہ کراچی آپریشن میں صرف ایم کیو ایم کو ٹارگٹ کیا جارہا ہے جس پر وزیراعظم نواز شریف نے انہیں یقین دلایا کہ کراچی میں جاری آپریشن صرف مجرموں کے خلاف ہورہا ہے کسی سیاسی جماعت کے خلاف نہیں، ایم کیوایم گلہ کرتی ہے لیکن کراچی آپریشن کا سب سے زیادہ فائدہ ایم کیوایم کو ہی ہوگا،ملک میں فرقہ وارانہ عناصر کی کوئی گنجائش نہیں انہیں پنپنے نہیں دیں گے، اسی جذبے کے ساتھ فرقہ واریت کے خلاف بھی آپریشن شروع کیا گیا ہے۔

وزیراعظم کا کہنا تھا کہ کراچی آپریشن پورے عزم کے ساتھ شروع کیا اوراس میں نمایاں کامیابیاں حاصل کیں جس کی تعریف ناصرف کراچی والے بلکہ ملک بھر کے عوام کررہےہیں، دہشت گردوں کے خلاف شہرقائد میں جاری ٹارگٹڈ آپریشن آگے بڑھ رہا ہے اور مزید آگے بڑھے گا جس کے بہتر نتائج نکلیں گے، کراچی آپریشن سے حالات نارمل ہورہے ہیں،کراچی جلد پرامن شہربن جائے گا۔

وزیراعظم نے کہا کہ حکومت نے دہشت گردی کے خلاف پورے عزم کے ساتھ ایکشن لیا جس کی مثال نہیں ملتی، قوم کے اتفاق رائے، سیاسی جماعتوں کی رضا مندی سے آپریشن ضرب عضب شروع کیا جب کہ ہم نے دہشت گردوں کے رد عمل کے خدشات کی پرواہ نہیں کی اور جمہوری حکومت نے اتفاق رائے سے ملٹری کورٹس بنائیں جس کی اعلیٰ عدالت نے توثیق کی۔

وزیراعظم نوازشریف نے کراچی آپریشن پر ایم کیوایم کے وفد کو تحفظات دور کرنے کی یقین دہانی کراتے ہوئے ان کے اعتراضات سننے کے لیے کمیٹی قائم کردی جب کہ وزیراعظم کا کہنا تھا کہ ایم کیوایم کے تمام جائز تحفظات دور کیے جائیں گے تاہم ایم کیوایم قومی مفاد میں پارلیمان کا حصہ رہے اور وسیع تر مفاد میں پارلیمنٹ میں اپنا کردار اد اکرے۔

Prime Minister Nawaz Sharif

Prime Minister Nawaz Sharif visited Karachi ..

Prime Minister

Nawaz Sharif visited Karachi

Prime Minister

Gibr altar sy,, By Javed Chaudhry ..

Javed Chaudhry Column

Column :Gibr altar sy

Javed Chaudhry Column

Pakistan vs India series ..

Pakistan vs India series

Pakistan-India series, the expectations went out last

لاہور / نئی دہلی: پاک بھارت کرکٹ سیریز کے انعقاد کی امیدوں کا آخری دیا بھی بجھ گیا، مذاکرات میں ٹال مٹول سے مودی سرکار نے شائقین کرکٹ کو مایوس کر دیا، وزیر اعظم کے مشیر برائے خارجہ امور و قومی سلامتی سرتاج عزیز پڑوسی ملک جائینگے نہ باہمی مقابلوں کے سلسلے میں کوئی مثبت پیش رفت ہوگی، تازہ پیش رفت سے پی سی بی حکام میں مایوسی کی لہر دوڑ گئی،تھنک ٹینک کو ’’بی‘‘ پلان پر عمل درآمد کا فیصلہ جلد کرنا ہوگا، دسمبر میں صرف زمبابوے اور بنگلہ دیش کی ٹیمیں ہی فارغ ہیں۔

تفصیلات کے مطابق فیوچر ٹور پروگرام کے تحت پاکستان کو رواں سال بھارت کی میزبانی کرنا ہے،3ٹیسٹ، 5 ون ڈے اور 2ٹی ٹوئنٹی میچز کیلیے پی سی بی کی جانب سے نیوٹرل وینیو یو اے ای کا انتخاب بھی کیا جا چکا، اس ضمن میں دونوں کرکٹ بورڈز نے ایم او یو پر دستخط کیے ہوئے ہیں، مگر گورداس پور میں پولیس اسٹیشن پر حملے کے بعد سیاسی کشیدگی میں اضافہ ہوگیا، سرحدوں پر بھی فائرنگ کا تبادلہ معمول بن چکا ہے۔

اس صورتحال میں بی سی سی آئی کو سیریز سے انکار کے بہانے تراشنے کا موقع مل گیا،سیکریٹری انوراگ ٹھاکر ایک سیاست دان بھی ہیں، انھوں نے بار بار مخالفانہ بیان داغے،پاکستان پر دراندازی کا الزام دھرتے ہوئے انھوں نے کہا تھا کہ ہمارے ملک کا امن متاثر ہورہا ہے،سرحدوں پر کشیدگی ہو توکرکٹ نہیں کھیلی جا سکتی۔

گذشتہ دنوں چیئرمین پی سی بی شہریار خان نے میڈیا سے گفتگوکرتے ہوئے بتایا تھا کہ وزیر اعظم نواز شریف کے مشیر برائے امور خارجہ و قومی سلامتی سرتاج عزیز 23 اگست کو مذاکرات کیلیے بھارت جا رہے ہیں، ان سے باہمی سیریز کے حوالے سے بھی تعمیری بات ہوئی، وہ اپنے دورے کے دوران کوئی مثبت پیش رفت کرنے کی کوشش کریںگے، اس دوران برف پگھل گئی تو یو اے ای میں مقابلوں کے امکانات میں اضافہ ہوجائے گا، مگر گذشتہ روز اطلاعات سامنے آئیں کہ بھارت  مذاکرات نہیں کرنا چاہتا ، حکام نے الزام عائد کیاکہ پاکستان طے شدہ ایجنڈے کی خلاف ورزی کررہا ہے۔

پڑوسی ملک کی جانب سے لگائی جانے والی نئی شرائط کے بعد بات چیت آگے نہیں بڑھا سکتے، بھارت کی طرف سے مذاکرات میں ٹال مٹول نے جہاں دونوں ممالک کے درمیان کشیدگی کم ہونے کے امکانات پر کاری ضرب لگائی وہیں باہمی سیریز کی رہی سہی امیدوں پربھی پانی پھر گیا،یاد رہے کہ بی سی سی آئی کو سیریز کیلیے اپنی حکومت سے کلیئرنس درکار تھی،رواں ماہ کے آخر میں کرکٹ کمیٹی اجلاس میں بات چیت کرکے کوئی حتمی جواب دینا تھا جس کے امکانات اب باقی دکھائی نہیں دیتے، مذاکرات ختم کرنے کی اطلاعات پر پی سی بی حکام میں بھی شدید مایوسی کی لہر پائی جاتی ہے۔

ان کے مطابق پاک بھارت سیریز کو عالمی کرکٹ میں ایشز سے بھی زیادہ توجہ ملتی ہے، نہ صرف دونوں ممالک بلکہ دنیا بھر کے شائقین ان مقابلوں پر نگاہیں مرکوز رکھتے ہیں، کھیل کو سیاست سے الگ رکھنا چاہیے لیکن یہاں ہر بار کشیدگی کا نزلہ کھیلوں پر گرا دیا جاتا ہے۔ یاد رہے کہ دونوں ممالک  کے مابین آخری مختصر سیریز دسمبر2011 اور جنوری 2012میں ہوئی تھی جب پاکستان نے بھارت کا دورہ کیا، اس دوران 3ون ڈے اور 2ٹی ٹوئنٹی میچز کھیلے گئے تھے۔

روایتی حریفوں کے مقابلے ورلڈکپ، چیمپئنز ٹرافی اور ورلڈ ٹی ٹوئنٹی جیسے آئی سی سی ایونٹس میں ہی ہوتے ہیں۔ ذرائع کے مطابق نئی صورتحال میں پی سی بی کا تھنک ٹینک سر جوڑ کر کسی اور ٹیم کو یواے ای بلانے پر غور کرے گا کیونکہ اس کے بعد معاملات کو حتمی شکل دینے کیلیے زیادہ وقت باقی نہیں بچے گا۔ یاد رہے کہ ’’بی‘‘  پلان کا ذکر چیئرمین بورڈ شہریار خان بھی بار بار کرتے رہے ہیں مگر دسمبر میں صرف زمبابوے اور بنگلہ دیش کی ٹیمیں ہی فارغ ہوں گی۔

Pakistan vs India series

Ryham Khan says ..

Reham Khan says

Imran Khan are born to win

اسلام آباد: تحریک انصاف کے چیرمین عمران خان کی اہلیہ کا کہنا ہے کہ عمران خان پیدا ہی جیتنے کے لیے ہوئے ہیں۔

لاہور کے حلقہ این اے 122 پر عمران خان کے حق میں فیصلہ آنے پر جہاں تحریک انصاف کے چیرمین خوشی سے نہال ہیں وہیں ان کی اہلیہ بھی خاصی خوش دکھائی دے رہے ہیں۔

سماجی رابطے کی ویب سائٹ ٹوئٹر پر اپنے ٹوئٹ میں ریحام خان نے کہا کہ عمران خان پیدا ہی جیتنے کے لیے ہوئے ہیں اور وہ پہلے ہی لاکھوں افراد کے دل جیت چکے ہیں۔

اس سے قبل ٹربیونل کے فیصلے میں تاخیر پر بھی ریحام خان نے اپنے رد عمل کا اظہار کرتے ہوئے ٹوئٹ میں کہا تھا کہ فیصلے میں تاخیر سے پی ٹی وی کے انتظار فرمایئے والے دور کی یاد آگئی ہے جب کہ فیصلے میں تاخیر سے شکوک شبہات پیدا ہورہے ہیں۔

Reham Khan

'Minus Kashmir talks, rejected the condition, Sartaj Aziz canceled visit India ..

'Minus Kashmir talks, rejected the condition

Sartaj Aziz canceled visit India

اسلام آباد: مشیر خارجہ سرتاج عزیز کا کہنا ہے کہ پاکستان بھارت کے ساتھ کشمیر سمیت تمام معاملات پر غیر مشروط مذاکرات چاہتا ہے اور اگر بھارت کوئی شرط نہ رکھے تو اب بھی نئی دلی جانے کو تیار ہوں۔

اسلام آباد میں صحافیوں سے بات کرتے ہوئے سرتاج عزیز کا کہنا تھا کہ پاکستان کی جانب سے بھارت کے ساتھ سیکرٹری سطح کے مذاکرات ختم نہیں کئے گئے ہیں بلکہ ہم تو آج بھی بھارت کے ساتھ غیر مشروط مذاکرات کے لئے تیار ہیں لیکن بھارت اوفا میں طے پانے والے نکات پرعمل کرنے سے گریزاں ہے۔ ان کا کہنا تھا کہ اوفا میں دونوں ممالک کے درمیان یہ طے پایا تھا کہ دہشت گردی کے خاتمے، مذہبی سیاحت کے فروغ اور دونوں ممالک کی جیلوں میں موجود قیدیوں کی رہائی سمیت تمام حل طلب مسائل پر بات چیت کی جائے گی اور پوری دنیا جانتی ہے کہ پاکستان اور بھارت کے درمیان سب سے اہم مسئلہ ہی کشمیر کا ہے اور کشمیر کے بغیر بھارت کے ساتھ کسی بھی قسم کے مذاکرات نتیجہ خیز ثابت نہیں ہو سکتے۔ بھارت چاہتا ہے کہ مسئلہ کشمیر کے بغیر مذاکرات کئے جائیں لیکن ہمارے لئے یہ ممکن نہیں کہ ہم کشمیر کے بغیر بھارت سے مذاکرات کریں، بھارت کی جانب سے سرکاری سطح پر مذاکرات منسوخ ہونے کی اطلاع نہیں ہے لیکن اس قسم کی خبریں موصول ہو رہی ہیں کہ بھارت حریت رہنماؤں سے ملاقات کو جواز بنا کر مذاکرات منسوخ کر رہا ہے جو انتہائی افسوسناک ہے۔

مشیر خارجہ کا کہنا تھا کہ کشمیر کے مسئلے پر پاکستان کی پالیسی میں کوئی تبدیلی نہیں آئی اور نہ آئے گی، پاکستان کشمیر تحریک کی حمایت کرتا ہے، کشمیری رہنماؤں سے ملاقات پرانی روایت ہے اور کشمیری رہنماؤں کی نظر بندی تشویشناک ہے۔ اگر کشمیر کوئی مسئلہ نہیں ہے تو پھر بھارت نے وہاں پر 7 لاکھ فوج کو کیوں تعینات کر رکھا ہے، کشمیری عوام نے کیوں آزادی کی تحریک شروع کر رکھی ہے اور آئے روز بھارت کی جانب سے نہتے کشمیریوں پر کیوں تشدد کیا جاتا ہے۔ ان کا کہنا تھا کہ اقوام متحدہ اور عالمی برادری کو بھارتی رویے کا نوٹس لینا چاہیئے اور اس بات کا جائزہ لینا چاہیئے کہ کیا بھارت کی جانب سے مذاکرات کا منسوخ کرنا ٹھیک عمل ہو گا۔ کشمیر کے مسئلے کو اقوام متحدہ کی جنرل اسمبلی کے اجلاس، سلامتی کونسل اور ہر عالمی فورم پر اٹھایا جائے گا۔

سرتاج عزیز کا کہنا تھا کہ پاکستان میں ہونے والی دہشت گردی میں بھارتی خفیہ ایجنسی ’را‘ کے ملوث ہونے کے واضح ثبوت موجود ہیں، ’را‘ کے د ہشت گردی میں ملوث ہونے کے ثبوت بھارتی حکومت اور اقوام متحدہ کو بھی فراہم کئے جا چکے ہیں۔

Sartaj Aziz

The befitting way to celebrate the 50th anniversary of the decision ..

Pak Army

Celebrate the 50th anniversary

The befitting way to celebrate the 50th anniversary of the decision

اسلام آباد: 50ویں یوم دفاع کے انتطامات کا جائزہ لینے کیلیے وزیراعظم نوازشریف کی قائم کردہ کمیٹی نے فیصلہ کیا ہے کہ 6 ستمبر کواہم قومی دن شایان شان طریقے سے منایاجائیگا۔

اس بات کافیصلہ گزشتہ روزوزیردفاع خواجہ آصف کی سربراہی میں ہونے والے کمیٹی کے اجلاس میں کیاگیا۔اجلاس میں فیصلہ کیا گیاکہ یوم دفاع پرخصوصی پروگرامز منعقد کیے جائیں گے تاکہ 1965کی جنگ کے شہداء کو خراج تحسین پیش کیا جاسکے۔

Pakistan Army

Indian shelling of UN experts to visit the affected areas to assess ..

Indian shelling

UN experts to visit the affected areas to assess

سیالکوٹ: ورکنگ باؤنڈری پر سیز فائر کی مسلسل خلاف ورزی اور بھارتی گولہ باری سے ہونے والے نقصانات کا جائزہ لینے اقوام متحدہ کی ٹیم نے متاثرہ علاقوں کا دورہ کیا۔

ایکسپریس نیوز کے مطابق بھارت کی جانب سے ورکنگ باؤنڈری پر مسلسل گولہ باری اور بلا اشتعال فائرنگ سے ہونے والے جانی و مالی نقصان کا جائزہ لینے کے لئے اقوام متحدہ کی آبزرور ٹیم نے سیالکوٹ میں سجیت گڑھ کے علاقے سخی خرد کا دورہ کیا جہاں پر انھیں پاکستانی حکام نے بھارتی گولہ باری کے باعث ہونے والے نقصانات کے حوالے سے بریفنگ دی جب کہ ایک کرنل اور 3 میجرز پر مشتمل ٹیم نے متاثرین سے خود بھی صورت حال دریافت کی.

واضح رہے کہ رواں ماہ کے آغاز سے ہی بھارت کی جانب سے ورکنگ باؤنڈری اور ایل او سی پر بلا اشتعال فائرنگ اور گولہ باری کا سلسلہ جاری ہے اور گزشتہ 5 روز کے دوران بھارتی جارحیت کے باعث 6 شہری شہید جب کہ متعدد زخمی ہو چکے ہیں۔

Indian shelling

Rashid Minhas who sacrificed their lives for the country to be martyred at 44 years ..

Rashid Minhas

who sacrificed their lives for the country

کراچی: مادر وطن کی خاطر جان کا نذرانہ پیش کرنے والے پاک فضائیہ کے پائلٹ آفیسر راشد منہاس شہید نشان حیدر کا آج 44 واں یوم شہادت منایا جارہا ہے۔

17 فروری 1951 کو کراچی میں پیدا ہونے والے راشد منہاس نے سینٹ پیٹرک کالج سے سینئیر کمیبرج پاس کیا۔ ان کے خاندان کے متعدد افراد پاکستان کی مسلح افواج میں  اعلیٰ عہدوں پر فائز تھے جس نے ان کے دل میں موجود مادر وطن کے دفاع کے جذبے کو مزید تقویت دی اور اپنے ماموں ونگ کمانڈر سعید سے جذباتی وابستگی کی بنا پر 1968 میں پاک فضائیہ میں شمولیت اختیار کی۔

20 اگست 1971 کو راشد منہاس مسرور بیس کراچی سے اپنی تیسری تنہا پرواز کے لئے جب وہ T-33جیٹ سے روانہ ہونے لگے تو ان کا انسٹرکٹر مطیع الرحمن ان کے ساتھ زبردستی طیارے میں سوار ہوگیا۔ مطیع الرحمن طیارے کو بھارت کی حدود میں لے جانا چاہتا تھا، راشد منہاس نے بھرپور مزاحمت کی لیکن کامیاب نہ ہونے پرمطیع الرحمن کے عزائم خاک میں ملاتے ہوئے طیارے کا رخ زمین کی جانب کردیا اس طرح طیارہ بھارتی سرحد سے صرف 32  میل پہلے ٹھٹھہ میں گرکر تباہ ہوگیا۔

وطن کی خاطراپنی جان کا نذرانہ پیش کرنے والے راشد منہاس کوان کی بے مثال قربانی پراعلیٰ ترین فوجی اعزارنشان حیدر سے نوازا گیا،وہ اعلیٰ ترین فوجی اعزازحاصل کرنے والے پاک فضائیہ کے واحد افسر ہیں جنہوں نے اپنی جان قربان کرکے ملک کے دفاع اور حرمت کی لاج رکھی۔

Pak Army

Wazir e Dakhla Chaudhry Nisar says ..

Wazir Dakhla

Chaudhry Nisar says

Chaudhry Nisar

Assistance to Pakistan is not corruption, Ching Ming Jun ..

FIFA presidential candidate Chung Ming-Jun

Assistance to Pakistan is not corruption

سیئول: فیفا کے صدارتی امیدوار چنگ منگ جون نے واضح کیا کہ پاکستان کو دی گئی امداد کوکرپشن اسکینڈل کی تحقیقات سے جوڑنا سازش اور غیراخلاقی حرکت ہے۔

2010 میں ہیٹی اور پاکستان کودی گئی رقم فلاحی کاموں کے لیے تھی، انھوں نے یہ بات ان میڈیا رپورٹس کے جواب میں کہی جس میں کہا گیا تھا کہ فیفا امدادی ریلیف فنڈ کی مد میں جنوبی کورین ارب پتی کیخلاف تحقیقات کررہی ہے جو 1990 کی دہائی سے نہ صرف ملکی بلکہ عالمی سطح پر بھی ہونے والی تباہ کاریوں میں امداد کی مد میں رقم دیتے رہے ہیں۔

ایک خبر رساں ادارے کے مطابق فیفا نے اپنے اعزازی نائب صدر ڈاکٹر چنگ مونگ جون کی جانب سے2010 میں قدرتی آفات کے نتیجے میں آنے والی تباہ کاریوں کے بعد پاکستان اور ہیٹی کو امداد کی مد میں دی جانے والی رقم کی تحقیقات شروع کردی ہیں، چنگ مونگ جون نے کہا کہ اگر یہ رپورٹس ٹھیک ہیں تو ہم فیفا کے اس عمل کو غیر اخلاقی حرکت قراردیتے ہوئے اس کی مذمت کرتے ہیں، وہ سیاسی مقاصد کے حصول کیلیے فلاحی اورامدادی کاموں کیلیے دی جانے والی رقم کوبھی غلط اندازمیں پیش کررہی ہے۔

اس سلسلے میں متعلقہ کمیٹی نے کوئی بیان جاری نہیں کیا جبکہ فٹبال کی عالمی گورننگ باڈی کی جانب سے بھی تصدیق نہیں کی گئی کہ چنگ کیخلاف کسی قسم کی تحقیقات جاری ہیں،کورین ارب پتی نے رواں ہفتے ہی پیرس میں سیپ بلاٹر کے متبادل کے طور پر خودکوفیفا صدارتی الیکشن کی دوڑ میں شامل کرنے کا باضابطہ اعلان کیا۔

اس موقع پر انھوں نے بلاٹر کے ساتھ ساتھ یوئیفا چیف مائیکل پلاٹینی کو بھی ہدف تنقید بنایا تھا، بلاٹر نے چنگ کے بیانات پر ردعمل دیتے ہوئے کہا تھا کہ وہ ان کی تنقید سے بہت مایوس ہوئے کیونکہ 2011 تک لگاتار 17 سال جنوبی کورین تاجر فیفا کے بااثر رکن رہے ہیں، بلاٹر فیفا کے خلاف کرپشن اسکینڈل کی تحقیقات اور سنگین الزامات کے سبب فیفا کی صدرت سے دستبردار ہو گئے تھے،ان کے متبادل کا انتخاب 26 فروری کو فیفا کانگریس میں ہو گا، چنگ نے گذشتہ ماہ ایک بیان میں کہا تھا کہ انھیں خدشہ ہے کہ بلاٹر ان کی فیفا صدارت کیلیے جاری مہم کو سبوتاژکرنے کی کوشش کررہے ہیں۔

انھوں نے اپنے امدادی کاموں کے حوالے سے سوال پرکہا کہ ہم نے ترکی، بنگلہ دیش، چین اور میانمار سمیت مختلف ممالک میں امدادی سرگرمیاں انجام دی ہیں، کوریا کی سب سے بڑی فلاحی تنظیم آسان فاؤنڈیشن کے چیئرمین کی حیثیت سے ڈاکٹر چنگ نے انڈونیشیا کے سونامی، پاکستان کے 2005 میں آنے والے زلزلے اور سری لنکن سونامی میں متاثر ہونے والوں کو طبی امداد فراہم کرنے میں مدد کی تھی۔

FIFA presidential candidate Chung Ming-Jun

Pakistani cricketer Mohammad Hafeez got billions fraud ..

Pakistani Cricketer

Mohammad Hafeez got billions fraud

لاہور: قومی کرکٹ ٹیم کے آل راؤنڈر محمد حفیظ نے مقامی پولیس اسٹیشن میں ایک پراپرٹی ڈیلر کے خلاف 3 کروڑ روپے کے فراد کا مقدمہ درج کرایا ہے۔

ایکسپریس نیوز کے مطابق قومی کرکٹر محمد حفیظ نے لاہور کے تھانہ ڈیفنس اے میں ایک پراپرٹی ڈیلر کے خلاف مقدمہ درج کرایا جس میں مؤقف اختیار کیا گیا ہے کہ انہوں نے 2 برس قبل کاشف نامی پراپرٹی ڈیلر اور اس کے ساتھیوں کو پلاٹ کی خریداری کے لیے 3 کروڑ روپے کی رقم ادا کی تاہم پراپرٹی ڈیلر کی جانب سے 2 سال تک حیلے بہانے کیے جاتے رہے اور رقم کے عوض نہ پلاٹ ان کے نام کیا گیا اور نہ ہی یہ رقم محمد حفیظ کو واپس کی گئی۔

Mohammad Hafeez

Karachi cricket lost, PCB win, Rashid Latif ..

Rashid Latif says

Karachi cricket lost, PCB win

کراچی: سابق کپتان راشد لطیف نے کہا ہے کہ نئے ڈومیسٹک کرکٹ فارمیٹ کے معاملے پرکراچی کرکٹ ہارگئی اور پی سی بی جیت گیا، یہ تنازع حل نہیں ہو سکتا،ملک بھرکی تمام ٹیموں کوکوالیفائنگ رائونڈ کھلایا جائے، جب تک موجود بورڈ میں نان کرکٹرز فیصلے کریں گے اسی طرح کی صورتحال پیش آتی رہے گی ۔

نیشنل اسٹیڈیم کراچی میں میڈیا سے گفتگوکرتے ہوئے راشد لطیف نے کہاکہ کے سی سی اے شہرقائدکی کرکٹ کا مقدمہ درست انداز میں نہیں لڑسکی، اسے اندرونی طور پر بھی مزاحمت درپیش ہے، پی سی بی کے نئے ڈومیسٹک فارمیٹ پر دستخط کرنے کے بعد اب ایسوسی ایشن کواسے تسلیم کرنے میں کیا قباحت ہے؟ میڈیا میں بات آنے پر آواز اٹھائی گئی، کے سی سی اے اس معاملے پر سراپا احتجاج ہوتی تو مجھے کھڑے ہوکر بات کرنے کی نوبت پیش نہ آتی، میں ملک بھر میں کرکٹ کی بہتری کے لیے آواز بلند کرتا رہوں گا، اب پی سی بی کے نئے سسٹم کو بھی ایک سال تک دیکھنا چاہیے۔

اس دوران تمام خوبیاں اور خامیاں سامنے آجائیں گی، انھوں نے کہا کہ اگر کوالیفائنگ رائونڈ کھیلنا ضروری ہے تو پھر تمام ٹیموں کوکھلانا چاہیے تاکہ اچھی ٹیمیں ہی آگے جا سکیں، کوالٹی کرکٹ رکھنی ہے توکوئی اورفارمیٹ لایا جائے، ہم نے اتنی کرکٹ کھیلی اور بہت سسٹم دیکھے لیکن جیسا اب ہورہا ہے ایسا نہیں دیکھا ، راشد لطیف نے کہا کہ ماضی میں ہمیشہ سے کراچی اورلاہورکی 2،2 ٹیمیں رہی ہیں، بہترہوگاکہ ڈومیسٹک کرکٹ میں اسپانسرشپ لاکر فرسٹ کلاس کرکٹرزکوپیسے دیے جائیں، ان کے لیے بہت کم آواز اٹھتی ہے، انٹرنیشنل کرکٹ میں بہترکارکردگی کے لیے ڈومیسٹک مقابلوںکو ترجیح دینے کی ضرورت ہے، سری لنکا اور بنگلہ دیش کی ڈومیسٹک کرکٹ ہم سے بہتر ہے۔

انھوں نے کہا کہ یہ کہنا درست نہیں کہ پی سی بی میں محض ایک شخص زیادہ بااختیار ہے،پی سی بی کے گورننگ بورڈ میں موجود لوگوں نے کرکٹ نہیں کھیلی، وہ کھیل کی سمجھ سے عاری ہونے کے سبب غلطیاں کرتے ہیں،کرکٹ کے خلاف فیصلے کیے جارہے ہیں ، ایسے افراد کی موجودگی میں کھیل مزید تباہی کی جانب جائے گا، انھوں نے کہا کہ کے سی سی اے کو اپنے کیے کی سزا بھگتنا پڑے گی اور اس کی سزا کراچی کے کرکٹرز کو ملے گی، اس معاملے پرلاہور کے اسٹینڈ لینے سے بھی کچھ فرق نہیں پڑے گا۔

Rashid Latif

Special Olympics Games ..

Petroleum products are likely to decline ..

Reham Khan gives away award to Hina Mansab ..

Reham Khan

Reham Khan gives away award to Hina Mansab

Wife of Tehreek-e-Insaf (PTI) Chairman Imran Khan, Reham Khan gives away award to Hina Mansab, Vice Chairperson Sark Women Chamber during the International Conference on Women Leadership held at local hotel in Karachi on Sunday, August 16, 2015. 

Reham Khan

Qatar Army Chief ..

General Ghanim Bin Shaheen Al Ghanim

Guard of Honour at Naval Headquarters

ISLAMABAD: Aug18 - Maj General (Pilot) Ghanim Bin Shaheen Al Ghanim, Chief of Staff Qater Armed Forces, inspecting Guard of Honour at Naval Headquarters.

General Ghanim Bin Shaheen Al Ghanim

Pakistan vs India series ..

Pakistan vs India

India refused to play series

Pakistan vs India

Pakistan Super League balloon was then fainted ..

Pakistan Super League

PSL balloon was then fainted

کراچی / لاہور: پاکستان سپرلیگ کے غبارے سے پھر ہوا نکلنے لگی، وینیوز کی تلاش میں سرگرداں بورڈ تاریخ پر تاریخ دینے لگا، فروری اور اپریل کے بعد اب چیئرمین نے مئی میں ایونٹ سجانے کا عندیہ دے دیا،آئی پی ایل کے ساتھ صحرائی وینیوز پر سخت گرمی ٹاپ پلیئرز کی راہ میں رکاوٹ بن سکتی ہے۔

شہریار خان کا کہنا ہے کہ  ٹوئنٹی 20 ٹورنامنٹ قطر میں ہوسکتا ہے مگر یو اے ای کا آپشن بھی نظر انداز نہیں کیا جاسکتا، جلد ہی بورڈ کا وفد دونوں ممالک کا ایک اور دورہ کرے گا، آئندہ 10 روز میں شیڈول اور وینیوز کے بارے میں حتمی فیصلہ کر لیں گے۔

تفصیلات کے مطابق پاکستان سپر لیگ انعقاد سے قبل ہی تنازعات کا شکار ہے، سب سے بڑا اعتراض ایونٹ کے ملک سے باہر انعقاد پر سامنے آیا جسے بورڈ خاطر میں لانے کو تیار ہی نہیں ہے،اس کی منصوبہ بندی کا یہ عالم ہے کہ ابھی تک اتنے بڑے ٹورنامنٹ کے لیے مناسب وینیو تک تلاش نہیں کیا جا سکا۔

دوسری جانب ایونٹ کے انعقاد کی ایک کے بعد دوسری تاریخ دینے کا سلسلہ بدستور جاری ہے۔  پی سی بی نے پہلے فروری 2016میں انعقاد کا اعلان کیا، ایسے میں یہ حقائق سامنے آئے کہ اس وقت متحدہ عرب امارات کے تینوں سینٹرز سابق کرکٹرز کی ماسٹرز چیمپئنز لیگ کے میزبان ہونگے، فیوچر ٹور پروگرام کے تحت بھی اس عرصے میں صرف ملکی اور ویسٹ انڈین کھلاڑی ہی دستیاب ہوتے، یہ جاننے کے بعد شہریارخان نے اپریل میں انعقاد کی بات کر دی حالانکہ اس وقت آئی پی ایل کے میچز جاری ہونگے، جب میڈیا کے ذریعے ان کی توجہ اس جانب مبذول کرائی گئی تو اب بورڈ چیئرمین کی جانب سے ایونٹ مئی میں منعقد کرنے کا عندیہ دے دیا گیا ہے۔

نیشنل کرکٹ اکیڈمی میں گورننگ بورڈ اجلاس میں ایگزیکٹیو کمیٹی سربراہ نجم سیٹھی نے ارکان کو پاکستان سپر لیگ کے حوالے سے پیش رفت سے آگاہ کیا، انھوں نے بتایا کہ ایونٹ کا ایکشن پلان اگلی میٹنگ میں پیش کردیا جائے گا۔ بعد ازاں میڈیا سے بات چیت کرتے ہوئے شہریار خان نے بتایا کہ فروری میں متحدہ عرب امارات کے اسٹیڈیم ماسٹرز ٹوئنٹی 20 لیگ کیلیے بک ہونگے، لہذا پاکستان سپر لیگ کا انعقاد  قطر میں ہونے کے امکانات ہیں۔

انھوں نے واضح کیا کہ یو اے ای کو ابھی نظر انداز نہیں کیا جا سکتا، وہاں پر بھی ایونٹ کے انعقاد کا آپشن ہمارے سامنے موجود ہے، ٹورنامنٹ کی تاریخوں میں ممکنہ ردوبدل کے حوالے سے چیئرمین پی سی بی نے کہا کہ ہمارے سامنے ایک تجویز یہ بھی موجود ہے کہ ایونٹ آئندہ سال فروری کے بجائے مئی میں کرا لیا جائے،اس کیلیے انٹرنیشنل کرکٹرز کی مصروفیات اور دستیابی کو بھی دیکھنا ہوگا۔

انھوں نے کہا کہ پی سی بی کا ایک وفد جلد ہی پی ایس ایل کے معاملات پر بات چیت کیلیے یو اے ای اور قطر جائے گا،آئندہ 10روز میں شیڈول اور وینیوز کے بارے میں حتمی فیصلہ کرلینگے۔ واضح رہے کہ پی ایس ایل کے مئی میں انعقاد سے بھی تاریخیں آئی پی ایل سے متصادم ہوں گی کیونکہ رواں برس بھی انڈین لیگ کا فائنل 24 مئی کو کھیلا گیا تھا۔

ورلڈ ٹوئنٹی20 کے مارچ اپریل میں بھارت میں ہی انعقاد کی وجہ سے آئی پی ایل مئی کے آخر تک جاری رہ سکتی ہے۔ اگر پی سی بی مئی کے آخر میں ایونٹ کرانے پر بضد بھی رہا تب چاہے مقابلے متحدہ عرب امارات میں ہوں یا پھر قطر میں شدید گرمی کا بہرحال سامنا کرنا پڑے گا، صحرائی وینیوز پر جھلسا دینے والی گرمی میں شاید ہی کوئی ٹاپ پلیئر کھیلنے کو تیار ہو۔

Pakistan Super League

Army chief meets Prime Minister ..

Army chief meets Prime Minister

Discusses security situation

اسلام آ باد: وزیراعظم نوازشریف سے پاک فوج کے سربراہ جنرل راحیل شریف نے ملاقات کی جس میں کراچی میں جرائم پیشہ افراد کے خلاف کارروائی اور ملک کی سلامتی کی مجموعی صورتحال پر تبادلہ خیال کیا گیا۔وزیراعظم ہاوٴس اسلام آباد میں وزیر اعظم نوازشریف اور آرمی چیف جنرل راحیل شریف کے درمیان ملاقات میں وفاقی وزیر داخلہ چوہدری نثار، وزیر خزانہ اسحاق ڈار اور وزیر اعظم کے مشیرخارجہ سرتاج عزیز اور معاون خصوصی طارق فاطمی بھی شریک ہوئے، ملاقات میں ملک کی مجموعی سکیورٹی صورتحال اور ملکی سلامتی کے امور پر تفصیلی گفتگو کی گئی۔ اس موقع پر وزیر داخلہ پنجاب شجاع خانزادہ کی شہادت کے بعد پیدا ہونے والی صورتحال پر بھی غور کیا گیا۔
ذرائع کا کہنا ہے کہ ملاقات میں کراچی میں جرائم پیشہ افراد کے خلاف جاری آپریشن کو ہر صورت منطقی انجام تک پہنچانے اور دہشت گردوں کے سہولت کاروں و مالی معاونین کے خلاف بلاامتیاز کارروائی جاری رکھنے پر اتفاق کیا گیا۔ اس کے علاوہ ملاقات میں طے کیا گیا مشیر خارجہ سرتاج عزیز کی بھارتی ہم منصب سے ملاقات میں بھارتی جارحیت کا معاملہ سرفہرست رکھا جائے گا۔

Army chief meets Prime Minister